II Samuel 16:7 - Nau Brah Ndu Ngơi 2023

⁷ Y-Simei rak rtăp Y-Đavit pô aơ: “Du hom, du hom! Bunuyh nkhŭt mham, bunuyh djơh mhĭk nây!

II Samuel 16:7 ပူးပေါင်းရင်းမြစ်များ

II Samuel 12:9

Mâm ƀư may mưch rmot nau Brah Yêhôva ngơi, ŭch ƀư nau mhĭk tanăp măt Păng? May hŏ sŏk đao phung Ammôn nkhĭt Y-Uri, bunuyh Hitit, sŏk jêh ur păng njêng ur may.

II Samuel 16:6

Păng klŭp lŭ ma Y-Đavit jêh ri ma phung oh mon hađăch, nđâp lah geh lĕ rngôch phung tahan jêh ri phung janh ktang king n'gang hađăch pa ma jêh ri pa chiau.

II Samuel 19:21

Y-Abisai, kon bu klâu H'Sêruya, ôp: “Pôri, bu mâu mra nkhĭt ôh hĕ ma Y-Simei yorlah hŏ rak rtăp jêh ma nơm Brah Yêhôva tŏ dak ƀâu kah?”

II Samuel 20:1

Ta nây geh du huê bunuyh dơm dam, amoh Y-Sêba, kon bu klâu Y-Bikri, bunuyh Benjamin. Păng uh nŭng jêh ri kuăl: “He mâu geh du kô̆ tâm Y-Đavit ôh, Mâu đŏng geh dơn drăp ndơ tâm kon Y-Yêsê Hơi phung Israel, ăp nơm plơ̆ sĭt hom ma ngih păng nơm!”

II Samuel 3:37

Pônây, tâm nar nây, lĕ rngôch phung Israel gĭt hađăch mâu tât ma nau tih nkhĭt Y-Apner, kon Y-Ner.

I Phung Hađăch 21:10

Dơm hom tanăp măt păng bar hê phung mhĭk gay khân păng phong păng pô aơ: ‘May hŏ rak rtăp Brah Ndu jêh ri hađăch,’ jêh nây djôt leo păng luh padih jêh ri klŭp lŭ nkhĭt păng.”

I Phung Hađăch 21:13

Nôk nây, bar hê phung mhĭk văch gŭ panăp Y-Nabôt. Bar hê phung mhĭk nây phong mƀruh ma Y-Nabôt panăp phung ƀon lan pô aơ: “Y-Nabôt rak rtăp jêh ma Brah Ndu jêh ri ma hađăch.” Jêh nây khân păng njŭn leo păng luh padih ƀon jêh ri klŭp păng ma lŭ kŏ tât khĭt.

Nau Mprơ Ơm 3:2

Âk ngăn nơm lah ma gâp pô aơ: “Brah Ndu mâu mra tâm rklaih păng ôh.” (Sêla)

Nau Mprơ Ơm 5:6

Kôranh Brah ƀư rai lơi phung ngơi mƀruh; Brah Yêhôva uănh ji ngăn phung ji hir mham jêh ri phung ƀư nau ndơm.

Nau Mprơ Ơm 51:14

Ơ Brah Ndu, tâm rklaih gâp bơh nau ƀư tih nkhŭt mham Ơ Brah Ndu ma nau tâm rklaih gâp, Mpiăt gâp mra mprơ tâm rnê ma nau sŏng srăng May.

Nau Mprơ Ơm 55:3

Yor bâr troh dah phung rlăng Jêh ri nau tŭn jot phung ƀai. Yorlah khân păng djôt nau mhĭk tât ma gâp, Jêh ri tĭng nhŭp gâp ma nau nuih janh.

Nau Mprơ Ơm 55:4

Nuih n'hâm gâp ji dŭt n'hâm ngăn, Nau klach krit ma nau khĭt nhŭp jêh gâp.

Nau Vay Nkah Tay 13:13

geh lĕ bunuyh mbruh nklă luh bơh ta nklang khân may, têk phung bunuyh gŭ tâm ƀon toyh nây pô aơ: ‘Ăn he hăn jêh ri yơk mbah ma phung brah êng’, jêng lĕ brah khân may mâu hŏ gĭt năl ôh,

I Samuel 2:12

Nôk nây, bar hê kon bu klâu Y-Êli jêng phung ƀai ngăn, mâu chrê ôh ma Brah Yêhôva.

I Samuel 25:17

Pôri aƀaơ, ăn ay gĭt mra ƀư moh nau, yorlah bu lĕ dăp nal jêh mra nkhŭt nau mhĭk ma kôranh hên jêh ri ma lĕ ngih vâl păng. Kôranh janh ƀai ngăn, mâu iăt nau ngơi bu ôh.”