II Têsalônik 1:4 - Nau Brah Ndu Ngơi 2023

⁴ Hên tâm rnê êng yor khân may tâm lĕ Phung Ngih Brah Ndu, ma nau srôih jêh ri nau chroh khân may tâm lĕ nau ƀư mhĭk jêh ri nau rêh ni khân may dơn jêh.

Bunong Bible Latin Script Cambodian dialect

⁴ Kơt ndri dâng hên mbơh nkoch ma phung nsing ma Kôranh Brah ta ƀon êng êng, ăn bu lư khân ay may hôm nsing, hôm nsrôyh ăt nuih, nôk bu jan jêr jŏt ăp ntil ma khân ay may, ndrel ma geh nau jêr êng êng jât kađôi.

Bunong

⁴ កើត​នទ្រី​ទឹង​ហេន​មឞើស​ងក៝ច​មា​ផូង​ញឆីង​មា​កោរាញ​ឞ្រាស​តា​ប៝ន​អេងៗ អ៝ន់​ឞូ​លឺ​ខាន់​អៃ​មៃ​ហោម​ញឆីង ហោម​ញឆ្រោយ្ស​អ៝ត់​នូយ្ស នោក​ឞូ​ជាន​ជេរ​ជ៝ត់​អាប់​នតីល​មា​ខាន់​អៃ​មៃ នទ្រែល​មា​គែស​នាវ​ជេរ​អេងៗ​ជឹត​កាដោយ។

II Têsalônik 1:4 ပူးပေါင်းရင်းမြစ်များ

Samƀŭt Pôl Njuăl Ăn Ma Phung Nsing Ta Ƀon Rôm 12:12

Gŭ maak hom tâm nau kâp gân, srôih tâm nau rêh ni, nâp nuih n'hâm jêh ri mbơh sơm.

Samƀŭt Pôl Njuăl Ăn Ma Phung Nsing Ta Ƀon Rôm 2:7

Mbu nơm nâp nuih n'hâm ƀư nau ueh, tĭng joi nau chrêk rmah, nau yơk jêh ri nau mâu blau khĭt, Păng mra ăn nau rêh n'ho ro.

Samƀŭt Pôl Njuăl Ăn Ma Phung Nsing Ta Ƀon Rôm 8:25

Ƀiălah tơlah he n'gân nau kâp gân tâm nau he mâu dơi saơ, he ăt srôih gŭ kâp ma nau nây.

I Kôrintô 7:17

Ăn ăp nơm gŭ rêh tĭng nâm nau yô̆ Kôranh Brah ăn, jêh ri tĭng nâm nau kuăl bơh Brah Ndu. Aơ jêng nau gâp nti jêh tâm lĕ rngôch Phung Ngih Brah Ndu.

II Kôrintô 12:10

Yor nây, yor Brah Krist, gâp maak dơn nau rdja, nau suai rak, nau ndĭt trơi, nau bu ƀư mhĭk, nau rêh ni. Yorlah nôk gâp rdja, ta nây gâp jêng ktang.

II Kôrintô 7:14

Tơlah gâp geh djê̆ nau rnê khân may đah Y-Tit mâu đŏng geh nau đit prêng, yor lĕ nau hên hŏ ngơi jêh ma khân may jêng nanê̆ ngăn, nau hên tâm rnê êng tanăp Y-Tit mpơl đŏng jêng nau nanê̆.

II Kôrintô 7:4

Gâp rnơm ngăn ma khân may jêh ri rnê êng ma khân may nơm âk ngăn. Gâp bêng ler ma nau bonh leng jêh ri bêng nau răm maak ta nklang lĕ rngôch nau rêh ni.

II Kôrintô 9:2

Yorlah gâp gĭt jêh ma nuih n'hâm lŏng khân may, jêh ri gâp tâm mpơl ma khân may đah phung Masêđôn ma phung Akai rơm ndrăp jêh bơh năm e, nuih n'hâm duh nđơr tâm n'hao nuih khân may hŏ ntrôl âk bunuyh.

II Kôrintô 9:4

klach lah tơlah phung Masêđôn hăn ndrel văch ta gâp, saơ khân may mâu rơm ndrăp pôri hên — mâu ŭch lah ma khân may ôh — mra geh nau đit prêng yorlah lĕ rnơm jêh kơt nĕ.

I Têsalônik 1:3

Tanăp măt Brah Ndu, jêng Mbơ̆, hên kah gĭt ƀaƀơ ma kan nau chroh khân may, ma kan nau rŏng khân may, nau srôih tâm nau khân may kâp gân tâm Kôranh Brah he jêng Brah Yêsu Krist.

I Têsalônik 2:14

Hơi phung oh nâu, khân may hŏ tĭng kơt Phung Ngih Brah Ndu tâm Brah Yêsu Krist ta n'gor Yuđa, yorlah khân may dơn đŏng lĕ nau rêh ni nđâp phung ƀon lan khân may nơm nâm bu Phung Ngih Brah Ndu hŏ dơn jêh bơh phung Yuđa,

I Têsalônik 2:19

Yorlah nau kâp gân, nau răm maak, jêh ri đon hađăch khư tâm rnê ma hên tanăp Kôranh Brah he jêng Brah Yêsu, lah Păng plơ̆ văch moh nau, tơlah mâu di jêng khân may nơm?

II Têsalônik 3:5

Dăn Kôranh Brah leo ntĭm nuih n'hâm khân may văch ma nau Brah Ndu rŏng jêh ri ma nau srôih tâm Brah Krist!

ហេឞ្រើ 10:36

Ăn khân may srôih gay ƀư tĭng nau Brah Ndu ŭch, khân may mra dơn nau Păng ton jêh ma khân may.

ហេឞ្រើ 6:12

kŏ tât khân may mâu ƀlao ôh, ƀiălah tĭng kơt phung yor nau chroh jêh ri ma nuih n'hâm srôih dơn nau ton.

ហេឞ្រើ 6:15

Y-Abraham srôih gŭ kâp tâm ban pônây, pôri păng sŏk dơn nau Brah Ndu ton jêh.

Yakơ 5:11

Aơ, he kuăl phung bunuyh nâp jêh jêng geh ueh lăng ngăn. Khân may tăng jêh nkoch bri ma nau Y-Yôp nâp jêh, jêh ri dơi saơ jêh nau ŭch Kôranh Brah; yorlah Kôranh Brah bêng ma nuih n'hâm yô̆ nđach jêh ri nuih n'hâm ueh.

II Pêtrôs 1:6

ntop nau di keh ma nau gĭt rbăng, ntop nau srôih ma di keh, ntop nuih n'hâm blau yơk ma nau srôih,

Nau Tâm Mpơl 14:12

Aơ yơh jêng nuih n'hâm srôih phung kloh ueh, jêng phung djôt prăp lĕ nau vay Brah Ndu ntăm jêh ri nau chroh ma Brah Yêsu.