II Samuel 16:8 - Nau Brah Ndu Ngơi 2023

⁸ Brah Yêhôva hŏ ƀư ăn ma mham bơh ngih Y-Sôl, may hŏ sŏk sưng hađăch, nkhŭt tay klơ bôk may. Brah Yêhôva mra jao ƀon bri hađăch tâm ti Y-Apsalôm, kon bu klâu may. Aƀaơ aơ, may mra geh nau rai yot, yorlah may jêng du huê bunuyh nkhŭt mham.”

II Samuel 16:8 ပူးပေါင်းရင်းမြစ်များ

II Samuel 1:16

Y-Đavit lah ma păng: “Ăn mham may nkhŭt tay ta klơ bôk may nơm! Yorlah trôm mbung may nơm lĕ nkoch ma nau tih may nơm, yorlah may hŏ lah pô aơ: ‘Gâp nkhĭt jêh nơm Brah Yêhôva tŏ jêh ma dak ƀâu kah.’”

II Samuel 19:19

jêh ri lah: “Vơl dăn ma kôranh gâp lơi klăp ndăng ôh nau tih gâp, jêh ri lơi hôm kah gĭt ma nau djơh mhĭk oh mon may hŏ ƀư tih jêh tâm nar hađăch jêng kôranh gâp du luh tă bơh Yêrusalem. Dăn hađăch lơi djôt prăp ôh nau nây tâm nuih n'hâm.

II Samuel 19:21

Y-Abisai, kon bu klâu H'Sêruya, ôp: “Pôri, bu mâu mra nkhĭt ôh hĕ ma Y-Simei yorlah hŏ rak rtăp jêh ma nơm Brah Yêhôva tŏ dak ƀâu kah?”

II Samuel 21:1

Dôl rnôk rô̆ Y-Đavit, geh nau ji ngot jŏ jong tâm pe năm. Yor ri, Y-Đavit joi muh măt Brah Yêhôva. Brah Yêhôva plơ̆ lah: “Nau aơ dơi tât yorlah Y-Sôl jêh ri phung ngih păng geh nau ƀư tih nkhŭt mham, tơlah păng nkhĭt jêh phung Gibêôn.”

II Samuel 21:9

jêh ri jao khân păng tâm ti phung Gibêôn. Phung nây yông trô ko khân păng ta klơ yôk, tanăp Brah Yêhôva. Pơh nuyh khân păng khĭt ndrel du tơ̆, bu nkhĭt khân păng tâm nar bôk yan rek, jêng ntơm saơm yan rek ba ôrgơ.

I Phung Hađăch 2:8

Rlau ma nây, hôm geh Y-Simei, kon Y-Gêra, bunuyh Benjamin ta Bahurim, jêng nơm hŏ sŏk lĕ nau ngơi janh ƀai gay rak rtăp gâp tâm nar gâp hăn rlet ma Mahanaim. Ƀiălah yorlah păng trŭnh văch tâm mâp đah gâp ta Yurdan, rĭ dĭng gâp sŏk amoh Brah Yêhôva gay sơm ton ma păng pô aơ: ‘Gâp mâu mra nkhĭt ôh may ma đao.’

Nau Mprơ Ơm 3:2

Âk ngăn nơm lah ma gâp pô aơ: “Brah Ndu mâu mra tâm rklaih păng ôh.” (Sêla)

Nau Mprơ Ơm 4:2

Ơ kon bunuyh, nau khưm gâp ndah jŏ bu mra ƀư nau bêk prêng? Khân may rŏng nau dơm dam jêh ri ndah jŏ tĭng joi nau mƀruh? (Sêla)

Nau Mprơ Ơm 55:3

Yor bâr troh dah phung rlăng Jêh ri nau tŭn jot phung ƀai. Yorlah khân păng djôt nau mhĭk tât ma gâp, Jêh ri tĭng nhŭp gâp ma nau nuih janh.

Nau Mprơ Ơm 7:4

Tơlah gâp mplơ̆ nau mhĭk ma bunuyh gŭ đăp mpăn ndrel đah gâp Jêh ri ntŭng pit phung rlăng gâp mâu geh nau

Nau Hôr 26:2

Nâm bu sĭm srai mpăr, nâm bu rlêng mpăr her, Nau rak rtăp mâu geh kô̆ tâm ban lĕ, păng mâu mra tât ôh.

Nau Tâm Mpơl 16:6

Yorlah khân păng ƀư nkhŭt jêh mham phung kloh ueh jêh ri phung nơm mbơh lor, Pôri May ăn jêh ma khân păng nhêt mham. Nĕ mơ tâm di!”

Phung Kôranh Phat Dôih 9:24

Nau aơ dơi tât gay plơng har nau tih nkhĭt bunuyh yor păng hŏ ƀư tih jêh đah pơh jât nuyh kon bu klâu Y-Jêrubaal, jêh ri ƀư ăn mham khân păng tŏ ta klơ Y-Abimêlek, jêng bunuyh hŏ nkhĭt oh nâu khân păng, jêh ri tŏ mham ndrel ta klơ phung kôranh chiă uănh ƀon toyh Sichem yorlah hŏ kơl păng tâm nkhĭt ndrăng oh nâu khân păng nơm.