II Samuel 19:9 - Nau Brah Ndu Ngơi 2023

⁹ Tâm lĕ rngôch phung ndŭl mpôl Israel, bu nchră ndrăng khân păng pô aơ: “Hađăch tâm rklaih jêh he bơh ti phung rlăng, jêh ri păng rklaih jêh he bơh ti phung Philistin. Ƀiălah aƀaơ, păng du jêh bơh bri dak yor Y-Apsalôm.

II Samuel 19:9 ပူးပေါင်းရင်းမြစ်များ

II Samuel 15:14

Yor ri, Y-Đavit lah ma lĕ rngôch phung oh mon păng gŭ n'hanh păng ta ƀon Yêrusalem: “Dâk hom, he nchuăt du ro. Tơlah mâu du ôh, he mâu mra klaih ôh bơh Y-Apsalôm. Hăn hom gơnh luh bơh aơ, klach lah păng mra ban, ƀư mhĭk ma he jêh ri dŏng đao ƀư rai phung ƀon lan tâm ƀon.”

II Samuel 18:17

Khân păng sŏk săk jăn Y-Apsalôm mƀăr tâm ntu brŏng tâm krŏng, jêh nây bun lŭ ta klơ păng jêng du mpưm dŭt toyh. Rnôk nây, lĕ rngôch phung Israel nchuăt du da dê, ăp nơm plơ̆ sĭt ngih vâl păng nơm.

II Samuel 19:10

Bi Y-Apsalôm, nơm he tŏ jêh dak ƀâu kah ăn jêng hađăch he, păng khĭt jêh tâm nau tâm lơh. Yor nây aƀaơ, mâm ƀư khân may mâu ngơi ôh du nau gay njŭn hađăch sĭt?”

II Samuel 19:40

Bơh nĕ, hađăch hăn tât ma ƀon Gilgal, geh Y-Chimham hăn ndrel ma păng. Lĕ rngôch phung ƀon lan Yuđa jêh ri du n'gul phung ƀon lan Israel hŏ njŭn hađăch hăn.

II Samuel 22:44

May tâm rklaih jêh gâp tă bơh nau tâm rlăch đah phung ƀon lan; May prăp gâp gay ăn jêng bôk ma lĕ bri dak; Du ntĭl mpôl gâp mâu gĭt năl mra pah kan ma gâp.

II Samuel 5:20

Pônây, Y-Đavit leo phung tahan păng hăn rlet ma Baal-Pêrisim jêh ri dơi đah khân păng; hađăch lah: “Brah Yêhôva hŏ lơh rai jêh phung rlăng gâp tanăp gâp nâm bu dak hoch.” Yor ri, păng ntơ amoh ntŭk aơ jêng Baal Pêrasim.

Nau Mprơ Ơm 18:43

Kôranh Brah tâm rklaih jêh gâp bơh nau phung ƀon lan tâm rdâng; Ndâk gâp ƀư bôk lĕ bri dak; Du phung ƀon lan mâu gĭt năl mra pah kan ma gâp.

Nau Ngluh Êjipt 32:24

Gâp lah ma khân păng, ‘Mbu geh mah, doh lơi hom!’ Khân păng ăn mah nây ma gâp, gâp mƀăr mah nây tâm ŭnh jêh ri bơh nây luh ndrôk kon aơ.”

I Samuel 17:50

Pônây, Y-Đavit dơi đah bu klâu Philistin ma du găr lŭ klŭp ma na rvĭt, nkhĭt păng mâu ŭch djôt đao tâm ti.

I Samuel 18:25

Y-Sôl lah ma khân păng: “Khân may ngơi hom ma Y-Đavit kơt aơ: ‘Hađăch mâu kêh ndơ nđăp ôh, knŏng kêh du rhiăng ntâu proch nhôm bu klâu phung Philistin gay plơng har ma phung rlăng hađăch.’” Y-Sôl mĭn ŭch nkhĭt Y-Đavit ma ti phung Philistin.

I Samuel 19:5

Păng sân săk jăn jêh ri nkhĭt jêh bu klâu Philistin, yor ri Brah Yêhôva ƀư du nau tâm rklaih toyh yor tă bơh păng ăn ma lĕ rngôch phung Israel. May lĕ saơ jêh ri răm rhơn nau nây. Pônây, mâm dĭng may ŭch ƀư tih đŏng đah mham mâu geh nau tih ôh, ŭch nkhĭt Y-Đavit dơm dam?”