II Têsalônik 3:15 - Nau Brah Ndu Ngơi 2023

¹⁵ Nđâp lah kơt nĕ, lơi uănh ma khân păng nâm bu du huê rlăng ôh; ƀiălah, ntĭm hom nâm bu du huê oh nâu nơm.

Bunong Bible Latin Script Cambodian dialect

¹⁵ Yơn ma lơi ôh kơp păng jêng bunuyh rlăng, ăn nkah păng jêng tâm ban ma oh nô hŏ.

Bunong

¹⁵ យើន​មា​លើយ​អោស​កើប​ពាង់​ជេង​ឞូនុយ្ស​រាលាង់ អ៝ន់​ងកាស​ពាង់​ជេង​តឹម​ឞាន​មា​អ៝ស​នោ​ហ៝ៈ។

II Têsalônik 3:15 ပူးပေါင်းရင်းမြစ်များ

Nau Mprơ Ơm 141:5

Ăn nơm sŏng srăng lơh gâp yor nuih n'hâm ueh, Jêh ri nau nduyh nkra khân păng jêng nâm bu dak ngi dŭt ueh ta klơ bôk gâp, Bôk gâp mâu mra dun ma nau nây ôh. Ƀiălah tâm nôk phung mhĭk ƀư nau ƀai, gâp ăt mbơh sơm ƀaƀơ.

Nau Hôr 25:12

Ma đah tôr gĭt iăt, nau nduyh bơh bunuyh blau mĭn Nâm bu du mlâm rgên mah, du ndơ nkrơ̆ đah mah chrêk.

Nau Hôr 9:9

Ăn hom nau ƀŭn lap ma bunuyh blau mĭn, păng mra blau mĭn lơn; Sâm nti hom ma bunuyh sŏng srăng, păng mra ntop nau gĭt blau lơn.

Mathay 18:15

“Tơlah oh nâu may ƀư tih đah may, hăn hom tâm mâp êng jêh ri ngơi nau nây ma păng. Tơlah păng dơi iăt, may dơi geh oh nâu may.

I Kôrintô 4:14

Gâp nchih nau nây mâu di gay ƀư ma khân may bêk prêng ôh, ƀiălah gay ma đă khân may nâm bu phung kon gâp rŏng ngăn ngên.

I Kôrintô 5:5

he jao bunuyh ƀư pônây ma brah Satan ƀư rai nglay săk păng, gay ma huêng păng dơi tâm rklaih tâm nar Kôranh Brah.

II Kôrintô 10:8

Nđâp tơlah hên tâm rnê ma hên nơm rlau keh djê̆ lê̆ yor nau dơi Kôranh Brah ăn jêh ma hên gay ma n'hao khân may, mâu di gay ma ƀư rai khân may ôh, gâp mâu mra bêk ôh.

II Kôrintô 13:10

Yor ri, nôk ndŭt măt, gâp nchih nau aơ gay nôk gâp geh măt, gay gâp mâu ƀư janh nau dơi Kôranh Brah ăn jêh ma gâp, jêng nau dơi gay ndâk njêng khân may, mâu di gay ƀư rai ôh.

Galati 6:1

Hơi oh nâu, tơlah geh du huê rhuh tâm nau tih, khân may jêng phung hăn tĭng nâm Brah Huêng Ueh, sŏk hom nuih n'hâm rdơ̆ rbăn gay nkra khân păng. Ăn khân may nơm blau njrăng, klach lah geh nau ndơm tât ma khân may tâm ban lĕ.

I Têsalônik 5:14

Hơi oh nâu, dăn khân may đă hom phung kơr ƀlao, n'hao nuih n'hâm phung rdja, srôih đah lĕ rngôch bunuyh.

II Têsalônik 3:13

Hơi phung oh nâu, lơi rdja nuih n'hâm nôk khân may ƀư kan ueh.

II Têsalônik 3:6

Hơi phung oh nâu, tâm amoh Kôranh Brah he jêng Brah Yêsu Krist, khân may nkah phung oh nâu der ngai hom đah phung oh nâu gŭ rêh ƀlao pah kan, mâu tĭng lĕ nau ntĭm nti ƀiălah khân may hŏ sŏk dơn jêh bơh hên.

Titus 3:10

Lôch jêh nduyh ma nơm ƀư nau tâm nkhah mpôl du tơ̆ mâu lah bar tơ̆ pôri der ngai hom đah khân păng;