II Samuel 21:17 - Nau Brah Ndu Ngơi 2023

¹⁷ Ƀiălah Y-Abisai, kon H'Sêruya, hŏ văch kơl hađăch, lơh bu klâu Philistin, jêh ri nkhĭt păng. Ntơm bơh nây, phung tahan Y-Đavit sơm ton jêh ri lah ma hađăch: “May mâu mra hôm hăn nau tâm lơh ndrel hên, om ŭnh kađen Israel mâu geh ôh nhhât.”

II Samuel 21:17 ပူးပေါင်းရင်းမြစ်များ

II Samuel 14:7

Jêh ri aƀaơ ri, lĕ noi deh dâk hao tâm rdâng đah oh mon bu ur hađăch, jêh ri lah: ‘Jao hom nơm nkhĭt jêh oh păng. Hên mra nkhĭt păng gay ntrok nau rêh oh păng yorlah păng nkhĭt jêh; jêh ri nđâp lah păng jêng nơm ndơn drăp, hên mra nkhĭt đŏng păng.’ Pônây, khân păng ŭch nkhĭt nơm hôm e ma gâp, mâu hôm ôh ăn ma sai gâp kon sau thoi noi deh păng ta klơ neh ntu.”

II Samuel 18:2

Y-Đavit prơh hăn phung tahan, du kô̆ tâm pe Y-Jôap mât uănh, du kô̆ tâm pe Y-Abisai, kon bu klâu H'Sêruya, oh Y-Jôap mât uănh, du kô̆ tâm pe Y-Itai bu klâu Gitit mât gai. Jêh ri hađăch lah ma phung tahan, “Gâp nơm tâm ban lĕ mra hăn ndrel ma khân may.”

II Samuel 18:3

Ƀiălah phung tahan lah: “May mâu mra hăn tâm lơh ôh. Yorlah tơlah hên nchuăt du, phung rlăng mâu mra meng ma hên ôh, tơlah du n'gul phung hên khĭt, khân păng mâu mra chrê ma hên lĕ; ƀiălah may geh rnoh khlay lơn ma hên jêng du rmưn tơ̆. Pôri aƀaơ, ueh lơn may gŭ tâm ƀon gay prơh bu hăn kơl hên.”

II Samuel 22:19

Khân păng hăn lơh gâp tâm nar gâp rêh ni, Ƀiălah Brah Yêhôva chông n'gang gâp.

II Samuel 22:29

Ơ Brah Yêhôva! May jêng ŭnh kađen gâp, Brah Ndu gâp mra sol ang nau ngo gâp.

I Phung Hađăch 11:36

Gâp mra prăp du ndŭl mpôl ma kon bu klâu păng, gay ăn ma Y-Đavit, oh mon Gâp, dơi geh bunuyh thoi sưng hađăch n'ho ro tanăp măt Gâp ta Yêrusalem, jêng ƀon Gâp săch jêh gay dơm amoh Gâp ta nây.

I Phung Hađăch 15:4

Ƀiălah yor Y-Đavit, Brah Yêhôva prăp ma păng du huê bunuyh thoi sưng hađăch ta Yêrusalem, njêng kon bu klâu păng chiă uănh thoi ntrok păng jêh ri ƀư ăn Yêrusalem hôm e mro.

Nau Mprơ Ơm 132:17

Ta nây, Gâp mra ăn nke Đavit chăt hao; Gâp ndrăp jêh du mlâm ŭnh kađen ma nơm Gâp troch jêh dak ngi.

Nau Mprơ Ơm 144:10

May hŏ rklaih jêh ma phung hađăch, Jêh ri rklaih Y-Đavit, oh mon May, bơh đao ƀư rai.

Nau Mprơ Ơm 46:1

Brah Ndu jêng ntŭk mbe krap jêh ri nau ktang hên, Păng kơl tâm lĕ nau rêh ni.

Yêrêmi 40:15

Y-Jôhanan, kon bu klâu Y-Karêa, ngơi ma nau ndâp đah Y-Gêdalia ta ƀon Mispa: “Dăn may ăn ma gâp hăn nkhĭt lơi Y-Ismaêl, kon bu klâu Y-Nêthania, bu mâu mra gĭt ôh. Mâm ƀư ăn păng ngroh lơi nau rêh may, ƀư ăn ma lĕ rngôch phung Yuđa tâm rgum jŭm may mra nchah rai pru pra, jêh ri phung ƀon lan Yuđa hôm klen mra rai lôch?”

Yôhan 5:35

Y-Yôhan jêng ŭnh kađen mpoh hit ang, bi khân may ŭch geh nau maak ƀât lât tâm nau ang păng.