II Phung Hađăch 9:26 - Nau Brah Ndu Ngơi 2023

²⁶ ‘Brah Yêhôva lah: Nanê̆ ngăn, yorlah nđaơ Gâp hŏ saơ jêh mham Y-Nabôt jêh ri phung kon bu klâu păng pling mham, pôri Gâp mra nhŭp may mplơ̆ hom nau tih ƀư nkhŭt mham ta mir nây.’ Brah Yêhôva phat dôih kơt nĕ. Pôri aƀaơ djôt leo hom săk jăn păng mƀăr lơi tâm mir nây, di nâm Brah Yêhôva ngơi jêh.”

II Phung Hađăch 9:26 ပူးပေါင်းရင်းမြစ်များ

I Phung Hađăch 21:13

Nôk nây, bar hê phung mhĭk văch gŭ panăp Y-Nabôt. Bar hê phung mhĭk nây phong mƀruh ma Y-Nabôt panăp phung ƀon lan pô aơ: “Y-Nabôt rak rtăp jêh ma Brah Ndu jêh ri ma hađăch.” Jêh nây khân păng njŭn leo păng luh padih ƀon jêh ri klŭp păng ma lŭ kŏ tât khĭt.

I Phung Hađăch 21:19

Ăn may lah ma Y-Ahap pô aơ: ‘Brah Yêhôva lah: Mâu di hĕ may hŏ nkhĭt bunuyh, jêh nây pit rvan drăp ndơn păng?’ Ăn may lah tay: ‘Brah Yêhôva lah: Ta ntŭk so hŏ ler jêh mham Y-Nabôt, so mra ler mham may nơm đŏng.’”

II Phung Hađăch 9:21

Y-Jôram lah: “Nkra hom ndeh seh!” Bu nkra ndeh seh ma păng. Jêh nây Y-Jôram, hađăch Israel, jêh ri Y-Ahasia hađăch Yuđa, ăp nơm ncho ndeh seh păng da dê, jêh ri hăn tâm mâp đah Y-Jêhu tâm neh mir Y-Nabôt, bunuyh Jesrêel.

II Phung Hađăch 9:25

Y-Jêhu lah ma Y-Bitkar, kôranh kâp kơl păng: “Djôt leo hom săk jăn păng mƀăr lơi tâm mir Y-Nabôt, bunuyh Jesrêel. Yorlah ăn ma may kah gĭt tay kăl e ri gâp jêh ri may ncho seh ndrel tĭng pakơi Y-Ahap mbơ̆ păng Brah Yêhôva ngơi nau mbơh tâm rdâng aơ đah păng:

II Nau Rêh Jêng 24:25

Tơlah phung tahan Aram hŏ plơ̆ rŭch jêh, chalơi êng Y-Jôas gŭ păm rmanh jru. Phung oh mon păng tâm nchră ndrel tâm rdâng đah păng yorlah rnon mham kon bu klâu kôranh ƀư brah Y-Jêhôida. Khân păng nkhĭt păng ta klơ sưng bê̆ch. Bu tâp păng tâm ƀon Đavit, ƀiălah mâu di tâm môch ma phung hađăch ôh.

II Nau Rêh Jêng 25:4

Ƀiălah păng mâu nkhĭt phung kon khân păng, tĭng ntil nau hŏ nchih jêh tâm ndrom samƀŭt nau vay Y-Môis, di nâm bu Brah Yêhôva hŏ ntăm jêh: “Mê̆ mbơ̆ mâu mra khĭt yor phung kon, phung kon tâm ban lĕ mâu mra khĭt yor mê̆ mbơ̆; ƀiălah ăp nơm mra khĭt yor nau tih păng nơm.”

Nau Mprơ Ơm 9:13

Ơ Brah Yêhôva, dăn yô̆ nđach an ma gâp! Dăn treng uănh ma nau rêh ni yor phung rlăng gâp hŏ ƀư jêh; May jêng Nơm chông leo gâp tă bơh mpông pêr nau khĭt,

Nau Ngluh Êjipt 20:5

May mâu dơi chon mon ta rup nây mâu lah yơk mbah khân păng; yorlah Gâp jêng Yêhôva Brah Ndu may, jêng Brah Ndu blau ntôn. Đah phung bunuyh tâm rmot Gâp, yor nau tih chô yau Gâp mra tâm rmal ma kon sau khân păng tât rô̆ tal pe, tal puăn.

Êsêkiêl 18:19

Khân may hôm e ngơi pô aơ: ‘Mâm ƀư kon păng mâu anh nau tih mbơ̆ păng?’ Yorlah kon păng nây hŏ ƀư tĭng nau di, djôt prăp nau sŏng jêh ri ƀư tĭng lĕ rngôch nau vay dăp Gâp. N'hêl nanê̆ păng mra rêh.

Habakuk 2:10

Nau may ndrăp ƀư ƀai âk băl mpôl bunuyh Knŏng djôt leo nau bêk prêng ma ngih vâl may nơm; Jêh ri ƀư rai ma may nơm.

Nau Vay Nkah Tay 24:16

Bu mâu nkhĭt ôh mê̆ mbơ̆ yor nau tih phung kon, jêh ri bu mâu lĕ dơi nkhĭt phung kon yor nau tih phung mê̆ mbơ̆. Bu mra nkhĭt ăp nơm tĭng nâm nau tih păng nơm.

Nau Vay Nkah Tay 5:9

May mâu dơi chon mbah ôh tanăp lĕ rup nây mâu lah yơk mbah khân păng, yorlah Gâp jêng Yêhôva Brah Ndu may, jêng Brah Ndu blau ntôn. Đah phung bunuyh tâm rmot Gâp, yor nau tih chô yau Gâp mra tâm rmal ma kon sau khân păng tât pe puăn rô̆ nuyh.