II Samuel 1:14 - Nau Brah Ndu Ngơi 2023

¹⁴ Y-Đavit lah: “Mâm ƀư may mâu klach ôh yơr ti may nkhĭt bunuyh Brah Yêhôva tŏ jêh dak ƀâu kah?”

II Samuel 1:14 ပူးပေါင်းရင်းမြစ်များ

Nau Mprơ Ơm 105:15

“Lơi ta pah tât phung Gâp troch dak ngi, Lơi ƀư djơh ma phung nơm mbơh lor Gâp!”

Nau Nhĭm Vơl 4:20

Nơm dơn Brah Yêhôva tŏ dak ƀâu kah, nây jêng nau n'hâm nsôr hên, Hŏ geh dăk khân păng jêh; Nây jêng phung hên vay lah: “Nde tâm dâng n'hâm gui săk he mra gŭ rêh ta nklang lĕ bri dak.”

Nau Kơp Bunuyh 12:8

Gâp ngơi đah păng mbung ndrăng mbung ma nau rah vah, mâu geh nau ngơi ndâp Jêh ri păng saơ rup Brah Yêhôva. Mâm khân may mâu klach ƀiălah ngơi kek đah oh mon Gâp jêng Y-Môis?”

II Pêtrôs 2:10

lor lơn jêng phung bunuyh ƀư tĭng nau kơnh ŭch djơh mhĭk, mưch rmot ma nau chiă uănh. Phung nĕ dăng bôk hâu ngăn jêh ri sưr rlau, mâu klach ôh ngơi djơh tât ma phung geh nau chrêk rmah;

I Samuel 10:1

Y-Samuel sŏk du nông dak ƀâu kah, tŏ ta klơ bôk Y-Sôl, chŭm păng, jêh ri lah: “Mâu di hĕ Brah Yêhôva hŏ tŏ dak ƀâu ma may gay may jêng kôranh chiă uănh dơn drăp ndơ Păng?

I Samuel 12:3

Aơ, gâp dâk ta aơ. Nkoch mbơh hom ma gâp tanăp Brah Yêhôva jêh ri tanăp nơm Păng tŏ jêh dak ƀâu kah: Mbu ndrôk gâp mâp sŏk jêh? Mâu lah mbu seh bri gâp mâp sŏk jêh? Mâu lah mbu nơm gâp geh ndơm mƀruh? Mbu nơm gâp tŭn jot jêh? Mbah tă ti gâp lĕ mâp sŏk jêh drăp bu blŏl gay nkŭm lơi măt gâp ma ndơ nây? Tơlah geh, gâp mra mplơ̆ sĭt ndơ nây ma khân may.”

I Samuel 24:11

Aơ, uănh hom! Măt may nơm lĕ saơ jêh nar aơ, tâm trôm lŭ, Brah Yêhôva hŏ jao jêh hađăch tâm ti gâp. Bu nsŭk gâp nkhĭt hađăch, ƀiălah gâp chalơi om hađăch, jêh ri lah: ‘Gâp mâu mra yơr ti ƀư mhĭk ma kôranh gâp ôh, yorlah hađăch jêng nơm Brah Yêhôva tŏ dak ƀâu kah jêh.’

I Samuel 24:6

Pônây, nuih n'hâm Y-Đavit nduyh êng păng nơm yor nau păng koh ntôr ao rjai hađăch Y-Sôl.

I Samuel 24:7

Păng lah ma phung tĭng ndô̆ păng: “Dăn Brah Yêhôva lơi ăn gâp ƀư tih đah kôranh gâp, jêng nơm Brah Yêhôva tŏ dak ƀâu kah, lơi ăn ti gâp pah ta păng, yorlah Y-Sôl jêng nơm Brah Yêhôva tŏ dak ƀâu kah.”

I Samuel 26:11

Ăn Brah Yêhôva mât mray gâp mâu yơr ti gâp ma nơm Brah Yêhôva lĕ tŏ dak ƀâu kah jêh! May sŏk lơi hom tak ta bôk bê̆ch păng jêh ri dak yăng păng, jêh nây he hăn du.”

I Samuel 26:9

Ƀiălah Y-Đavit lah ma Y-Abisai: “Lơi nkhĭt păng! Yorlah mbu moh yơr ti lơh nơm Brah Yêhôva hŏ tŏ dak ƀâu kah jêh ƀiălah mâu geh nau rmal ôh?”

I Samuel 31:4

Y-Sôl lah ma nơm djôt ndơ tâm lơh păng: “Tŏk hom đao may jêh ri ntâp gâp, klach lah phung mâu koh ntâu aơ văch tât ntâp gâp jêh ri ƀư bêk prêng gâp.” Ƀiălah nơm djôt ndơ tâm lơh mâu nănh ƀư ôh yorlah klach ngăn. Yor ri, Y-Sôl sŏk đao jêh ri kŭnh tom tra ntang ntơh sân đah đao nây.