II Têsalônik 3:2 - Nau Brah Ndu Ngơi 2023

² jêh ri gay ma hên geh nau rklaih bơh phung bunuyh ƀai jêh ri djơh mhĭk; yorlah mâu di lĕ rngôch geh nau chroh da dê.

Bunong Bible Latin Script Cambodian dialect

² Mbơh sơm ăn ma hên gay ma klaih bơh bunuyh kue, bơh bunuyh djơh, yorlah mâu geh ôh dâng lĕ bunuyh i geh nsing.

Bunong

² មឞើស​ឆើម​អ៝ន់​មា​ហេន​គៃ​មា​ក្លាយ្ស​ឞើស​ឞូនុយ្ស​ក្វែ ឞើស​ឞូនុយ្ស​អ្យើស យ៝រ​លាស​មោ​គែស​អោស​ទឹង​លែៈ​ឞូនុយ្ស​អី​គែស​ញឆីង។

II Têsalônik 3:2 ပူးပေါင်းရင်းမြစ်များ

Mathay 17:17

Brah Yêsu plơ̆ lah: “Hơi ndŭl mpôl mâu chroh jêh ri dăng bôk, ndah nâm jŏ Gâp mra gŭ ndrel đah khân may? Ndah nâm jŏ Gâp mra nsrôih dơn đah khân may? Njŭn leo hom kon se nây ma Gâp.”

Mathay 23:23

Rêh ni yơh ma khân may, phung kôranh nchih samƀŭt jêh ri phung Pharisi, jêng phung geh nuih n'hâm nklă! Yorlah khân may nhhơr du kô̆ tâm jât klôih, ndơ ƀâu kah, trau gir, ƀiălah khân may chuêl lĕ nau khlay lơn tâm nau vay jêng nau sŏng, nau yô̆ nđach jêh ri nau chroh. Ăn khân may ƀư lĕ nau nây, ƀiălah mâu dơi đŏng chuêl lĕ nau ri.

Luka 18:8

Gâp lah ma khân may, Păng mra gơnh ro phat dôih sŏng ma khân păng. Ƀiălah tơlah Kon Bunuyh văch, Păng hôm saơ nau chroh ta klơ neh ƀơh?”

Kôranh Oh Mon 13:45

Ƀiălah dôl saơ phung bunuyh nây phung Yuđa bêng ma nuih n'hâm mâu nach, tâm rdâng đah nau Y-Pôl nti lah jêh ri suai rak ma păng.

Kôranh Oh Mon 13:50

Ƀiălah phung Yuđa nsŭk phung bu ur sŏng srăng tâm phung bu yơk jêh ri phung kôranh chiă uănh tâm ƀon, nsŭk khân păng ƀư djơh ma Y-Pôl jêh ri Y-Ƀarnaƀas, mprơh lơi bar hê khân păng luh bơh n'gor khân păng.

Kôranh Oh Mon 14:2

Ƀiălah phung Yuđa mâu chroh nsônh, ƀư djơh ma nau mĭn phung bu năch geh nau nuih ma phung oh nâu.

Kôranh Oh Mon 17:5

Ƀiălah phung Yuđa tâm rmot, jă âk bunuyh janh ƀai tâm trong sâng, tâm rgum phung âk jêh ri ƀư nau uh ah tâm ƀon. Khân păng n'hoch tât ta ngih Y-Yason, joi nhŭp Y-Pôl jêh ri Y-Silas gay ma njŭn leo tanăp phung ƀon lan.

Kôranh Oh Mon 25:27

Yorlah gâp mĭn têk leo du huê bu nă ƀiălah mâu mbơh rah vah moh ntil nau bu phong păng, nanê̆ ngăn jêng mâu di.”

Kôranh Oh Mon 28:24

Phung ƀaƀă geh nau nsŭk nsôr tă bơh nau Y-Pôl nti, bi ƀaƀă mâu ŭch chroh ôh.

Samƀŭt Pôl Njuăl Ăn Ma Phung Nsing Ta Ƀon Rôm 10:16

Ƀiălah mâu di lĕ rngôch bunuyh tông tĭng Nau Mhe Mhan Ueh ôh; Y-Êsai hŏ lah: “Ơ Kôranh Brah, mbu nơm chroh nau hên mbơh nkoch?”

Samƀŭt Pôl Njuăl Ăn Ma Phung Nsing Ta Ƀon Rôm 15:31

gay ma gâp dơi klaih bơh phung mâu chroh tâm n'gor Yuđa, jêh ri nau gâp pah kan dôl gâp hăn tât ta ƀon Yêrusalem mra dơi phung kloh ueh dơn.

I Kôrintô 15:32

Ngơi tĭng nau kon bunuyh, moh nau khlay ma gâp geh tơlah gâp tâm lơh đah phung mpa bri janh ta ƀon Êphêsô? Tơlah phung khĭt mâu hôm dâk rêh tay, pôri he “Sông sa hom, nhêt hom, Yorlah nar ôi taơ he mra khĭt!”

Nau Vay Nkah Tay 32:20

Păng lah: “Gâp mra pôn muh măt Gâp Gay saơ moh nau mra jêng kêng lôch dŭt khân păng, Yorlah khân păng jêng noi deh tih mhĭk ngăn, Jêng phung kon mâu geh nau răp jăp ôh.

I Têsalônik 2:18

Yor ri, hên, gâp yơh, Y-Pôl, bar tơ̆ jêh ŭch hăn tât ma khân may, ƀiălah Satan hŏ buay hên.

II Timôthê 4:17

Ƀiălah Kôranh Brah dâk êp meng gâp jêh ri ăn nau dơi ma gâp, gay gâp dơi mbơh nkoch Nau Mhe Mhan Ueh tâm nau ƀư rĭng ma lĕ rngôch phung bu năch tăng, jêh ri gâp geh nau rklaih bơh trôm mbung yau mŭr.