II Samuel 19:43 - Nau Brah Ndu Ngơi 2023

⁴³ Phung Israel plơ̆ lah đŏng ma phung Yuđa: “Ma hađăch Đavit, hên geh jât mpôl băl prăp ma ngih hađăch; rlau lơn ma nĕ, hên geh âk nau di lơn ƀơh đah khân may. Pôri mâm ƀư khân may tâm rmot ir ma hên? Mâu hĕ di hên jêng phung lor lơn hŏ lah ma nau njŭn sĭt hađăch he?” Ƀiălah phung Yuđa ngơi ktang lơn ma phung Israel ngơi.

II Samuel 19:43 ပူးပေါင်းရင်းမြစ်များ

II Samuel 19:14

Pônây, phung Yuđa rŏng ngăn ma Y-Đavit, lĕ rngôch khân păng nâm bu du huê bunuyh dơm. Khân păng prơh bu hăn mbơh ma hađăch: “Dăn hađăch jêh ri lĕ rngôch phung oh mon may plơ̆ sĭt hom.”

II Samuel 19:9

Tâm lĕ rngôch phung ndŭl mpôl Israel, bu nchră ndrăng khân păng pô aơ: “Hađăch tâm rklaih jêh he bơh ti phung rlăng, jêh ri păng rklaih jêh he bơh ti phung Philistin. Ƀiălah aƀaơ, păng du jêh bơh bri dak yor Y-Apsalôm.

II Samuel 20:1

Ta nây geh du huê bunuyh dơm dam, amoh Y-Sêba, kon bu klâu Y-Bikri, bunuyh Benjamin. Păng uh nŭng jêh ri kuăl: “He mâu geh du kô̆ tâm Y-Đavit ôh, Mâu đŏng geh dơn drăp ndơ tâm kon Y-Yêsê Hơi phung Israel, ăp nơm plơ̆ sĭt hom ma ngih păng nơm!”

II Samuel 20:6

Y-Đavit lah ma Y-Abisai: “Aƀaơ ri, Y-Sêba, kon bu klâu Y-Bikri, mra ƀư mhĭk ma he âk lơn ma Y-Apsalôm. Pônây, sŏk hom phung tahan kôranh may jêh ri tĭng Y-Sêba, klach lah păng rvan sŏk lĕ ƀon nâp jêh ri păng du klaih tă bơh he.”

II Samuel 5:1

Rnôk nây, lĕ rngôch ndŭl mpôl Israel văch tât ma Y-Đavit ta Hêbron, jêh ri lah: “Hên jêng noi deh du mham đah hađăch.

I Phung Hađăch 12:16

Tơlah saơ hađăch mâu ŭch iăt ôh nau khân păng dăn, lĕ rngôch phung Israel plơ̆ lah ma hađăch: “Moh kô̆ hên geh tâm ngih Y-Đavit? Hên mâu geh drăp ndơn ôh tâm kon Y-Yêsê. Ơ phung Israel! Plơ̆ sĭt hom ma ngih bok khân may. Hơi Y-Đavit! Ntơm bơh aƀaơ uănh njrăng hom ma ngih khân may.” Jêh nây phung ƀon lan Israel plơ̆ sĭt ma ngih bok khân păng.

Nau Hôr 13:10

Nau sưr knŏng ăn tât nau tâm djrel, Bi nau blau mĭn gŭ ndrel bunuyh dơn iăt nau ntĭm nti.

Nau Hôr 15:1

Nau plơ̆ lah ma bâr rdơ̆ rbăn ƀư djoh nau ji nuih, Bi nau ngơi dăng nsônh nau ji nuih.

Nau Hôr 17:14

Ntơm bôk nau tâm djrel nâm bu pling ntât dak; Pôri rlu hom nau tâm rlăch êlor păng geh nau tâm djrel.

Nau Hôr 18:19

Sŏk tay nuih n'hâm du huê oh nâu bu hŏ ƀư nsak jêh nuih n'hâm, Jêng jêr lơn lơh pit in du ƀon toyh lĕ nâp; Nau tâm djrel pônây tâm ban rnăng mpông nchăng pôih toyh.

Samƀŭt Pôl Njuăl Ăn Ma Phung Nsing Ta Ƀon Rôm 12:21

Lơi ăn nau mhĭk dơi đah may, ƀiălah ăn nau ueh dơi đah nau mhĭk.

Galati 5:15

Ƀiălah tơlah khân may kăp rvăn ndrăng khân may mro, pôri njrăng hom, klach lah khân may ƀư rai băl ndrăng khân may nơm.

Galati 5:20

mbah rup brah, gŭn rƀên, tâm rlăng, tâm djrel, tâm rmot, ji nuih hâu ngăn, mbeh, mâu maak, tâm nkhah pă mpôl,

Galati 5:26

Lơi joi nau lư n'găr mâu nanê̆ gay nsônh jêh ri tâm nuih ndrăng nơm ôh.

Philip 2:3

Lơi ƀư ôh du ntil ndơ yor ma nuih n'hâm mbeh, mâu lah yor ma nau lư n'găr gơnh roh, ƀiălah dêh rhêt hom, uănh phung êng jêng khlay rlau lơn ma khân may nơm.

Yakơ 1:20

yorlah nau kon bunuyh nuih mâu ƀư nau sŏng srăng Brah Ndu ôh.

Phung Kôranh Phat Dôih 8:1

Phung Êphraim lah đah Y-Gidêôn: “Mâm ƀư may ƀư ma hên nâm bu pô aơ? Mâm ƀư nôk may hăn tâm lơh đah phung Madian, may mâu kuăl hên hăn ndrel ma may?” Khân păng tâm djrel ma păng hâu ngăn ngên.

Phung Kôranh Phat Dôih 9:23

Brah Ndu prơh du huê brah mhĭk ƀư nau ƀlăch ƀlêr ta nklang Y-Abimêlek jêh ri bunuyh Sichem, ƀư ăn phung ƀon lan Sichem tâm rdâng đah Y-Abimêlek.