II Têsalônik 2:9 - Nau Brah Ndu Ngơi 2023

⁹ Bơh nau pah kan Satan, nơm djơh mhĭk mra tâm văch ma lĕ rngôch nau brah tâm ban đŏng lĕ nau khlay, nau mbên khlay mƀruh ndơm;

Bunong Bible Latin Script Cambodian dialect

⁹ Ê lor ma nar i nây, bunuyh dŭt tih i nây, păng văch ma nau dơi Satăng, păng jan ăp ntil ndơ kuŏng, jan ndơ dŭt nau ngăn, jan nau mbên êng êng. Yơn ma dâng lĕ ndơ i nây jêng nau nklă dadê.

Bunong

⁹ អេ​ល៝រ​មា​នារ​អី​នៃ ឞូនុយ្ស​ទុត​តីស​អី​នៃ ពាង់​វាច់​មា​នាវ​ទើយ​ឆាតាង់  ពាង់​ជាន​អាប់​នតីល​នទើ​ក្វ៝ង់ ជាន​នទើ​ទុត​នាវ​ងាន់ ជាន​នាវ​មឞេន​អេងៗ។ យើន​មា​ទឹង​លែៈ​នទើ​អី​នៃ​ជេង​នាវ​ងក្លាៈ​ទាទេ។

II Têsalônik 2:9 ပူးပေါင်းရင်းမြစ်များ

II Nau Rêh Jêng 18:20

Nôk nây, geh du huê brah tât dâk panăp Brah Yêhôva, jêh ri lah pô aơ: ‘Gâp mra ndơm păng.’ Brah Yêhôva ôp: ‘Mâm nau may ndơm păng?’

Nau Ngluh Êjipt 7:22

Ƀiălah phung rƀên n'gor Êjipt dŏng nau blau rƀên gay ƀư tâm ban pônây yor ri nuih n'hâm Pharaôn ăt hôm dăng, mâu tông nau Y-Môis jêh ri Y-Arôn, di nâm nau Brah Yêhôva hŏ ntĭnh jêh.

Nau Ngluh Êjipt 8:18

Phung rƀên srôih dŏng nau blau rƀên gay ma njêng măch ƀiălah khân păng mâu dơi ƀư ôh nau nây. Măch hôm jôp ta bunuyh jêh ri ta mpô mpa.

Nau Ngluh Êjipt 8:7

Phung rƀên dŏng nau blau rƀên ƀư tâm ban pônây lĕ, jêh ri ƀư ăn kĭt vơr hao tât ta n'gor Êjipt đŏng.

Êsai 29:10

Yorlah Brah Yêhôva hŏ nkhŭt brah bê̆ch hăk ma khân may; Păng hŏ nsêt jêh măt khân may jêng phung nơm mbơh lor, Păng nkŭm jêh bôk khân may, jêng phung geh nau tâm saơ.

Êsêkiêl 14:5

Tâm ban pônây, Gâp dơi sŏk ăn nuih n'hâm ƀon lan Israel phung nkhah du jêh tă bơh Gâp yor ma khân păng mbah rup brah.

Mathay 12:22

Nôk nây, bu njŭn leo ma Brah Yêsu du huê bunuyh brah mhĭk lơh, chieh măt jêh ri mlo; Păng ƀư bah khân păng jêh ri ƀư ăn ma bunuyh nây ngơi jêh ri dơi saơ ang.

Mathay 24:24

Yorlah lĕ bunuyh nklă amoh Brah Krist jêh ri phung nơm mbơh lor nklă mra mpơl jêh ri ƀư lĕ nau mbên khlay, nau khlay ngăn toyh gay ndơm, jêh ri tơlah geh dơi ƀư, khân păng ndơm nđâp ma phung hŏ săch jêh.

Mathay 4:10

Brah Yêsu lah ma păng: “Hơi Satan, rŭch plơ̆ hom! Yorlah geh nau nchih jêh pô aơ: ‘Ăn may yơk mbah ma Kôranh Brah jêng Brah Ndu may, jêh ri knŏng pah kan knŏng du huê Păng dơm yơh.’ ”

Markôs 13:22

Lĕ bunuyh nklă amoh Brah Krist jêh ri phung nơm mbơh lor nklă mra mpơl; khân păng ƀư lĕ nau mbên khlay, nau khlay toyh ngăn gay lah dơi ƀư, khân păng ndơm nđâp ma phung hŏ săch jêh.

Luka 11:25

Tơlah păng plơ̆ sĭt tât, saơ ngih nây bu pih rep kloh jêh ri dăp ăn ueh reh

Yôhan 4:48

Brah Yêsu lah ma kôranh toyh pô aơ: “Tơlah mâu saơ ôh nau mbên khlay jêh ri nau khlay, nanê̆ khân may mâu chroh ôh!”

Yôhan 8:41

Khân may ƀư kan ma mbơ̆ khân may nơm.” Khân păng lah: “Hên mâu di jêng kon văng tĭr ôh, hên knŏng geh du Mbơ̆, jêng Brah Ndu.”

