II Samuel 19:1 - Nau Brah Ndu Ngơi 2023

¹ Bu hăn nkoch ma Y-Jôap: “Aơ, hađăch nhĭm vơl jêh ri klâng ndrê yor Y-Apsalôm khĭt.”

II Samuel 19:1 ပူးပေါင်းရင်းမြစ်များ

Nau Ntơm 37:35

Lĕ rngôch phung kon bu klâu jêh ri kon bu ur hăn văch bonh leng păng da dê, ƀiălah păng dun lĕ nau bonh leng. Păng lah: “Gâp rngot klâng kŏ tât trŭnh tâm ƀon phung khĭt n'hanh kon gâp!” Pôri, mbơ̆ păng nhĭm ndăng yor klâng ma Y-Yôsep.

II Samuel 18:12

Ƀiălah bu klâu nây lah ma Y-Jôap: “Nđâp tơlah may ăn ma gâp kuăn du rbăn glo prăk kđôi lĕ, gâp mâu yơr ôh ti gâp ƀư ma kon bu klâu hađăch; yorlah hên tăng jêh nau hađăch ntĭnh ma may, ma Y-Abisai, jêh ri ma Y-Itai pô aơ: ‘Yor gâp, king n'gang hom nau rêh bu klâu ndăm Y-Apsalôm.’

II Samuel 18:14

Y-Jôap lah: “Gâp mâu hôm geh mông ma may kơt nĕ ôh.” Jêh nây păng sŏk pe mlâm tak tâm ti, hăn tât ntâp tâm play nuih Y-Apsalôm dôl păng hôm rêh jêh ri yông ta klơ tơm n'ho.

II Samuel 18:20

Ƀiălah Y-Jôap lah: “Nar aơ, may mâu di jêng bunuyh mbơh nau răm maak. May mra mbơh nau răm maak tâm du nar êng, ƀiălah nar aơ mâu jêng ueh ôh, yorlah kon bu klâu hađăch lĕ khĭt jêh.”

II Samuel 18:33

Hađăch phit nuih n'hâm hâu ngăn, hăn hao tâm jrô ta klơ mpông ƀon jêh ri nhĭm. Dôl păng chuat păng lah: “Hơi Y-Apsalôm, kon bu klâu gâp, kon bu klâu gâp! Y-Apsalôm, kon bu klâu gâp! Ueh lơn gâp khĭt ntrok may! Hơi Y-Apsalôm, kon bu klâu gâp, kon bu klâu gâp!”

II Samuel 18:5

Hađăch ntĭnh ma Y-Jôap, ma Y-Abisai, jêh ri ma Y-Itai: “Yor ma gâp, ăn khân may ƀư ma nau rdơ̆ ma nơm ndăm Y-Apsalôm.” Lĕ rngôch phung tahan iăt nau hađăch ntĭnh ma lĕ rngôch phung kôranh chiă uănh tahan nau ƀư ma Y-Apsalôm.

II Samuel 19:2

Pôri nar nây, nar nau dơi rlơ̆ jêng nar nhĭm nhhiăng lĕ rngôch phung ƀon lan; yorlah phung ƀon lan hŏ tăng bu lah hađăch rngot klâng ma nau khĭt kon hađăch.

Nau Hôr 17:25

Kon rluk jêng nau rngot ăn ma mbơ̆ Jêh ri jêng nau rngot ăn ma mê̆ hŏ deh păng.

Sakari 12:10

“Gâp mra nkhŭt huêng brah nau yô̆ jêh ri nau vơh vơl ta klơ ngih Y-Đavit jêh ri ma phung gŭ tâm ƀon Yêrusalem. Khân păng mra uănh Gâp jêng Nơm khân păng hŏ ntâp jêh, jêh ri khân păng mra nhĭm vơl ma Gâp, nâm bu nhĭm vơl ma kon bu klâu geh knŏng du huê, jêh ri khân păng klâng ma Gâp nâm bu klâng vơl ma kon bu deh ntơm bôk rah.