II Samuel 6:2 - Nau Brah Ndu Ngơi 2023

² Jêh nây Y-Đavit hăn trong, nđâp ma lĕ rngôch phung tĭng ndô̆ păng tât Baale tâm Yuđa gay tung leo Hip Nau Tâm Rnglăp Brah Ndu plơ̆ sĭt. Nĕ jêng hip tuy amoh Brah Yêhôva ma phung tahan, Nơm hôm gŭ ta nklang phung chêrubim ta klơ nây.

II Samuel 6:2 ပူးပေါင်းရင်းမြစ်များ

II Samuel 22:11

Păng ncho ta klơ chêrubim jêh ri mpăr; Păng tâm mpơl ta klơ năr sial.

Nau Mprơ Ơm 80:1

Ơ Nơm mât njrăng biăp Israel, dăn rkêng tôr iăt! May jêng Nơm njŭn leo Yôsep nâm bu du phung biăp, Ơ Nơm gŭ ta klơ phung Chêrubim, dăn May sol ang.

Nau Mprơ Ơm 99:1

Brah Yêhôva chiă uănh! Lĕ mpôl băl bunuyh râm sâr hom; Păng gŭ klơ phung Chêrubim; neh ntu geh nau mpât n'gơ.

Êsai 47:4

Nơm Tâm Chuai he Jêng Nơm Kloh Ueh phung Israel; Amoh Păng jêng Brah Yêhôva ma phung tahan.

Êsai 54:5

Yorlah sai ay jêng Nơm Rhăk Njêng ay; Amoh Păng jêng Brah Yêhôva ma phung tahan. Nơm Tâm Chuai ay jêng Nơm Kloh Ueh Israel, Bu mra rnha Păng jêng Brah Ndu ma lĕ neh ntu.

Yôsuê 15:60

Kiriat-Baal, jêng Kiriat-Jêarim, jêh ri Raba: lĕ rngôch jêng bar ƀon ndrel ma ƀon jê̆ khân păng.

I Pêtrôs 1:12

Geh nau tâm mpơl ma phung mbơh lor gĭt năl pô aơ khân păng mâu di pah kan ma khân păng nơm ôh, ƀiălah pah kan ma khân may yơh ma lĕ nau aƀaơ aơ mbơh jêh ma khân may tă bơh phung bunuyh, rnơm jêh Brah Huêng Ueh jêng Nơm dơi njuăl jŭr tă bơh trôk, mbơh nkoch Nau Mhe Mhan Ueh ma khân may. Phung tông mpăr yơh ŭch uănh saơ lĕ nau nây lĕ.

I Samuel 4:4

Pôri, phung ƀon lan prơh bunuyh hăn tât ta Silô. Tă bơh nây, khân păng sŏk Hip Nau Tâm Rnglăp Brah Yêhôva ma phung tahan, jêng Nơm gŭ ta nklang phung Chêrubim. Bar hê kon bu klâu Y-Êli, jêng Y-Hôphni jêh ri Y-Phinêas, hăn tĭng Hip Nau Tâm Rnglăp Brah Ndu.

I Samuel 6:21

Jêh nây khân păng prơh phung hăn mbơh ma phung Kiriat-Jêarim jêh ri lah: “Phung Philistin hŏ mplơ̆ tay jêh Hip Nau Tâm Rnglăp Brah Yêhôva, hăn trŭnh hom djôt leo păng sĭt ma khân may.”

I Samuel 7:1

Phung Kiriat-Jêarim văch chuă vơt tung Hip Nau Tâm Rnglăp Brah Yêhôva leo lăp ma ngih Y-Abinadap ta klơ dor yôk, jêh nây prăp êng ăn kon bu klâu păng jêng Y-Êlêasar nơm mât uănh Hip Nau Tâm Rnglăp Brah Yêhôva.