Yôhan 8:44

Khân may luh tă bơh mbơ̆ khân may jêng brah mhĭk, jêh ri khân may ŭch ƀư tĭng nau kơnh ŭch ma mbơ̆ khân may. Bơh ntơm saơm păng jêng nơm nkhĭt bunuyh, jêh ri mâu gŭ tâm nau ngăn ôh, yorlah nau ngăn mâu geh tâm păng ôh. Lah păng ngơi nau mƀruh jêng ngơi tĭng nuih n'hâm djơh păng nơm, yorlah păng jêng nơm mƀruh jêh ri mbơ̆ nau mƀruh.

Kôranh Oh Mon 13:10

“May jêng kon brah mhĭk, nơm rlăng ma lĕ nau sŏng, bêng ma ndơm jêh ri janh ƀai! May ƀư kue trong sŏng Kôranh Brah mro ƀơh?

II Kôrintô 11:14

Nau nây mâu hih rhâl ôh, nđâp ma Satan nơm jan lah njêng tâm ban ma tông mpăr nau ang.

II Kôrintô 11:3

Ƀiălah gâp klach, nâm bu bêh dŏng tâm nchră ndơm mƀruh H'Êva, nau mĭn khân may geh đŏng nau mhĭk, roh nau nanê̆ ngăn jêh ri nau kloh rsang đah Brah Krist nâm pônây.

II Kôrintô 4:4

Brah tâm rnôk aơ ƀư chieh măt nau mĭn ma phung bunuyh mâu chroh, gay khân păng mâu saơ nau ang Nau Mhe Mhan Ueh chrêk rmah tâm Brah Krist, jêng rup Brah Ndu.

Êphêsô 2:2

jêng lĕ nau khân may hŏ tă tĭng dôl hôm rêh tĭng nâm nau mơng ta neh ntu aơ, tông tĭng nơm chiă uănh tâm ndâr tŭk, jêng brah dôl pah kan tâm lĕ phung kon mâu tông bâr.

II Timôthê 3:8

Kăl e Y-Janes jêh ri Y-Jambrê tâm rdâng đah Y-Môis, tâm ban lĕ phung bunuyh aơ tâm rdâng đah nau ngăn. Nây jêng phung bunuyh geh nau mĭn djơh mhĭk jêh ri nau chroh rdja.

Yakơ 3:15

Nau blau mĭn nĕ mâu geh tât bơh klơ trôk, ƀiălah jêng ndơ bơh neh ntu, bơh nglay săk jêh ri bơh phung brah mhĭk.

Nau Tâm Mpơl 12:17

Mlâm bêh nhŭk nhăk ji nuih ma bu ur nây jêh ri hăn tâm lơh đah noi deh păng hôm e, nâm bu ntĭt phung djôt prăp ma lĕ nau vay Brah Ndu ntăm jêh ri geh nau mbơh Brah Yêsu.

Nau Tâm Mpơl 12:9

Bu klŭp mƀăr bêh nhŭk nhăk toyh jŭr ta neh, jêng bêh ơm, bu rnha jêng brah mhĭk mâu lah Satan, nơm ndơm mƀruh lĕ kon bunuyh. Bu klŭp păng jŭr ta neh ntu; phung mbơh păng bu klŭp mƀăr jŭr ndrel ma păng.

Nau Tâm Mpơl 18:23

Nau ang kađen mâu mra nchrat ang ta ntŭk may đŏng; nteh maak ma ur sai mhe mâu mra hôm tăng ta ntŭk may đŏng, yorlah phung tăch rgâl may jêng phung bunuyh geh nau ktang ta neh ntu, jêh ri yorlah may dŏng nau ƀŭk rƀên gay ndơm mƀruh ma lĕ rngôch mpôl băl bunuyh.

Nau Tâm Mpơl 19:20

Ƀiălah bu nhŭp jêh mpô mpa dŭt janh nây jêh ri nơm mbơh lor nklă — nơm ƀư jêh lĕ nau mbên khlay tanăp mpô mpa, gay ndơm mƀruh ma phung bunuyh dơn jêh nau mbên tă bơh mpô mpa jêh ri phung bunuyh yơk mbah ma rup păng — bu nhŭp đŏng. Lĕ bar hê khân păng bu mƀăr rêh jŭr tâm nglao ŭnh mô ŭnh dôl hit.

Nau Tâm Mpơl 20:10

Bi brah mhĭk jêng nơm ndơm mƀruh khân păng bu klŭp mƀăr păng lăp nglao ŭnh geh mô ŭnh, Ta nây geh mpô mpa dŭt janh jêh ri nơm mbơh lor nklă gŭ jêh. Khân păng geh nau rêh ni măng nâm nar ma tât n'ho ro.

Nau Tâm Mpơl 9:11

Hađăch ma khân păng jêng phung mbơh tă bơh brŏng jru, geh amoh tâm nau ngơi Hêbrơ jêng Abadôn, jêh ri tâm nau ngơi Grek jêng Apôliôn.