II Samuel 19:28 - Nau Brah Ndu Ngơi 2023

²⁸ Yorlah lĕ rngôch ngih mbơ̆ gâp knŏng jêng phung bunuyh prăp ma nau khĭt tanăp măt hađăch jêng kôranh gâp dơm, ƀiălah may n'gân dơm oh mon may ndrel ma phung gŭ sông sa ta sưng sông may. Pônây, moh nau dơi êng đŏng gâp hôm geh gay ŭch dăn ma hađăch?”

II Samuel 19:28 ပူးပေါင်းရင်းမြစ်များ

Nau Ntơm 32:10

Gâp mâu khư ôh đah nau rŏng jêh ri nau răp jăp May hŏ prăp jêh ma oh mon May. Nôk gâp rgăn dak krong Y-Yurdan gâp geh knŏng mâng jra dơm, ƀiălah nar aơ gâp hŏ geh bar phung bunuyh jêh ri drăp ndơ aơ.

II Samuel 14:17

Pônây, oh mon bu ur hađăch hŏ mĭn: ‘Nau ngơi hađăch, jêng kôranh gâp, mra ăn gâp gŭ đăp mpăn; yorlah hađăch, jêng kôranh gâp, mâu lĕ lĭn du huê tông mpăr Brah Ndu, gĭt sek uănh nau ueh jêh ri nau mhĭk.’ Dăn ma Yêhôva Brah Ndu hađăch gŭ ndrel hađăch!”

II Samuel 14:20

Y-Jôap, oh mon hađăch, hŏ ƀư nâm bu pônây, gay ăn nau kan aơ dơi jêng nau mhe. Ƀiălah kôranh gâp geh nau blau mĭn nâm bu tông mpăr Brah Ndu, gĭt lĕ rngôch nau tât ta neh ntu.”

II Samuel 15:26

Ƀiălah tơlah Păng lah: ‘Gâp mâu ŭch rŏng ôh may,’ pôri ăn Păng ƀư ma gâp tĭng nâm nau Păng mĭn ueh!”

II Samuel 16:3

Hađăch ôp: “Pônây, ta ntŭk kon bu klâu kôranh may?” Y-Siba lah: “Păng gŭ ta ƀon Yêrusalem, yorlah păng lah: ‘Nar aơ ngih Israel mra mplơ̆ tay ma gâp ƀon bri hađăch che gâp.’”

II Samuel 19:29

Hađăch plơ̆ lah ma păng: “Ndơ hôm may ngơi ma nau kan may? Gâp hŏ đă jêh may jêh ri Y-Siba tâm pă hom neh.”

II Samuel 9:10

Pôri, ăn may ndrel ma phung kon bu klâu jêh ri oh mon may jik kai mir nây ma păng, jêh nây sŏk play kao gay ma kon sau kôranh may dơi geh ndơ sông sa. Bi Y-Mêphibôset, kon sau kôranh may, mra sông sa mro ta sưng sông gâp.” Rnôk nây, Y-Siba geh jât ma prăm nuyh kon bu klâu jêh ri bar jât nuyh oh mon.

II Samuel 9:13

Pônây, Mêphibôset gŭ ta Yêrusalem yorlah păng dơi sông ta sưng sông hađăch, nđâp lah păng rvĕn lĕ bar jâng.

II Phung Hađăch 8:3

Lôch pơh năm, bu ur nây plơ̆ sĭt tă bơh neh Philistin. Păng hăn vơl dăn ma hađăch yor ma ngih jêh ri lŏ sre păng nơm.

I Samuel 26:16

Nau may hŏ ƀư aơ mâu ueh ôh. Tĭng nâm Brah Yêhôva gŭ rêh mro mrăng, may khư ma nau khĭt yorlah may mâu kâp njrăng ôh kôranh may, jêng nơm Brah Yêhôva hŏ tŏ jêh dak ƀâu kah. Aƀaơ, uănh hom ta ntŭk tak hađăch may jêh ri dak yăng ta bôk bê̆ch păng?”