II Samuel 18:24 - Nau Brah Ndu Ngơi 2023

²⁴ Y-Đavit gŭ tâm nklang mpông ƀon. Bi bunuyh tahan gŭ gak hao klơ chor mpông pêr ta klơ mpêr ƀon, tơlah n'gơr măt uănh păng saơ du huê bunuyh nchuăt tât.

II Samuel 18:24 ပူးပေါင်းရင်းမြစ်များ

II Samuel 13:34

Nôk nây, Y-Apsalôm nchuăt du. Bunuyh tahan ndăm dôl gŭ gak, n'gơr măt, uănh saơ geh âk bunuyh văch tă bơh trong pakơi păng nơm, êp pŭng yôk.

II Samuel 18:23

Y-Ahimas lah: “Kđôi lĕ moh nau tât, dăn ăn gâp nchuăt.” Y-Jôap lah ma păng: “Nchuăt hom.” Pôri, Y-Ahimas nchuăt tĭng trong neh lâng jêh ri păng rlet Y-Kus.

II Samuel 18:25

Bunuyh tahan gŭ gak kuăl huy jêh ri mbơh ma hađăch. Hađăch lah: “Tơlah knŏng êng păng, păng văch tât gay mbơh.” Bunuyh nây nchuăt tât gơnh ro.

II Samuel 18:4

Hađăch lah ma khân păng: “Gâp mra ƀư nau khân may mĭn jêng ueh lơn.” Jêh nây hađăch dâk ta meng mpông ƀon, dôl lĕ rngôch phung tahan hăn phung rhiăng nuyh jêh ri phung rbăn nuyh.

II Samuel 19:8

Rnôk nây, hađăch dâk jêh ri gŭ ta mpông ƀon. Tơlah bu mbơh ma lĕ rngôch phung ƀon lan gĭt pô aơ hađăch gŭ ta mpông ƀon, khân păng hăn văch tanăp hađăch. Rnôk nây, phung Israel hŏ nchuăt du jêh, ăp nơm plơ̆ sĭt ma ngih păng nơm.

I Samuel 4:13

Tơlah păng lĕ tât jêh, Y-Êli dôl gŭ ta rnơl păng êp kêng meng trong, gŭ kâp gân nau bu mbơh, yorlah nuih n'hâm Y-Êli rvê ngăn ma Hip Nau Tâm Rnglăp Brah Ndu. Tơlah bunuyh nây lăp tâm ƀon toyh jêh ri mbơh nau tât nây, lĕ rngôch ƀon lan lŭng nter.