II Phung Hađăch 9:7 - Nau Brah Ndu Ngơi 2023

⁷ May mra lơh nkhĭt ngih Y-Ahap, kôranh may; pônây Gâp mra mplơ̆ plơng ma H'Jêsêbel ma nau mham phung oh mon Gâp jêng nơm mbơh lor, nđâp mham lĕ rngôch phung oh mon Brah Yêhôva.

II Phung Hađăch 9:7 ပူးပေါင်းရင်းမြစ်များ

I Phung Hađăch 18:4

Tơlah H'Jêsêbel nkhĭt phung nơm mbơh lor Brah Yêhôva, Y-Apdia sŏk djôt du rhiăng nuyh nơm mbơh lor pôn tâm bar trôm lŭ, ăp trôm prăm jât bunuyh, sŏk piăng let jêh ri dak nhêt siăm ma khân păng).

I Phung Hađăch 21:15

Tơlah H'Jêsêbel tăng ma Y-Nabôt lĕ bu klŭp ma lŭ jêh ri păng khĭt jêh, pôri păng lah ma Y-Ahap: “Dâk hom, hăn sŏk đang krăk ƀâu Y-Nabôt, bunuyh Jesrêel, păng hŏ dun mâu ăn ma may tâm rgâl ma prăk. Yorlah Y-Nabôt mâu hôm rêh ôh, păng khĭt jêh.”

I Phung Hađăch 21:21

Yor ri, Păng lah: ‘Gâp mra ăn tât nau mhĭk ma may. Gâp mra pih kloh noi deh may, ƀư rai lĕ rngôch phung bu klâu ngih Y-Ahap, nđâp lah nơm ƀư dĭk mâu lah kon me tâm n'gor Israel.

I Phung Hađăch 21:25

Nanê̆ ngăn, mâu geh ôh bunuyh tâm ban ma Y-Ahap, tăch êng păng nơm gay ƀư nau mhĭk tanăp măt Brah Yêhôva, jêng nơm H'Jêsêbel ur păng hŏ nsŭk nsôr.

II Phung Hađăch 10:10

Pônây, aƀaơ ri, ăn gĭt rah vah ngăn pô aơ: Tâm nau Brah Yêhôva hŏ lah ma ngih Y-Ahap mâu mra geh ôh du nau mâu mra ăn tât tĭng nâm Brah Ndu ngơi; nau nây Brah Yêhôva ngơi jêh di ma ngih Y-Ahap, yorlah Brah Yêhôva ƀư jêh nau Păng hŏ ngơi ma oh mon Păng Y-Êli.”

II Phung Hađăch 10:11

Pônây, Y-Jêhu nkhĭt lĕ rngôch phung hôm e tâm ngih Y-Ahap ta Jesrêel, lĕ rngôch bunuyh lư n'găr, phung mĭt jiăng jêh ri phung kôranh ƀư brah păng, kŏ tât mâu hôm geh du huê hôm klen.

II Nau Rêh Jêng 22:7

Nau Y-Ahasia hăn chop khâl Y-Jôram jêng bơh nau mĭn Brah Ndu gay leo Y-Ahasia tât ntŭk rai lôch. Ngăn yơh lah păng tât ta nây, păng ndrel ma Y-Jôram hăn lơh Y-Jêhu, kon Y-Nimsi, jêng nơm Brah Yêhôva tŏ jêh dak ƀâu kah ăn ƀư rai ngih Y-Ahap.

Yêrêmi 26:5

tơlah khân may mâu iăt nau phung oh mon Gâp, jêng phung nơm mbơh lor ngơi Gâp prơh hăn tât ma khân may âk tơ̆, khân may ơm mâu ŭch iăt ôh,

Mathay 23:35

gay ăn ma mham phung sŏng srăng hoch luh jêh ta neh ntu mra nkhŭt ta khân may da dê, ntơm bơh mham Y-Abel mâu geh nau tih tât ta mham Y-Sakari jêng kon bu klâu Y-Baraki, nơm khân may nkhĭt jêh tâm vah vang Ntŭk Kloh Ueh jêh ri nơng ƀư brah.

Samƀŭt Pôl Njuăl Ăn Ma Phung Nsing Ta Ƀon Rôm 12:19

Hơi phung oh nâu gâp rŏng ơi, Lơi ta khân may lơi plơng bu, ƀiălah ăn ma nau Brah Ndu ji nuih; yorlah geh nau Kôranh Brah lah jêh: “Nau plơng bôk jêng nau Gâp. Gâp mra plơng bôk.”

Samƀŭt Pôl Njuăl Ăn Ma Phung Nsing Ta Ƀon Rôm 13:4

yorlah khân păng jêng oh mon ma Brah Ndu ŭch ƀư ueh ma may. Ƀiălah tơlah may ƀư nau mhĭk, klach hom, yorlah khân păng djôt đao mâu di jêng mâu geh nau; khân păng jêng oh mon ma Brah Ndu gay ma ƀư nau rmal ma mbu nơm ƀư djơh mhĭk.

Nau Vay Nkah Tay 32:35

Gâp mra plơng bôk, Gâp mra tâm rmal, Tâm nôk jâng khân păng mbĭr prah; Yorlah nar rêh ni khân păng hŏ dăch jêh, Nar nau phat dôih khân păng tât gơnh.”

Nau Vay Nkah Tay 32:43

Hơi lĕ bri dak! Răm rhơn hom ndrel ma phung ƀon lan Kôranh Brah, Yorlah Păng mra plơng har mham bơh phung oh mon Păng, Plơng har ma phung rdâng đah Păng, Jêh ri yô̆ an nau tih ma n'gor jêh ri ma phung ƀon lan Păng.

ហេឞ្រើ 10:30

Yorlah he gĭt năl jêh Nơm lah jêh: “nau plơng bôk jêng ndơ Gâp, Gâp mra plơng bôk.” Jêh ri lah đŏng: “Kôranh Brah mra phat dôih ƀon lan păng nơm.”

Nau Tâm Mpơl 18:20

Hơi trôk, răm maak hom yorlah păng! Hơi phung kloh ueh, phung kôranh oh mon, jêh ri phung nơm mbơh lor răm maak hom đŏng! Yorlah Brah Ndu tâm rmal jêh păng tĭng nâm nau păng ƀư jêh đah khân may!”

Nau Tâm Mpơl 19:2

Yorlah lĕ nau Păng phat dôih jêng nanê̆ ngăn jêh ri sŏng. Păng phat dôih jêh bu ur văng tĭr toyh, nơm hŏ sŏk nau păng văng tĭr ƀư djơh tâm neh ntu; jêh ri Brah Ndu plơng bôk jêh yor mham phung oh mon Păng bơh bu ur văng tir nây ƀư nkhŭt jêh.”

Nau Tâm Mpơl 2:20

Ƀiălah geh nau Gâp nduyh may, nây jêng may ăn ma H'Jêsêbel, bu ur kơp êng săk păng nơm jêng nơm mbơh lor, ntĭm nti jêh ri ndơm phung oh mon Gâp, gay ma khân păng ƀư tih nau văng tĭr jêh ri sa ndơ ƀư brah ma rup brah.