II Samuel 23:20 - Nau Brah Ndu Ngơi 2023

²⁰ Y-Bênaya, kon bu klâu Y-Jêhôida, jêng du huê bu klâu janh ktang bơh Kapsêel, nơm lư n'găr yor hŏ ƀư âk kan toyh. Păng yơh hŏ nkhĭt bar hê tahan janh ktang phung Môap. Geh du nar măng lĭng (nar tŭp pler), tâm ban lĕ phung aơ hăn trŭnh du trôm, geh du mlâm yau mŭr, jêh ri nkhĭt lơi păng.

II Samuel 23:20 ပူးပေါင်းရင်းမြစ်များ

II Samuel 1:23

Y-Sôl jêh ri Y-Jônathan rŏng ndrăng khân păng âk ngăn, Tâm nau rêh jêh ri tâm nau khĭt, khân păng mâu tâm nkhah ôh: Khân păng prăl lơn klang lêl, Ktang lơn yau mŭr!

II Samuel 20:23

Rnôk nây taơ, Y-Jôap jêng kôranh toyh ma lĕ rngôch phung tahan Israel; Y-Bênaya, kon bu klâu Y-Jêhôida, jêng kôranh chiă uănh ma phung Chêrêthit jêh ri phung Pêlêthit;

II Samuel 23:19

Mâu di hĕ Y-Abisai geh lư n'găr lơn tâm pe nuyh aơ lĕ? Păng jêng kôranh khân păng. Nđâp tơlah păng mâu ban ôh phung pe nuyh nây.

II Samuel 23:21

Păng yơh hŏ lơh nkhĭt du huê bunuyh toyh juat Êjipt. Bunuyh Êjipt djôt tâm ti du n'gâr tak, bi Y-Bênaya djôt du mlâm mâng jra hăn lơh păng. Păng pit tak tă bơh ti bu klâu Êjipt, jêh ri nkhĭt păng ma tak păng nơm.

II Samuel 23:22

Nĕ jêng lĕ nau kan Y-Bênaya, kon Y-Jêhôida, ƀư jêh; păng geh nau lư n'găr tâm rđĭl đah pe nuyh tahan janh ktang.

II Samuel 8:18

Y-Bênaya, kon Y-Jêhôida, jêng kôranh chiă uănh ma phung Chêrêthit jêh ri phung Pêlêthit; hôm phung kon bu klâu Y-Đavit jêng kôranh ƀư brah.

I Phung Hađăch 1:26

Bi gâp oh mon may, kôranh ƀư brah Y-Sadôk, Y-Bênaya kon bu klâu Y-Jêhôida, jêh ri oh mon hađăch jêng Y-Salômôn, păng mâu jă ôh.

I Phung Hađăch 1:38

Pôri kôranh ƀư brah Y-Sadôk hăn trŭnh ta Gihôn ndrel ma nơm mbơh lor Y-Nathan, Y-Bênaya kon bu klâu Y-Jêhôida, phung Chêrêthit jêh ri phung Pêlêthit. Khân păng chông Y-Salômôn hao ncho seh bri hađăch Đavit jêh ri njŭn leo trŭnh ta dak n'hor Gihôn.

I Phung Hađăch 1:8

Ƀiălah kôranh ƀư brah Y-Sadôk, Y-Bênaya kon Y-Jêhôida, nơm mbơh lor Y-Nathan, Y-Simei, Y-Rei, jêh ri phung tahan janh ktang Y-Đavit mâu ŭch tĭng mpeh Y-Adônija.

I Phung Hađăch 2:46

Jêh nây hađăch ntrŭnh nau lah ma Y-Bênaya, kon bu klâu Y-Jêhôida, hăn lơh jêh ri nkhĭt lơi Y-Simei. Pônây, ƀon bri hađăch jêng nâp tâm ti Y-Salômôn.

I Nau Rêh Jêng 12:8

Tâm ndŭl mpôl Gat, geh phung hăn gŭ mpeh Y-Đavit ta pôih tâm bri rdah. Khân păng jêng phung janh ktang, blau nau tâm lơh, blau djôt khêl jêh ri rjăng tak; muh măt khân păng nâm bu muh măt yau mŭr, khân păng nchuăt prăl nâm bu yơng ta klơ yôk.

I Nau Rêh Jêng 18:17

Y-Bênaya, kon Y-Jêhôida, mât uănh ma phung Chêrêthit jêh ri phung Pêlêthit, bi phung kon bu klâu Y-Đavit jêng phung kôranh toyh tâm kan hađăch.

Nau Ngluh Êjipt 15:15

Phung kôranh n'gor Êđôm geh nau rŭng răng; Phung nanh janh n'gor Môap râm sâr; Lĕ rngôch phung Kanaan krit kir da dê.

Yôsuê 15:21

Lĕ rngôch ƀon toyh ta bôl pa dâng jêng ndơ phung ƀon lan Yuđa, dăch n'har Êđôm jêng: Kapsêel, Êder, Jagur,