II Têsalônik 1:5 - Nau Brah Ndu Ngơi 2023

⁵ Aơ jêng nau mbơh ma nau Brah Ndu phat dôih sŏng, gay ma khân may plơ̆ jêng nau khư ma ƀon bri hađăch Brah Ndu, jêh ri yor nây khân may dơn nau rêh ni.

Bunong Bible Latin Script Cambodian dialect

⁵ Lah ndri ta nau khân ay may gŭ nâp ta nau nsing ma Kôranh Brah, bân say n'hêl nanê̆ ngăn nau Kôranh Brah phat dôih sŏng ngăn. Păng kơp khân ay may di ma lăp ta nau Păng nơm mât uănh, jêh ri khân ay may geh nau jêr jŏt yor ma khân ay may jêng ƀon lan Păng nơm.

Bunong

⁵ លាស​នទ្រី​តា​នាវ​ខាន់​អៃ​មៃ​គុ​ន៝ប់​តា​នាវ​ញឆីង​មា​កោរាញ​ឞ្រាស ឞ៝ន់​ឆៃ​នហេល​នានេៈ​ងាន់​នាវ​កោរាញ​ឞ្រាស​ផាត​ទោយ្ស​ឆ៝ង់​ងាន់។ ពាង់​កើប​ខាន់​អៃ​មៃ​ទី​មា​លាប់​តា​នាវ​ពាង់​នើម​ម៝ត់​អ្វាញ់ ជេសរី​ខាន់​អៃ​មៃ​គែស​នាវ​ជេរ​ជ៝ត់​យ៝រ​មា​ខាន់​អៃ​មៃ​ជេង​ប៝ន​លាន​ពាង់​នើម។

II Têsalônik 1:5 ပူးပေါင်းရင်းမြစ်များ

Ndrom Samƀŭt bơh Yôp 8:3

Mâm ƀư dĭng Brah Ndu juet ăn kue lơi nau di? Mâu lah Nơm Geh Lĕ Nau Brah nsak lơi nau di?

Nau Mprơ Ơm 111:7

Kan ti Păng jêng nau răp jăp jêh ri nau sŏng srăng; Lĕ nau vay bơh ntăm Păng khư rnơm ngăn,

Nau Mprơ Ơm 33:5

Păng rŏng nau sŏng srăng jêh ri nau di; Lam neh ntu bêng ma nau ueh Brah Yêhôva.

Nau Mprơ Ơm 50:6

Lĕ ndâr trôk mra mbơh nau sŏng srăng Păng. Yorlah Brah Ndu yơh jêng kôranh phat dôih. (Sêla)

Nau Mprơ Ơm 72:2

Păng mra phat dôih phung ƀon lan May ma nau sŏng, Phat dôih ma phung o ach ma nau di.

Nau Mprơ Ơm 99:4

May jêng Hađăch nau brah; May rŏng nau sŏng srăng; Păng rdâk nau di, Ƀư nau phat dôih jêh ri nau di tâm ngih Yakôb.

Yêrêmi 9:24

Ƀiălah mbu nơm tâm rnê tâm rnê hom ma: Nau gĭt rbăng jêh ri gĭt năl Gâp jêng Brah Yêhôva, Nơm mra ƀư nuih n'hâm nau rŏng bu, Nau kloh ueh jêh ri sŏng srăng ta neh ntu; Yorlah Gâp ŭch rŏng lĕ nau nây.” Brah Yêhôva lah pônây.

Daniel 4:37

Aƀaơ aơ, gâp, Y-Nêbukatnetsar mprơ tâm rnê, mât ton jêh ri yơk ma hađăch tâm Trôk Yorlah lĕ nau kan Păng jêng nanê̆ ngăn da dê Jêh ri lĕ trong Păng jêng sŏng da dê. Mbu nơm hăn tâm nau sưr Păng mra ntrŭnh.

Luka 20:35

ƀiălah phung dơi kơp jêng khư dơn kô̆ tâm rnôk kăndơ̆ jêh ri dơi dâk rêh tay tă bơh nau khĭt, mâu mra hôm sŏk ur sŏk sai ôh.

Luka 21:36

Pôri, rngeh njrăng jêh ri mbơh sơm ƀaƀơ hom, gay khân may tŏng n'hâm suan der luh bơh lĕ nau mra tât geh jêh ri dâk tanăp Kon Bunuyh.”

Kôranh Oh Mon 13:46

Ƀiălah Y-Pôl jêh ri Y-Ƀarnaƀas lah ma khân păng ma nau janh ktang: “Ăn lor lơn nkoch mbơh nau ngơi Brah Ndu ma khân may; ƀiălah yorlah khân may hŏ dun, jêh ri kơp êng khân may nơm mâu khư dơn nau rêh n'ho ro, yor ri aƀaơ aơ hên rle ma phung bu năch.

