II Samuel 14:19 - Nau Brah Ndu Ngơi 2023

¹⁹ Hađăch ôp: “Di lĕ ti Y-Jôap gŭ ndrel ma ay tâm lĕ nau aơ?” Bu ur nây plơ̆ lah: “Hơi hađăch jêng kôranh gâp, nanê̆ tĭng nâm may hôm rêh, bu mâu dơi teng ôh pa ma mâu lah pa chiau tâm lĕ nau hađăch jêng kôranh gâp hŏ lah jêh. Di ngăn, nây jêng Y-Jôap, oh mon hađăch, hŏ ntăm jêh ma gâp jêh ri păng yơh ăn oh mon bu ur hađăch ngơi lĕ nau aơ.

II Samuel 14:19 ပူးပေါင်းရင်းမြစ်များ

II Samuel 11:11

Y-Uri plơ̆ lah ma Y-Đavit: “Hip Nau Tâm Rnglăp nâm bu phung ƀon lan Israel jêh ri phung Yuđa dôl gŭ tâm ngih bok, kôranh gâp jêng Y-Jôap ndrel ma phung oh mon kôranh gâp gŭ njơh tâm mir, bi gâp plơ̆ sĭt tâm ngih gâp gay sông sa nhêt jêh ri bê̆ch ndrel ma ur gâp lĕ? Nanê̆ tĭng nâm hađăch jêh ri huêng hađăch ăt hôm rêh, gâp mâu mra ƀư nau nây ôh!”

II Samuel 14:18

Hađăch plơ̆ sĭt lah ma bu ur nây: “Lơi pôn mo ma gâp ôh moh nau gâp mra ôp ay.” Bu ur ơh: “Ăn hađăch jêng kôranh gâp iăt ôp.”

II Samuel 14:3

Jêh nây hăn văch hom tâm mâp đah hađăch, mbơh ma păng kơt aơ...” Jêh ri Y-Jôap nti lĕ nau păng mra ngơi.

II Samuel 18:13

Rlau lơn ma nĕ, tơlah gâp mâu răp jăp jêh ri nkhĭt kon bu klâu hađăch, mâu dơi pôn mo ma hađăch ôh, jêh ri may nơm mra phong” gâp.

II Samuel 3:27

Tơlah Y-Apner plơ̆ đŏng tât jêh ta Hêbron, Y-Jôap djôt leo păng êng ta mpông ƀon, nâm bu ŭch nkoch bri đah păng ma nau kan ndâp. Ta nây, Y-Jôap ntâp ta ndŭl Y-Apner, jêh ri nkhĭt lơi păng gay mplơ̆ rnon mham oh Y-Apner jêng Y-Asahel.

II Samuel 3:29

Ăn mham nây nkhŭt tay ta klơ bôk Y-Jôap jêh ri ta klơ lĕ ngih mbơ̆ păng! Ăn ngih Y-Jôap mâu tăch yơt ôh bunuyh ji kuet ji rôi, mâu lah nau ji phŭng, mâu lah phung knŏng gĭt ƀư nau kan phung bu ur, mâu lah cha lôt khĭt ma đao, mâu lah nau ji ngot yor pưt sông sa!”

II Samuel 3:34

Ti may bu mâu chăp ôh, Jâng may bu mâu đŏng nkông; May chôt khĭt jêh Nâm bu cha lôt tanăp phung mhĭk!” Lĕ rngôch phung ƀon lan nhĭm.

II Phung Hađăch 2:2

Y-Êli lah ma Y-Êlisê: “Gŭ hom ta aơ, yorlah Brah Yêhôva prơh gâp hăn tât ma Bêthel.” Ƀiălah Y-Êlisê lah: “Gâp sŏk amoh Brah Yêhôva gŭ rêh mro mrăng jêh ri sŏk amoh nau rêh may gay sơm ton, gâp mâu du tă bơh may ôh.” Pôri, khân păng hăn trŭnh ma Bêthel.

