II Samuel 19:39 - Nau Brah Ndu Ngơi 2023

³⁹ Pônây, lĕ rngôch phung ƀon lan rgăn dak krong Yurdan da dê, jêh ri hađăch rgăn đŏng. Hađăch chŭm Y-Barsilai jêh ri ăn nau ueh uĭn ma păng. Jêh nây păng plơ̆ sĭt ma ngih vâl păng nơm.

II Samuel 19:39 ပူးပေါင်းရင်းမြစ်များ

Nau Ntơm 14:19

jêh ri ăn nau ueh uĭn ma Y-Abram. Păng lah: “Dăn ma Brah Ndu Dŭt Prêh, Nơm rhăk njêng trôk jêh ri neh ntu, Ăn nau ueh uĭn ma Y-Abram!

Nau Ntơm 28:3

Dăn Brah Ndu Geh Lĕ Nau Brah ăn nau ueh uĭn ma may, ƀư ăn noi deh kon bĭk rơ̆ dŭt âk jêh ri dơi jêng du phung ƀon lan âk.

Nau Ntơm 31:55

Ôi taơ, Y-Laban dâk ơm ôi, chŭm ntĭnh jêh ri ăn nau ueh uĭn ma kon sau păng, jêh nây hăn trong plơ̆ sĭt ntŭk ngih păng nơm.

Nau Ntơm 45:15

Jêh nây, Y-Yôsep chŭm lĕ rngôch phung oh nâu păng jêh ri nhĭm. Jêh nây, phung oh nâu păng ngơi ndrel đah păng.

Nau Ntơm 47:10

Y-Yakôb ăn nau ueh uĭn ma Pharaôn jêh nây hăn du luh tă bơh păng.

Nau Ntơm 47:7

Jêh nây, Y-Yôsep njŭn Y-Yakôb mbơ̆ păng tât tâm mâp đah Pharaôn. Y-Yakôb ăn nau ueh uĭn ma Pharaôn.

II Samuel 13:25

Ƀiălah hađăch plơ̆ sĭt lah ma Y-Apsalôm: “Mâu dơi ôh, hơi kon! Mâu dơi hăn lĕ rngôch, yorlah mra ƀư jâk ma may.” Nđâp tơlah Y-Apsalôm sŏl dăn hađăch, ƀiălah Y-Đavit mâu ŭch hăn, knŏng ăn nau ueh uĭn ma păng.

II Samuel 14:33

Y-Jôap hăn văch tâm mâp đah hađăch jêh ri mbơh lĕ nau nây ma hađăch. Hađăch kuăl Y-Apsalôm văch. Y-Apsalôm hăn văch jêh ri chon mon tanăp măt hađăch. Hađăch chŭm Y-Apsalôm.

II Samuel 19:38

Hađăch plơ̆ lah: “Y-Chimham mra rgăn hăn ndrel gâp, jêh ri gâp mra ƀư ma păng tĭng nâm bu lĕ rngôch nau may ŭch mĭn ueh. Lĕ nau may dăn ma gâp, gâp mra ăn ma may.”

II Samuel 6:18

Tơlah Y-Đavit hŏ nhhơr ndơ ƀư brah gŭch jêh ri ndơ ƀư brah ma nau đăp mpăn lôch jêh, hađăch sŏk amoh Brah Yêhôva ma phung tahan gay ăn nau ueh uĭn ma phung ƀon lan;

II Samuel 6:20

Y-Đavit tâm ban lĕ plơ̆ sĭt gay ăn nau ueh uĭn ma phung ngih păng nơm. Ƀiălah kon bu ur Y-Sôl jêng H'Mikal văch chuă Y-Đavit jêh ri ngơi: “Nar aơ hađăch phung Israel ƀư chrêk ma lơp păng nơm ngăn, tơlah gŭ săk hưl tra năp măt phung oh mon bu ur, ƀư nâm bu du huê bunuyh dơm dam!”

I Phung Hađăch 19:20

Y-Êlisê chalơi ro gu ndrôk, nchuăt tĭng ndô̆ Y-Êli jêh ri lah: “Ăn gâp chŭm mê̆ mbơ̆ gâp jêh ri mơ gâp tĭng ndô̆ may.” Y-Êli plơ̆ lah: “Hăn hom, jêh nây plơ̆ tay. Moh ntil nau gâp ƀư ma may?”

Nau Kơp Bunuyh 24:25

Jêh nây, Y-Balaam dâk plơ̆ sĭt ma n'gor păng nơm jêh ri tâm ban đŏng Y-Balak hăn trong păng nơm.

Luka 2:34

Y-Simêôn ăn nau ueh uĭn ma khân păng jêh ri lah ma H'Mari, mê̆ kon se jê̆ pô aơ: “Kon se jê̆ aơ dơi lah nal gay ƀư ma âk bunuyh tâm phung Israel mƀăr nau nsing mâu lah dâk rêh tay, jêh ri jêng du nau tâm mbên ƀư nau tâm rdâng.

Kôranh Oh Mon 20:37

Lĕ rngôch khân păng nhĭm da dê jêh ri ut ta trô ko Y-Pôl gay chŭm.

I Têsalônik 5:26

Jô̆ khâl lĕ rngôch oh nâu ma nau chŭm kloh ueh.

Bu ur Rut 1:14

Jêh nây khân păng nhhiăng nhĭm đŏng. H'Ôrpa chŭm tâm nkhah đah po păng, ƀiălah H'Rut mâu ŭch nkhah ôh đah po păng.

I Samuel 24:22

Pôri, ma amoh Brah Yêhôva sơm ton ma gâp pô aơ may mâu mra ƀư rai ôh noi deh gâp, jêh ri mâu lĕ mra jut lơi amoh săk gâp tă bơh ngih chô yau gâp.”