Kôranh Oh Mon 14:22

Bar hê khân păng ƀư nâp nuih n'hâm phung oh mon, n'hao nuih khân păng djôt nâp nau chroh, jêh ri đă pô aơ: “He găn âk nau rêh ni, ri mơ dơi lăp tâm ƀon bri hađăch Brah Ndu.”

Samƀŭt Pôl Njuăl Ăn Ma Phung Nsing Ta Ƀon Rôm 2:5

Ƀiălah nuih n'hâm may dăng, mâu rmal nau tih, may prăp nkrem tâm may nơm nau ji nuih hâu ngăn tâm nar Brah Ndu ji nuih, jêng nôk Brah Ndu phat dôih sŏng mra tâm mpơl,

Samƀŭt Pôl Njuăl Ăn Ma Phung Nsing Ta Ƀon Rôm 8:17

Tơlah he jêng phung kon ăt jêng phung ndơn drăp, ndrel jêng phung ndơn drăp Brah Ndu, ndrel jêng phung ndơn drăp ndrel ma Brah Krist; tơlah n'hêl nanê̆ ngăn he dơn nau rêh ni ndrel ma Păng, he mra geh nau chrêk rmah ndrel ma Păng.

Êphêsô 4:1

Pôri, jêng du huê bunuyh gŭ ndrung tâm Kôranh Brah, gâp vơh vơl ma khân may gŭ rêh hom du nau rêh tâm di ma nau Brah Ndu kuăl jêh khân may.

Philip 1:28

jêh ri mâu klach du ntil ndơ tă bơh phung rlăng. Nây jêng nau mbơh gay saơ khân păng mra geh nau rai yot, bi khân may geh nau tâm rklaih; jêh ri nau nây luh bơh Brah Ndu.

Kôlôh 1:12

jêh ri nhhơr nau ngơi lah ueh ma Brah Ndu Mbơ̆, jêng Nơm hŏ ƀư jêh ma khân may găl dơi geh kô̆ drăp ndơn phung kloh ueh tâm nau ang.

I Têsalônik 2:14

Hơi phung oh nâu, khân may hŏ tĭng kơt Phung Ngih Brah Ndu tâm Brah Yêsu Krist ta n'gor Yuđa, yorlah khân may dơn đŏng lĕ nau rêh ni nđâp phung ƀon lan khân may nơm nâm bu Phung Ngih Brah Ndu hŏ dơn jêh bơh phung Yuđa,

II Têsalônik 1:11

Yor ri, hên mbơh sơm ma khân may ƀaƀơ, gay ma Brah Ndu he ƀư ma khân may khư ma nau Păng kuăl, jêh ri yor ma nau brah Păng gay ƀư lôch jêh lĕ nau ŭch mĭn ueh jêh ri kan nau chroh khân may;

II Timôthê 2:12

Tơlah he srôih dơn nau rêh ni, He mra chiă uănh đŏng ndrel ma Păng; Tơlah he dun Păng, Păng mra dun he đŏng;

Nau Tâm Mpơl 15:4

Ơ Kôranh Brah, mbu nơm mâu mra klach yơk Kôranh Brah, Jêh ri mâu tâm rnê amoh may? Yorlah knŏng êng Kôranh Brah jêng kloh ueh. Lĕ rngôch mpôl băl mra văch Yơk mbah tanăp Kôranh Brah, Yorlah lĕ nau sŏng srăng May tâm mpơl jêh.”

Nau Tâm Mpơl 16:7

Jêh nây gâp tăng bâr tă bơh nơng ƀư brah lah pô aơ: “N'hêl nanê̆ ngăn, ơ Kôranh Brah jêng Brah Ndu Geh Lĕ Nau Brah, Lĕ nau May phat dôih jêng nanê̆ ngăn jêh ri sŏng.”

Nau Tâm Mpơl 19:2

Yorlah lĕ nau Păng phat dôih jêng nanê̆ ngăn jêh ri sŏng. Păng phat dôih jêh bu ur văng tĭr toyh, nơm hŏ sŏk nau păng văng tĭr ƀư djơh tâm neh ntu; jêh ri Brah Ndu plơng bôk jêh yor mham phung oh mon Păng bơh bu ur văng tir nây ƀư nkhŭt jêh.”

Nau Tâm Mpơl 3:4

Ƀiălah ta ƀon Sardis, may hôm geh bunuyh ƀaƀă ê hŏ ƀư ƀơ̆ ôh kho ao khân păng nơm; khân păng nsoh ao nglang jêh ri hăn ndrel ma Gâp, yorlah khân păng geh nau khư.