II Samuel 7:12 - Nau Brah Ndu Ngơi 2023

¹² Tơlah nar may lĕ jêh, jêh ri may bê̆ch ndrel ma phung chô yau may, Gâp mra njêng noi deh may chiă uănh ntrok may, jêng noi deh may; jêh ri Gâp mra ƀư nâp ktang ma ƀon bri hađăch păng.

II Samuel 7:12 ပူးပေါင်းရင်းမြစ်များ

Nau Ntơm 15:4

Brah Yêhôva lah ma Y-Abram: “Nây mâu di jêng bunuyh ndơn drăp may ôh, ƀiălah bunuyh luh bơh ndŭl proch may nơm ri mơ jêng bunuyh ndơn drăp may.”

II Samuel 22:51

Brah Yêhôva ăn nau tâm rklaih toyh ma hađăch Păng săch jêh, Jêh ri tâm mpơl nau ueh ma nơm Păng tŏ jêh dak ƀâu kah, Jêng Y-Đavit jêh ri ma noi deh păng kŏ tât ƀaƀơ n'ho ro.”

I Phung Hađăch 1:21

Gâp klach lah tơlah hađăch kôranh gâp khĭt gŭ ndrel ma phung chô yau, gâp jêh ri kon bu klâu gâp jêng Y-Salômôn bu mra phat tâm ban phung geh nau tih.”

I Phung Hađăch 1:48

jêh ri mât ton ma Kôranh Brah: ‘Tâm rnê ma Yêhôva Brah Ndu phung Israel, jêng Nơm hŏ ăn ma du huê gŭ ta sưng hađăch gâp nar aơ, măt gâp nơm uănh saơ.’”

I Phung Hađăch 2:1

Tơlah dăch tât nar Y-Đavit khĭt, păng ntĭm nti ma Y-Salômôn, kon bu klâu păng pô aơ:

I Phung Hađăch 2:10

Y-Đavit khĭt ndrel ma phung chô yau păng nơm jêh ri bu tâp păng tâm ƀon Đavit.

I Phung Hađăch 2:4

Nâm bu pônây, Brah Yêhôva mra ƀư tât di ngăn nau Păng ngơi jêh ma gâp pô aơ: ‘Tơlah phung kon sau may njrăng ma trong khân păng nơm, lĕ nuih n'hâm, lĕ huêng hăn tâm nau răp jăp tanăp măt Gâp, may mâu mra pưt ôh du huê nuyh gŭ ta sưng hađăch phung Israel.’

I Phung Hađăch 5:5

Yor ri, gâp ŭch ƀư du mlâm ngih brah ma amoh Yêhôva Brah Ndu gâp, tĭng nâm Brah Yêhôva hŏ ntĭnh jêh ma Y-Đavit, mbơ̆ gâp pô aơ: ‘Kon bu klâu may, Gâp mra dơm ta sưng hađăch chiă uănh thoi ntrok may, mra ndâk du mlâm ngih brah ma amoh Gâp.’

I Phung Hađăch 8:15

Hađăch lah: “Tâm rnê ngăn ma Yêhôva Brah Ndu phung Israel, Nơm hŏ ton jêh ma Y-Đavit, mbơ̆ gâp, jêh ri sŏk ti Păng nơm ƀư tât di ngăn lĕ rngôch nau nây. Păng lah pô aơ:

I Phung Hađăch 8:19

Ƀiălah, may mâu mra ndâk ngih brah nây ôh, ƀiălah kon may, yor tă bơh may deh păng, mra ndâk ngih brah ma amoh Gâp.’

I Phung Hađăch 8:20

Aƀaơ aơ, Brah Yêhôva hŏ ƀư jêng ngăn jêh nau Păng hŏ ton, yorlah gâp hŏ chiă uănh thoi ntrok Y-Đavit, mbơ̆ gâp, jêh ri gŭ ta sưng hađăch Israel di tĭng nâm Brah Yêhôva hŏ ntăm jêh. Gâp hŏ ndâk jêh ngih brah nây ma amoh Brah Yêhôva, jêng Brah Ndu Phung Israel.

I Phung Hađăch 9:5

pôri Gâp mra ƀư ma sưng hađăch may dơi nâp ma phung Israel kŏ tât ƀaƀơ n'ho ro, di tĭng nâm Gâp ton jêh ma Y-Đavit, mbơ̆ may, pô aơ: ‘May mâu mra pưt ôh bunuyh chiă uănh thoi ntrok ta sưng hađăch phung Israel.’

II Phung Hađăch 8:19

Ƀiălah yor Y-Đavit oh mon Brah Yêhôva, rĭ dĭng Păng mâu ŭch ƀư rai ôh phung Yuđa, tĭng nâm nau Păng hŏ ton ma Y-Đavit gay prăp ma păng du mlâm ŭnh kađen tanăp măt păng kŏ tât ƀaƀơ n'ho ro.

I Nau Rêh Jêng 17:11

Jêh nây tơlah tât jêh nar may mra khĭt hăn gŭ ndrel ma phung chô yau may, Gâp mra njêng noi deh may, jêng du huê tâm phung kon bu klâu may, n'hao chiă uănh ntrok may; Gâp mra ƀư nâp ktang ma ƀon bri hađăch păng.

II Nau Rêh Jêng 1:9

Ơ Yêhôva Brah Ndu, dăn nau May ton jêh ma Y-Đavit, mbơ̆ gâp, tât di ngăn; yorlah Kôranh Brah hŏ njêng jêh gâp hao ƀư hađăch chiă uănh du phung ƀon lan âk nâm bu ndruyh neh.

