II Samuel 22:46 - Nau Brah Ndu Ngơi 2023

⁴⁶ Phung bu năch mra rdja nuih, Jêh ri văch râm sâr tă bơh ntŭk khân păng nde krap.

II Samuel 22:46 ပူးပေါင်းရင်းမြစ်များ

Êsai 2:19

Bu mra lăp tâm trôm yôk lŭ Jêh ri tâm trôm ntu tâm dâng neh Gay der nau krit kir bơh Brah Yêhôva Jêh ri nau ral ang bơh nau rnam chrêk rmah Păng, Lah Păng dâk ƀư mpât n'gơ neh ntu.

Êsai 2:21

Khân păng mra lăp tâm trôm lŭ Jêh ri tâm ntŭk ntu lŭng tâm lŭ, Gay der nau krit kir bơh Brah Yêhôva Jêh ri nau ral bơh rnam Păng, Lah păng dâk ƀư n'gơ neh ntu.

Êsai 64:6

Lĕ rngôch hên jêng jêh tâm ban ma ndơ ƀơ̆ ƀơch, Lĕ kan sŏng srăng hên jêng tâm ban ma bok ao ƀơ̆ jêh; Lĕ rngôch phung hên nhop kro tâm ban ma n'ha si, Jêh ri nau kue hên khôm rdu hên tâm ban ma sial.

Amôt 9:3

Nđâp tơlah khân păng du krap tâm n'gơn yôk Karmel Gâp ăt mra hăn joi gay nhŭp khân păng; Nđâp tơlah khân păng pôn tâm dâng dak mƀŭt Gâp mra đă bêh dak mƀŭt chôk khân păng ta nây.

Mika 7:17

Khân păng mra ler neh muy nâm bu bêh, Jêh ri râm sâr luh tă bơh trôm ntu păng Nâm bu mpa vơr ta klơ neh. Khân păng mra klach krit văch ma Yêhôva Brah Ndu he Jêh ri klach ngăn panăp măt Păng.

Yakơ 1:11

Nar luh geh duh ktang ƀư ma gơ̆ kro, kao rŭng, nau ueh păng roh. Tâm ban pônây lĕ, bunuyh ndrŏng ăt mra hoănh kro ta nklang lĕ nau mĭn kan păng ƀư.

I Samuel 14:11

Pôri, lĕ bar hê mpơl khân păng nơm tanăp pôih phung Philistin. Phung Philistin lah: “Ri, phung Hêbrơ du luh tă bơh trôm ntŭk khân păng tă krap.”