II Samuel 18:28 - Nau Brah Ndu Ngơi 2023

²⁸ Y-Ahimas nter huy jêh ri mbơh ma hađăch: “Lĕ rngôch nau jêng ueh!” Jêh nây păng păn muh măt ta neh panăp hađăch, jêh ri lah tay: “Mât ton ma Yêhôva Brah Ndu hađăch, jêng Nơm hŏ rklaih ma hađăch luh bơh phung yơr ti tâm rdâng đah hađăch jêng kôranh gâp!”

II Samuel 18:28 ပူးပေါင်းရင်းမြစ်များ

Nau Ntơm 14:20

Tâm rnê ma Brah Ndu Dŭt Prêh Nơm hŏ jao phung rlăng tâm ti may!” Y-Abram nhhơr ma hađăch du kô̆ tâm jât lĕ ndơ sŏk jêh.

Nau Ntơm 24:27

jêh ri lah: “Lah ueh ma Brah Yêhôva, jêng Brah Ndu Y-Abraham jêng kôranh gâp! May geh nau ueh mro jêh ri răp jăp đah kôranh gâp! Bi ma gâp, Brah Yêhôva hŏ njŭn leo trong gâp tât ta ngih oh nâu kôranh gâp.”

II Samuel 1:2

Tât nar rơh pe, geh du huê bu klâu văch tât tă bơh pôih Y-Sôl, kho ao păng lĕ hêk, bôk tôr păng krêp neh muy. Nôk tât tanăp Y-Đavit, păng chon mon ta neh jêh ri mbah.

II Samuel 14:4

Tơlah bu ur me ƀon Têkôa tât tâm mâp đah hađăch, păng păn muh măt ta neh jêh ri mbah, jêh nây lah: “Hơi hađăch, kơl an gâp!”

II Samuel 22:27

Ma nơm kloh rsang, Kôranh Brah mra tâm mpơl May nơm kloh rsang; Ƀiălah ma nơm kue, May mra tâm mpơl May nơm ma nau tâm rdâng.

II Nau Rêh Jêng 20:26

Tât nar rơh puăn, khân păng tâm rƀŭn tâm rlŭng Bêraka, jêh ri tâm rnê ma Brah Yêhôva ta nây; yor nây, bu ntơ ntŭk nây jêng rlŭng Bêraka kŏ tât ta nar aơ.

Nau Mprơ Ơm 115:1

Ơ Brah Yêhôva, yor nuih n'hâm ueh jêh ri nau răp jăp May, Nau chrêk rmah mâu jêng ndơ ma hên, mâu jêng ndơ ma hên. Ƀiălah khư jêng ndơ ma amoh May yơh!

Nau Mprơ Ơm 124:6

Tâm rnê ma Brah Yêhôva, Păng mâu jao ôh he Ƀư jêng ndơ sa ma neng nheh khân păng!

Nau Mprơ Ơm 31:8

Kôranh Brah mâu jao gâp tâm ti phung rlăng ôh, Ƀiălah dơm jâng gâp tâm ntŭk huy.

Nau Ngluh Êjipt 18:10

Y-Jêtrô lah: “Khư tâm rnê Brah Yêhôva, jêng Nơm hŏ tâm rklaih jêh khân may bơh ti phung Êjipt jêh ri ti Pharaôn, jêh ri rklaih đŏng phung ƀon lan bơh nau dơi phung Êjipt.

I Samuel 17:46

Nar aơ Brah Yêhôva mra jao may tâm ti gâp. Gâp nkhĭt may, koh bôk may; jêh ri lĕ săk jăn phung tahan Philistin khĭt mra ƀư mpa sa ma sĭm klơ trôk jêh ri ma mpô mpa bri. Lĕ rngôch neh ntu mra dơi gĭt geh du huê Brah Ndu tâm Israel,

I Samuel 24:18

Păng lah ma Y-Đavit: “May jêng sŏng srăng lơn ma gâp, yorlah may sŏk nau ueh gay mplơ̆ sĭt nau mhĭk gâp hŏ ƀư jêh ma may.

I Samuel 25:23

Tơlah mhe saơ Y-Đavit, H'Abigêl jŭr ndal tă klơ seh bri, chon mon ta neh jêh ri mbah panăp Y-Đavit.

I Samuel 26:8

Y-Abisai lah ma Y-Đavit: “Nar aơ, Brah Ndu jao jêh nơm rlăng may tâm ti may. Ăn gâp sŏk tak gay ntâp păng, knŏng du tong dơm mra rchiăt păng tâm neh; mâu hôm ŭch ntâp tal bar ôh.”