Nau Ngluh Êjipt 4:15

Ăn may ngơi đah nâu may, jêh ri dăp dơm rplay ngơi tâm trôm mbung păng. Gâp mra gŭ ndrel ma trôm mbung may nđâp ma trôm mbung nâu may jêh ri nti khân may moh ndơ mra ƀư.

Nau Hôr 25:2

Nau chrêk ma lơp bơh Brah Ndu pôn ndâp du ntil nau, Ƀiălah nau chrêk ma lơp bơh phung hađăch jêng joi saơ du ntil nau nây.

Nau Hôr 4:27

Lơi teng ôh pa ma mâu lah pa chiau; Ăn jâng may der hom bơh ntŭk nau mhĭk.

Nau Kơp Bunuyh 20:17

Dăn ăn hên hăn rgăn n'gor hađăch. Hên mâu mra hăn rgăn tâm lŏ sre mâu lah đang krăk ƀâu ôh, jêh ri hên mâu lĕ mra nhêt dak tă bơh lĕ ntu dak. Hên mra hăn tĭng trong toyh hađăch, hên mâu mra teng pa ma mâu lah pa chiau, kŏ tât nôk hên rgăn lĕ n'gor hađăch.”

Luka 21:15

Yorlah Gâp mra ăn ma khân may nau ngơi jêh ri nau blau mĭn, ƀiălah mâu geh phung rlăng dơi tâm rdâng jêh ri tâm rlăch đah khân may ôh.

Nau Vay Nkah Tay 28:14

jêh ri tơlah khân may mâu chalơi ôh du nau ngơi gâp ntĭnh ma khân may nar aơ, mâu teng pa ma mâu lah pa chiau, mâu hăn tĭng jêh ri yơk mbah ma phung brah êng.”

Nau Vay Nkah Tay 5:32

Pôri, ăn khân may njrăng ƀư dĭng lĕ nau kan di mâm bu Yêhôva Brah Ndu khân may hŏ ntĭm nti; khân may mâu dơi ôh teng pa ma mâu lah pa chiau.

Yôsuê 1:7

Ăn may janh ktang, nănh nanê̆ jêh ri blau njrăng ƀư tĭng lĕ rngôch nau vay Y-Môis, oh mon Gâp, ntĭnh jêh ma may; lơi teng pa ma mâu lah pa chiau ôh, gay moh ntŭk may hăn mra dơi geh jêng.

I Samuel 1:26

Păng lah: “Hơi kôranh gâp! Gâp sŏk nau rêh may gay ton pô aơ, gâp jêng bu ur nơm dâk jêh ta aơ, êp kêng may, gay mbơh sơm ma Brah Yêhôva.

I Samuel 17:55

Tâm nôk Y-Sôl saơ Y-Đavit hăn tâm lơh đah phung Philistin, păng ôp ma Y-Apner, kôranh ma phung tahan: “Ơ Y-Apner, mbu kon bu klâu ndăm rah aơ?” Y-Apner lah: “Hơi hađăch! Tĭng n'hâm may hôm rêh, gâp mâu gĭt ôh.”

I Samuel 20:3

Ƀiălah Y-Đavit sơm ton jêh ri lah: “Mbơ̆ may gĭt rah vah jêh ma gâp geh nau yô̆ tanăp măt may, pôri păng mĭn êng: ‘Lơi ăn Y-Jônathan gĭt ôh nau nây, klach lah păng rngot!’ Ƀiălah, tĭng nâm Brah Yêhôva gŭ rêh mro mrăng jêh ri tĭng nâm may ăt hôm rêh, nanê̆ ngăn vah vang gâp jêh ri đah nau khĭt knŏng hôm ƀah du nhuat.”

I Samuel 25:26

Aƀaơ, hơi kôranh gâp, Brah Yêhôva nkân jêh ti kôranh mâu ƀư nau nkhŭt mham, jêh ri sŏk ti may nơm plơng har. Nanê̆ nâm bu Brah Yêhôva gŭ rêh mro mrăng jêh ri kôranh ăt hôm rêh, ăn phung rlăng jêh ri phung ŭch ƀư mhĭk ma kôranh gâp mra nâm bu Y-Nabal!