II Samuel 15:27 - Nau Brah Ndu Ngơi 2023

²⁷ Hađăch lah tâm ban lĕ lah ma kôranh ƀư brah Y-Sadôk: “Pônây, plơ̆ sĭt hom ma ƀon ma nau đăp mpăn, ndrel ma bar hê kon bu klâu khân may: Y-Ahimas, kon may, jêh ri Y-Jônathan, kon Y-Abiathar.

II Samuel 15:27 ပူးပေါင်းရင်းမြစ်များ

II Samuel 15:34

Ƀiălah tơlah may plơ̆ sĭt ma ƀon jêh ri lah ma Y-Apsalôm pô aơ: ‘Hơi hađăch, gâp jêng oh mon may. Kăl e, gâp jêng oh mon ma hađăch mbơ̆ may, aƀaơ aơ gâp mra jêng oh mon ma may’. Pônây, may gŭ mpeh ma gâp ƀư roh lơi nau nchră Y-Ahitôpel.

II Samuel 15:36

Bar hê kon bu klâu khân păng jêng Y-Ahimas, kon bu klâu Y-Sadôk, jêh ri Y-Jônathan, kon bu klâu Y-Abiathar, hôm gŭ ndrel khân păng ta nây. May mra njuăl khân păng mbơh ma gâp lĕ nau may mra tăng.”

II Samuel 17:17

Y-Jônathan jêh ri Y-Ahimas gŭ kâp ma nau mhe ta Ên-Rôgel, khân păng mâu hăn lăp tâm ƀon yorlah klach bu saơ. Du huê oh mon bu ur hăn văch mbơh ma bar hê ăn khân păng gay khân păng mbơh tay ma hađăch Đavit.

II Samuel 18:19

Y-Ahimas, kon bu klâu Y-Sadôk, lah: “Ăn gâp nchuăt mbơh nau maak ma hađăch pô aơ Brah Yêhôva tâm rklaih jêh hađăch tă bơh ti phung rlăng păng.”

II Samuel 24:11

Ang ôi taơ, tơlah Y-Đavit kah rngăl, geh nau Brah Yêhôva ngơi ma nơm mbơh lor Y-Gat, jêng bunuyh geh nau tâm saơ an ma Y-Đavit, pô aơ:

I Phung Hađăch 1:42

Dôl păng ngơi, Y-Jônathan kon bu klâu kôranh ƀư brah Y-Abiathar tât. Y-Adônija lah: “Lăp hom aơ, may jêng du huê bunuyh khư yơk, n'hêl nanê̆ mra leo Nau Mhe Mhan Ueh.”

I Phung Hađăch 4:15

Y-Ahimas, chiă uănh n'gor neh Naptali (păng sŏk đŏng kon bu ur Y-Salômôn jêng H'Basmat, ƀư ur păng);

I Nau Rêh Jêng 25:5

Lĕ rngôch phung aơ jêng phung kon Y-Hêman, nơm geh nau tâm saơ ma hađăch, tĭng nâm nau Brah Ndu ton gay yơk n'hao Păng. Brah Ndu ăn jêh ma Y-Hêman jât ma puăn nuyh kon bu klâu jêh ri pe nuyh kon bu ur.

I Nau Rêh Jêng 6:8

Y-Ahitup jêng mbơ̆ Y-Sadôk; Y-Sadôk jêng mbơ̆ Y-Ahimas;

I Samuel 9:6

Oh mon lah ma păng: “Aơ! geh du huê bunuyh Brah Ndu tâm ƀon aơ, jêng du huê bu yơk; Lĕ nau păng lah lor tât da dê mâu tih ôh. Pônây, he hăn hom ta nây, klăp lah păng mra ntĭm an trong ma he.”

I Samuel 9:9

(Nar kăl e, tâm n'gor Israel, tơlah bu hăn ôp nau mĭn Brah Ndu, păng vay lah: “Văch hom! He hăn hom mâp ma nơm geh nau tâm saơ”; yorlah bunuyh bu ntơ nơm mbơh lor nar aơ, nar kăl e bu ntơ nơm geh nau tâm saơ.)