II Samuel 2:6 - Nau Brah Ndu Ngơi 2023

⁶ Dăn ma Brah Yêhôva tâm mpơl nau ueh jêh ri nau răp jăp ma khân may! Bi gâp tâm ban đŏng mra ƀư ueh ma khân may, yorlah khân may hŏ ƀư jêh nau nây.

II Samuel 2:6 ပူးပေါင်းရင်းမြစ်များ

II Samuel 10:2

Y-Đavit lah: “Gâp ŭch mpơl nau rŏng dơh dăch ma Y-Hanun, kon Y-Nahas, nâm bu mbơ̆ păng nơm ƀư nau ueh ma gâp.” Pônây Y-Đavit prơh phung oh mon păng gay bonh leng hađăch nĕ yor nau khĭt mbơ̆ păng. Pônây, phung oh mon Y-Đavit hăn tât tâm n'gor phung Ammôn.

II Samuel 15:20

May mhe tât nar nđaơ, jêh ri nar aơ mâm gâp dơi rom may du nsong mblêng ndrel hên, tâm nôk gâp mâu gĭt ôh ntŭk gâp mra hăn? Plơ̆ sĭt hom jêh ri leo phung oh nâu phung Gitit hăn tĭng may. Dăn ma Kôranh Brah mpơl nau ueh jêh ri nau răp jăp ngăn Păng gŭ tâm may!”

II Samuel 2:7

Ăn ti khân may jêng ktang, mpơl hom khân may jêng phung nanh janh; yorlah Y-Sôl, kôranh khân may lĕ khĭt jêh, ƀiălah ngih Yuđa hŏ tŏ dak ƀâu kah ta gâp ăn jêng hađăch ma khân păng.”

II Samuel 9:3

Hađăch lah tay: “Hôm e lĕ du huê tâm ngih Y-Sôl? Gâp ŭch sŏk nau ueh Brah Ndu gay ăn ma păng?” Y-Siba lah ma hađăch: “Y-Jônathan hôm e geh du huê kon bu klâu păng rvĕn lĕ bar jâng.”

II Samuel 9:7

Y-Đavit lah ma păng: “Lơi klach ôh, yorlah gâp ŭch ƀư nau ueh ma may yor Y-Jônathan, mbơ̆ may; gâp mra mplơ̆ sĭt đŏng ma may lĕ neh Y-Sôl, che may, jêh ri may mra sông sa ta sưng sông gâp ƀaƀơ.”

Nau Mprơ Ơm 57:3

Păng ăn nau tâm rklaih ma gâp tă bơh trôk. Ăn ma phung tŭn jot mra geh nau bêk prêng, nau ƀơ̆ ƀơch. (Sêla) Brah Ndu ăn nau ueh jêh ri nau răp jăp Păng ma gâp.

Nau Ngluh Êjipt 34:6

Brah Yêhôva hăn rgăn panăp păng jêh ri mbơh: “Yêhôva! Yêhôva! Jêng Brah Ndu geh nau ueh, yô̆ nđach, Mâu gơnh ji nuih ôh, Rmeh ler nau ueh uĭn jêh ri nau n'hêl nanê̆ ngăn,

Nau Hôr 14:22

Phung tâm nchră ƀư nau mhĭk mâm mâu lĕ vĭ nhhơt? Bi ma phung ŭch mĭn ƀư nau ueh mra mâp nau ueh jêh ri nau nanê̆ ngăn.

Mathay 10:16

“Aơ, Gâp njuăl khân may hăn nâm bu biăp ta nklang phung so bri. Pôri ăn khân may blau mĭn nâm bu bêh, jêh ri mleh nâm bu plŭk.

Mathay 5:44

Ƀiălah Gâp lah ma khân may: Rŏng hom bunuyh rlăng đah may jêh ri mbơh sơm hom ma phung ƀư mhĭk ma khân may

Mathay 5:7

Ueh maak ngăn ma phung geh nuih n'hâm yô̆ nđach, Yorlah mra dơn nau yô̆ nđach!

Yôsuê 2:14

Bar hê bu klâu nây plơ̆ lah: “Nau rêh hên mra ntrok ma nau rêh ay! Tơlah ay mâu mbơh ma bu kan hên, hên mra sŏk nau răp jăp jêh ri nuih n'hâm ueh ƀư ma ay nôk Brah Yêhôva ăn neh aơ ma hên.”

Bu ur Rut 1:8

Ƀiălah H'Naômi lah ma bar hê ƀăn păng pô aơ: “Hăn hom, ăp nơm khân ay sĭt ma ngih mê̆ khân ay. Dăn Brah Yêhôva mpơl nau ueh ma khân ay, tâm ban khân ay hŏ mpơl nau ueh jêh ma gâp jêh ri đah bar hê drô kon gâp.