II Nau Rêh Jêng 13:5

Khân may mâu gĭt hĕ, yorlah tă bơh nau tâm rnglăp đah boh, Yêhôva Brah Ndu Israel hŏ ăn jêh nau dơi chiă uănh bri dak Israel ma Y-Đavit jêh ri ăn ma phung kon bu klâu păng kŏ tât ƀaƀơ n'ho ro ƀơh?

II Nau Rêh Jêng 21:7

Ƀiălah, yorlah Brah Yêhôva hŏ ƀư jêh nau tâm rnglăp đah Y-Đavit, Păng hŏ ton mra ăn du mlâm ŭnh kađen ma Y-Đavit jêh ri ăn tât ma phung kon sau păng kŏ tât ƀaƀơ n'ho ro, yor ri Păng mâu ŭch ƀư rai ngih Y-Đavit.

II Nau Rêh Jêng 23:3

Lĕ rngôch phung tâm rƀŭn ƀư nau tâm rnglăp đah hađăch tâm ngih Brah Ndu. Y-Jêhôida lah ma khân păng pô aơ: “Aơ, kon bu klâu hađăch, păng mra chiă uănh tĭng nâm nau Brah Yêhôva ngơi jêh ma phung kon sau Y-Đavit.

II Nau Rêh Jêng 6:15

Ma đah oh mon May jêng Y-Đavit, mbơ̆ gâp; Kôranh Brah djôt prăp nau May hŏ ton ma păng. Nanê̆ ngăn, moh ntil bâr May lah jêh, ma ti May hŏ ƀư lôch jêh di nâm bu hŏ geh nar aơ.

II Nau Rêh Jêng 6:9

Ƀiălah, may mâu mra ndâk ngih brah nây ôh, ƀiălah kon bu klâu may deh, păng mra ndâk ngih brah ma amoh Gâp.’

Nau Mprơ Ơm 89:29

Gâp mra ƀư ăn noi deh păng hôm n'ho ro Jêh ri sưng hađăch păng mra hôm gŭ rêh nâm bu ăp nar tâm trôk.

Êsai 11:10

Tâm nar nây, tơm reh Y-Yêsê mra dâk ta nây ƀư n'ha kơ ma lĕ rngôch phung ƀon lan; lĕ bri dak mra joi tât Păng da dê, jêh ri ntŭk Păng gŭ rlu mra bêng nau chrêk rmah.

Êsai 9:7

Kôranh Brah hŏ njuăl du nau ngơi tâm rdâng đah phung Yakôb, Jêh ri nau ngơi nây tŭp ta ngih phung Israel.

Yêrêmi 33:17

Brah Yêhôva lah: ‘Y-Đavit mâu mra pưt ôh du huê bunuyh gŭ ta sưng hađăch ngih Israel;

Daniel 12:2

Âk bunuyh gŭ bê̆ch tâm neh muy mra dâk, geh bunuyh gay dơn nau rêh n'ho ro, geh nơm dơn nau bêk nau ƀơ̆ ƀơch n'ho ro.

Mathay 1:1

Amoh phung chô yau Brah Yêsu Krist, kon sau Y-Đavit, kon sau Y-Abraham.

Luka 1:32

Kon bu klâu nây mra dơi yơk, dơi kuăl jêng Kon Nơm Dŭt Prêh, Kôranh Brah jêng Brah Ndu mra ăn ma Păng sưng hađăch Y-Đavit, chô yau Păng.

Luka 24:27

Jêh nây ntơm tă bơh Y-Môis tât ma lĕ rngôch phung nơm mbơh lor, Păng rblang ma khân păng lĕ nau knŏng ma Păng tâm lĕ Nau Brah Ndu Ngơi.

Kôranh Oh Mon 13:36

Ƀiălah jêh pah kan ma nau Brah Ndu ŭch tâm rnôk rô̆ păng nơm, hađăch Đavit lĕ khĭt jêh, bu tâp păng êp ta meng phung chô yau păng nơm jêh ri păng hŏ saơ nau ôm rai jêh;

Kôranh Oh Mon 2:30

Ƀiălah păng jêng nơm mbơh lor, gĭt jêh ma Brah Ndu lĕ ton jêh pô aơ Păng mra ăn du huê bunuyh jêng noi deh păng gŭ ta sưng hađăch păng nơm.

I Kôrintô 15:51

Aơ, gâp mbơh nau khlay nđâp: He mâu mra khĭt lĕ rngôch ôh, ƀiălah lĕ rngôch he mra rgâl

Nau Vay Nkah Tay 31:16

Brah Yêhôva lah ma Y-Môis: “Aơ, may lĕ dăch khĭt, hăn gŭ ndrel ma phung chô yau may. Bi phung ƀon lan aơ mra ƀư nau tâm rdâng jêh ri ƀư nau văng tĭr đah lĕ brah phung bu năch tâm n'gor khân păng mra hăn lăp. Khân păng mra chalơi Gâp jêh ri rlau nau vay tâm rnglăp Gâp hŏ ƀư jêh đah khân păng.

I Têsalônik 4:14

Yorlah tơlah he chroh ma Brah Yêsu khĭt jêh ri dâk rêh tay, kơt nây đŏng, Brah Ndu mra leo phung bê̆ch jêh tâm Brah Yêsu văch ndrel Păng.