II Samuel 19:20 - Nau Brah Ndu Ngơi 2023

²⁰ Oh mon may gĭt năl jêh nau tih. Ƀiălah nar aơ, gâp jêng nơm lor lơn tâm lĕ rngôch ngih Y-Yôsep, gâp hŏ trŭnh lor gay chuă vơt hađăch jêng kôranh gâp.”

II Samuel 19:20 ပူးပေါင်းရင်းမြစ်များ

Nau Ntơm 48:14

Ƀiălah Y-Israel yơr ti pa ma jêh ri dơm ta bôk Y-Êphraim, jêng nơm jê̆, kay ti pa chiau dơm ta bôk Y-Manasê. Păng mplăch ti nđâp lah Y-Manasê jêng kon bôk rah.

Nau Ntơm 48:20

Nar nây, păng ăn nau ueh uĭn ma bar hê kon se: “Phung Israel mra sŏk amoh bar hê kon se jê̆ gay ăn nau ueh uĭn ndrăng khân păng pô aơ: ‘Dăn Brah Ndu ƀư ma may tâm ban ma Y-Êphraim jêh ri Y-Manasê!’” Pôri, Y-Yakôb dơm Y-Êphraim jêng lor lơn ma Y-Manasê.

II Samuel 16:5

Tơlah hađăch Đavit tât ma ƀon Bahurim, geh du huê bunuyh bơh băl mpôl ngih Y-Sôl văch tât, amoh Y-Simei, kon bu klâu Y-Gêra, hăn văch tă bơh ntŭk nây. Păng rak rtăp nkre hăn.

II Samuel 19:21

Y-Abisai, kon bu klâu H'Sêruya, ôp: “Pôri, bu mâu mra nkhĭt ôh hĕ ma Y-Simei yorlah hŏ rak rtăp jêh ma nơm Brah Yêhôva tŏ dak ƀâu kah?”

II Samuel 19:9

Tâm lĕ rngôch phung ndŭl mpôl Israel, bu nchră ndrăng khân păng pô aơ: “Hađăch tâm rklaih jêh he bơh ti phung rlăng, jêh ri păng rklaih jêh he bơh ti phung Philistin. Ƀiălah aƀaơ, păng du jêh bơh bri dak yor Y-Apsalôm.

I Phung Hađăch 12:20

Tơlah tăng lư Y-Jêrôbôam plơ̆ sĭt jêh, phung ƀon lan Israel rgum nau tâm rƀŭn toyh, jêh ri prơh bunuyh hăn jă păng tât gay njêng păng ƀư hađăch chiă uănh lĕ rngôch phung Israel. Bu mâu tĭng ngih Y-Đavit ôh, knŏng ndŭl mpôl Yuđa.

I Phung Hađăch 12:25

Y-Jêrôbôam ŭch ndâk ƀon Sichem tâm n'gor klơ dor yôk Êphraim jêh ri gŭ ta nây. Jêh nây hađăch luh tă bơh ƀon nây gay ndâk ƀon Pênuel.

Yêrêmi 22:23

May jêng nơm gŭ ta nklang bri Liban Gŭ đăp mpăn tâm lĕ ngih toyh ma tơm si sêdar, Dôl nau ji tât ta may, may mra rđêng nđor, Ji kruăt nâm bu du huê bu ur dôl deh kon!”

Ndrom Samƀŭt bơh Ôsê 5:15

Gâp mra hăn, mra plơ̆ sĭt ta ntŭk Gâp gŭ Kŏ tât khân păng gĭt năl nau tih khân păng nơm jêh ri tĭng joi muh măt Gâp. Tâm nau rêh ni, khân păng mra khŏm nsrôih ngăn tĭng joi Gâp.”

Ndrom Samƀŭt bơh Ôsê 5:3

Gâp gĭt ngăn Êphraim, Jêh ri Israel mâu dơi ndâp ôh đah Gâp; Hơi Êphraim, may hŏ jêng bu ur ka n'hong! Bi Israel lĕ ƀơ̆ ƀơch jêh!