II Samuel 7:8 - Nau Brah Ndu Ngơi 2023

⁸ Pôri aƀaơ, lah hom ma Y-Đavit, oh mon Gâp: ‘Brah Yêhôva ma phung tahan lah: Gâp hŏ kuăl may tă bơh nklang ndrêch gơ̆, tă bơh ntŭk may chiăp biăp, gay njêng may jêng kôranh chiă uănh phung ƀon lan Israel Gâp.

II Samuel 7:8 ပူးပေါင်းရင်းမြစ်များ

II Samuel 12:7

Rnôk nây, Y-Nathan ngơi lah ma Y-Đavit: “Hađăch yơh jêng bunuyh nây! Yêhôva Brah Ndu phung Israel geh lah: ‘Gâp hŏ tŏ dak ƀâu kah njêng may jêng hađăch Israel, Gâp hŏ rklaih jêh may tă bơh ti Y-Sôl.

II Samuel 14:13

Bu ur lah: “Pôri mâm hađăch mâu ƀư ma phung ƀon lan Brah Ndu du nau nâm bu pônây? Tơlah phat dôih nau aơ, hađăch njêng nau tih jêh ma hađăch nơm, yorlah hađăch mâu ăn ma kon hađăch bu mprơh jêh plơ̆ sĭt.

II Samuel 23:1

Aơ jêng nau Y-Đavit ngơi nglĕ dŭt: “Nau ngơi Y-Đavit, kon bu klâu Y-Yêsê, Jêng nau ngơi bơh bunuyh hŏ n'hao prêh klơ jêh, Nơm Brah Ndu Yakôb tŏ jêh dak ƀâu kah, Jêh ri jêng nơm blau mprơ ueh ngăn tâm phung Israel:

II Samuel 24:17

Saơ tông mpăr rmal phung ƀon lan, Y-Đavit ngơi ma Brah Yêhôva: “Gâp nơm hŏ ƀư tih jêh, gâp nơm ƀư jêh ma nau ƀai. Ƀiălah phung biăp aơ, moh nau khân păng mâp ƀư jêh? Mbơh sơm ti Kôranh Brah rmal ma gâp jêh ri ma ngih mbơ̆ gâp!”

II Samuel 5:2

Ntơm bơh kăl e, tơlah hađăch Sôl hôm chiă uănh ma hên, hađăch chiă uănh jêh phung Israel hăn tâm lơh jêh ri khân păng sĭt. Brah Yêhôva lah ma hađăch: ‘May mra rmăk biăp ma phung ƀon lan Gâp, jêh ri jêng hađăch ma phung Israel.’”

II Samuel 6:21

Y-Đavit lah ma H'Mikal: “Nây yơh tra năp măt Brah Yêhôva jêng Nơm hŏ săch sŏk jêh gâp ntrok an ma mbơ̆ ay, jêh ri lĕ rngôch ngih mbơ̆ ay, njêng gâp ƀư hađăch chiă uănh phung Israel jêng phung ƀon lan Brah Yêhôva, ta nây gâp dơi mprơ kdŏ tanăp măt Brah Yêhôva.

I Phung Hađăch 3:6

Y-Salômôn lah: “Kôranh Brah hŏ mpơl jêh nuih n'hâm ueh toyh ma oh mon May jêng Y-Đavit, mbơ̆ gâp, tâm ban păng hŏ chuat hăn tanăp May tâm nau răp jăp, nau sŏng srăng jêh ri nuih n'hâm nau di. Kôranh Brah mpơl tay đŏng nuih n'hâm ueh toyh aơ ma păng, tơlah ăn ma păng du huê kon bu klâu gŭ ta sưng hađăch păng tâm ban hŏ geh nar aơ.

I Phung Hađăch 8:16

‘Ntơm bơh nar Gâp hŏ njŭn leo phung ƀon lan Gâp jêng Israel du luh tă bơh Êjipt, Gâp mâu mâp săch ôh du rplay ƀon êng tâm lĕ rngôch ndŭl mpôl Israel gay ndâk du mlâm ngih brah ma amoh Gâp gŭ ta nây. Ƀiălah Gâp hŏ săch Y-Đavit gay păng chiă uănh phung ƀon lan Israel Gâp.’

I Nau Rêh Jêng 17:7

Aƀaơ ri, may lah hom ma oh mon Gâp jêng Y-Đavit pô aơ, Brah Yêhôva ma phung tahan lah: ‘Gâp sŏk may tă bơh ndrêch gơ̆, tă bơh du huê rmăk biăp, njêng may jêng kôranh chiă uănh phung ƀon lan Israel Gâp.

I Nau Rêh Jêng 21:17

Y-Đavit lah ma Brah Ndu: “Mâu di hĕ gâp ntĭnh jêh ăn kơp rnoh bunuyh? Ơ, gâp nơm ƀư jêh nau tih jêh ri ƀư nau mhĭk, ƀiălah moh phung biăp aơ mâu geh ƀư tih ôh? Hơi Yêhôva Brah Ndu gâp! Gâp dăn ma ti Kôranh Brah rmal ma gâp jêh ri ma ngih mbơ̆ gâp, ƀiălah lơi ƀư mhĭk ma phung ƀon lan May.”

Amôt 7:15

Brah Yêhôva nhŭp sŏk gâp tă bơh ntŭk chiăp biăp, jêh ri Brah Yêhôva lah ma gâp pô aơ: ‘Hăn mbơh lor hom ma phung ƀon lan Israel gâp.’

Kôranh Oh Mon 7:46

bunuyh geh nau yô̆ tanăp Brah Ndu, jêh ri păng dăn joi du ntŭk gŭ ma Brah Ndu Y-Yakôp.

I Samuel 10:1

Y-Samuel sŏk du nông dak ƀâu kah, tŏ ta klơ bôk Y-Sôl, chŭm păng, jêh ri lah: “Mâu di hĕ Brah Yêhôva hŏ tŏ dak ƀâu ma may gay may jêng kôranh chiă uănh dơn drăp ndơ Păng?

I Samuel 2:8

Yorlah lĕ meh n'gâng neh ntu jêng ndơ Brah Yêhôva, Păng hŏ dơm jêh neh ntu klơ nây.

I Samuel 9:16

“Ôi taơ, di ta mông aơ, Gâp mra prơh du huê bunuyh gŭ ta n'gor Benjamin tât ma may jêh ri may mra mhĭng dak ƀâu kah ma păng gay păng jêng kôranh chiă uănh phung ƀon lan Israel Gâp. Păng mra tâm rklaih phung ƀon lan Gâp tă bơh ti phung Philistin, yorlah Gâp uănh treng jêh phung ƀon lan Gâp, yorlah nau khân păng nter vơl tât jêh ma Gâp.”