II Samuel 22:48 - Nau Brah Ndu Ngơi 2023

⁴⁸ Brah Ndu nơm plơng bôk ma gâp, Păng ƀư ăn phung ƀon lan tông bâr gâp,

II Samuel 22:48 ပူးပေါင်းရင်းမြစ်များ

II Samuel 18:19

Y-Ahimas, kon bu klâu Y-Sadôk, lah: “Ăn gâp nchuăt mbơh nau maak ma hađăch pô aơ Brah Yêhôva tâm rklaih jêh hađăch tă bơh ti phung rlăng păng.”

II Samuel 18:31

Aơ, Y-Kus tât đŏng jêh ri lah: “Dăn hađăch jêng kôranh gâp tăng nau ueh aơ. Nar aơ, Brah Yêhôva tâm rklaih jêh may tă bơh ti lĕ rngôch phung dâk tâm rdâng đah may.”

II Samuel 4:8

Khân păng djôt leo bôk Y-Isbôset rlet ma Hêbron, nhhơr ma hađăch Đavit, jêh ri mbơh ma hađăch: “Aơ jêng bôk Y-Isbôset, kon Y-Sôl, phung rlăng đah hađăch, nơm ŭch ƀư mhĭk nau rêh hađăch. Nar aơ, Brah Yêhôva lĕ plơng har jêh Y-Sôl jêh ri noi deh păng ăn ma hađăch, jêng kôranh hên.”

Nau Mprơ Ơm 110:1

Brah Yêhôva ngơi ma Kôranh Brah gâp pô aơ: “Gŭ hom pa ma Gâp. Kŏ tât Gâp ăn phung rlăng đah May jêng rnơl chrong jâng May.”

Nau Mprơ Ơm 144:2

May jêng Nơm geh nau ueh jêh ri pôih nâp ma gâp, Jêng ntŭk gâp krap jêh ri Nơm tâm rklaih gâp, Jêng khêl ma gâp jêh ri ntŭk gâp gŭ krap; May ƀư ăn phung mpôl băl lăp gŭ tâm dâng gâp.

Nau Mprơ Ơm 94:1

Ơ Brah Yêhôva jêng Brah Ndu, ma nau plơng bôk jêng ndơ May, Ơ Brah Ndu, nau plơng bôk jêng ndơ May, dăn sol ang nau chrêk rmah May.

I Kôrintô 15:25

Yorlah Păng chiă uănh, tât nôk Brah Ndu “dơm lĕ phung rlăng tâm dâng jâng Păng.”

Nau Vay Nkah Tay 32:35

Gâp mra plơng bôk, Gâp mra tâm rmal, Tâm nôk jâng khân păng mbĭr prah; Yorlah nar rêh ni khân păng hŏ dăch jêh, Nar nau phat dôih khân păng tât gơnh.”

I Samuel 24:12

Pônây, hơi mbơ̆! Uănh hom ntôr ao rjai may tâm ti gâp. Yorlah gâp koh jêh ntôr ao rjai may, ƀiălah mâu nkhĭt may, dăn may gĭt hom jêh ri saơ pô aơ gâp mâu geh nau djơh mhĭk ôh, mâu lah nau ƀlêp ƀlêr ôh. Gâp mâu lĕ geh nau tih yorlah ƀư mhĭk ma may, bi may nkhơng ma ŭch nchron gâp gay ƀư ngroh lơi nau rêh gâp. Dăn Brah Yêhôva phat dôih ta klang gâp đah may.

I Samuel 25:30

Tơlah Brah Yêhôva hŏ ƀư jêh ma kôranh gâp lĕ rngôch nau ueh Păng hŏ ton jêh, jêh ri tơlah păng hŏ njêng may ƀư kôranh chiă uănh ma phung Israel,

I Samuel 25:39

Tơlah Y-Đavit gĭt ma Y-Nabal lĕ khĭt jêh, păng lah: “Tâm rnê ngăn ma Brah Yêhôva, yorlah Păng hŏ koh dŏng jêh gâp ma nau Y-Nabal ƀư bêk prêng ma gâp, jêh ri mât mray jêh oh mon Păng tă bơh nau ƀư mhĭk! Brah Yêhôva ƀư ăn jêh ma nau djơh mhĭk Y-Nabal nkhŭt tay klơ bôk păng nơm!” Jêh nau nây, Y-Đavit prơh bunuyh hăn ôp H'Abigêl gay ăn păng jêng ur păng.