II Samuel 17:12 - Nau Brah Ndu Ngơi 2023

¹² He mra hăn lơh Y-Đavit ta ntŭk bu gĭt păng gŭ, jêh ri he mra nchueng jŭm păng nâm bu dak ngom truh ta neh; pônây, păng jêh ri lĕ rngôch phung tahan păng mâu geh du huê hôm gŭ rêh klen ôh.

II Samuel 17:12 ပူးပေါင်းရင်းမြစ်များ

I Phung Hađăch 20:10

Y-Ben-Hadat prơh tay bunuyh êng đŏng hăn lah pô aơ: “Tơlah ndruyh neh ta Samari geh tŏng ma lĕ tahan gâp ăp nơm dơi geh du mbăt, dăn phung brah ƀư nau mhĭk ma gâp jâk ngăn!”

II Phung Hađăch 18:23

Pôri, ăn may ƀư nau tâm nkol đah kôranh gâp jêng hađăch Asiri. Gâp mra ăn ma may bar rbăn mlâm seh tơlah may joi tŏng rnoh phung tahan ncho seh gay ncho.

II Phung Hađăch 19:24

Gâp kuyh jêh ntu dak Jêh ri nhêt jêh dak phung bu năch; Gâp ƀư suăt jêh lĕ rngôch n'hor dak n'gor Êjipt Ma bar mpang jâng gâp.”

Nau Mprơ Ơm 110:3

Tâm nar Brah Ndu mpơl nau dăng ktang, Phung ƀon lan May mra ŭch nhhơr khân păng nơm ma May; Phung bu klâu ndăm ndơ nsoh kloh ueh hăn tĭng May, Chrêk rêp ƀlêp nâm bu truh dak ngom ơm ôi

Apdia 1:3

Nau sưr tă bơh nuih n'hâm may hŏ ndơm may nơm. May jêng nơm gŭ tâm trôm lŭ, Gŭ rêh tâm ntŭk prêh; May lah êng tâm nuih n'hâm may pô aơ: ‘Mbu dơi nklơ̆ gâp tŭp ta neh?’

Mika 5:7

Phung hôm e klen bơh Y-Yakôb Mra gŭ ta nklang lĕ bri dak, Jêh ri gŭ ta nklang âk phung ƀon lan nâm bu yau mŭr gŭ ta nklang mpô mpa bri, Nâm bu kon yau mŭr gŭ ta nklang phung biăp; Lah păng hăn rgăn mra jot plên, Jêh ri kăp sa hêk mâu geh ôh nơm dơi rklaih.

I Samuel 23:23

Khân may sek uănh hom jêh ri joi gay gĭt ăp ntŭk păng du krap, jêh nây plơ̆ sĭt mbơh tay ma gâp ăn di. Nôk nây taơ gâp mra hăn ndrel ma khân may. Tơlah păng gŭ tâm nkual n'gor gâp mra joi păng tâm rnăk vâl phung Yuđa.”