II Phung Hađăch 9:27 - Nau Brah Ndu Ngơi 2023

²⁷ Tơlah Y-Ahasia, hađăch Yuđa, saơ nau nây, păng nchuăt du rlet ma mpeh ƀon Bet-Hagan. Ƀiălah Y-Jêhu hăn tĭng jêh ri ntăm: “Lơh nkhĭt hom păng dôl gŭ ta klơ ndeh seh, ta sop Gur, dăch ƀon Iblêam!” Y-Ahasia sôt jêh ri nchuăt du tât ta Mêgidô, jêh ri khĭt ta nây.

II Phung Hađăch 9:27 ပူးပေါင်းရင်းမြစ်များ

I Phung Hađăch 21:2

Y-Ahap lah ma Y-Nabôt: “Ăn ma gâp đang krăk ƀâu may, gay ma gâp dơi geh ntŭk njêng n'gar trao, yorlah păng jêng êp kêng ngih hađăch gâp. Gâp mra tâm rgâl ăn ma may du đang krăk ƀâu ueh lơn; mâu lah tơlah may ŭch, gâp mra mplơ̆ prăk ma may di tĭng nâm rnoh păng.”

I Phung Hađăch 4:12

Y-Bana, kon bu klâu Y-Ahilut, chiă uănh tâm n'gor Tanak, Mêgidô, jêh ri lĕ n'gor Bet-Sêan, n'gor dăch Sarêthan, mpeh tâm dâng Jesrêel, ntơm bơh Bet-Sêan tât ma Abel-Mêhôla jêh ri tât ma mpeh kơh tê̆ ƀon Jôkmêam;

II Phung Hađăch 10:4

Khân păng klach krit hâu ngăn ngên jêh ri lah: “Aơ, bar hê hađăch nây mâu dơi râl ôh tanăp păng, pôri mâm he dơi tâm rdâng?”

II Phung Hađăch 11:1

Tơlah H'Athali, mê̆ Y-Ahasia, saơ kon păng lĕ khĭt jêh, păng dâk nkhĭt lĕ rngôch ngih hađăch.

II Phung Hađăch 12:1

Tâm năm rơh pơh rnôk rô̆ hađăch Jêhu chiă uănh, Y-Jôas ntơm jêng hađăch jêh ri chiă uănh puăn jât năm tâm ƀon Yêrusalem. Mê̆ păng amoh H'Sibia, ƀon tơm ta Bêr-Sêba.

II Phung Hađăch 12:21

Bar hê phung oh mon hŏ lơh nkhĭt hađăch jêng Y-Jôsaƀat, kon Y-Simêat, jêh ri Y-Jêhôsaƀat, kon Y-Sômer. Bu tâp păng ndrel ma phung chô yau păng tâm ƀon Đavit. Jêh nây kon hađăch jêng Y-Amasia ntơm chiă uănh thoi ntrok păng.

II Phung Hađăch 14:19

Ta ƀon Yêrusalem, bu tâm nchră tâm rdâng đah hađăch, pôri păng nchuăt du tât ma Lakis. Ƀiălah khân păng prơh bunuyh hăn tĭng hađăch tât ta ƀon Lakis jêh ri nkhĭt hađăch ta nây.

II Phung Hađăch 21:23

Phung oh mon Y-Amôn tâm rdâng đah păng jêh ri nkhĭt păng tâm ngih hađăch păng nơm.

II Phung Hađăch 8:29

Pônây, hađăch Jôram plơ̆ sĭt ta Jesrêel gay săm lĕ sôt rmanh phung tahan Aram ƀư ma păng ta Rama, rnôk păng tâm lơh đah Y-Hasael, hađăch Aram. Y-Ahasia kon bu klâu Y-Jôram, hađăch Yuđa hăn jŭr ta Jesrêel gay khâl Y-Jôram, kon Y-Ahap, dôl hôm păm nau ji ta nây.

Nau Hôr 13:20

Mbu nơm dơh dăch đah bunuyh blau mĭn mra dơi jêng blau mĭn, Ƀiălah mbu nơm ƀư jiăng đah bunuyh rluk mra dơn nau roh rai.

Nau Kơp Bunuyh 16:26

Păng lah ma phung tâm rƀŭn: “Aƀaơ, du ngai hom tă bơh ngih bok phung janh ƀai aơ, jêh ri lơi pah moh ndơ prăp ma khân păng, klach lah khân may mra khĭt yorlah nau tih khân păng.”

II Kôrintô 6:17

“Yor nây, Kôranh Brah lah: Luh du hom tă bơh khân păng, Tâm nkhah hom tă bơh khân păng, Lơi pah tât ndơ ƀơ̆ ƀơch, Gâp mra rom dơn khân may.

Yôsuê 17:11

Tâm n'gor neh Isakar jêh ri phung Aser, Manasê hôm geh ƀon Bet-Sêan nđâp ma lĕ ƀon jê̆ păng jêh ri ƀon Iblêam nđâp ma ƀon jê̆ păng, n'ho ma lĕ phung bunuyh gŭ tâm ƀon Dôrơ nđâp ma lĕ ƀon jê̆ păng, phung bunuyh gŭ tâm ƀon Ên-Dôr nđâp ma lĕ ƀon jê̆ păng, phung bunuyh gŭ tâm ƀon Tanak nđâp ma lĕ ƀon jê̆ păng, phung bunuyh gŭ tâm ƀon Mêgidô nđâp ma lĕ ƀon jê̆ păng, jêh ri ƀon tal pe jêng Naphat.

Phung Kôranh Phat Dôih 1:27

Ndŭl mpôl Manasê mâu dơi mprơh ôh phung ƀon lan gŭ tâm ƀon Bet-Sêan jêh ri n'gor jŭm păng, mâu lah phung ƀon lan gŭ ta Tanak jêh ri n'gor jŭm păng, mâu lah phung ƀon lan gŭ tâm ƀon Dôrơ jêh ri n'gor jŭm păng, mâu lah phung ƀon lan gŭ tâm ƀon Iblêam jêh ri n'gor jŭm păng, mâu lah phung ƀon lan gŭ tâm ƀon Mêgidô jêh ri n'gor jŭm păng. Yor ri, phung Kanaan hôm e gŭ tâm n'gor nây.

Phung Kôranh Phat Dôih 5:19

Phung hađăch văch tât, khân păng hăn luh tâm lơh; Phung hađăch Kanaan tâm lơh Ta ƀon Tanak, dăch n'hong dak Mêgidô; Ƀiălah khân păng mâu sŏk pit ôh prăk hên!