II Phung Hađăch 9:22 - Nau Brah Ndu Ngơi 2023

²² Tơlah Y-Jôram lĕ saơ jêh Y-Jêhu, păng ôp: “Hơi Y-Jêhu, nau đăp mpăn lĕ?” Ƀiălah Y-Jêhu plơ̆ lah: “Mâm dơi geh nau đăp mpăn dôl mê̆ may H'Jêsêbel ƀư âk nau ka n'hong jêh ri nau n'hŭm?”

II Phung Hađăch 9:22 ပူးပေါင်းရင်းမြစ်များ

I Phung Hađăch 18:19

Pônây aƀaơ, may prơh hom bunuyh hăn kuăl rgum lĕ rngôch phung Israel tât ma gâp ta klơ yôk Karmel, ndrel ma puăn rhiăng prăm jât nuyh nơm mbơh lor Baal, jêh ri puăn rhiăng nuyh nơm mbơh lor Asêra, jêng phung sông sa ta sưng sông H'Jêsêbel.”

I Phung Hađăch 18:4

Tơlah H'Jêsêbel nkhĭt phung nơm mbơh lor Brah Yêhôva, Y-Apdia sŏk djôt du rhiăng nuyh nơm mbơh lor pôn tâm bar trôm lŭ, ăp trôm prăm jât bunuyh, sŏk piăng let jêh ri dak nhêt siăm ma khân păng).

I Phung Hađăch 21:25

Nanê̆ ngăn, mâu geh ôh bunuyh tâm ban ma Y-Ahap, tăch êng păng nơm gay ƀư nau mhĭk tanăp măt Brah Yêhôva, jêng nơm H'Jêsêbel ur păng hŏ nsŭk nsôr.

II Phung Hađăch 9:18

Pôri du huê tahan ncho seh hăn tâm mâp đah Y-Jêhu jêh ri lah: “Hađăch ôp: ‘Nau đăp mpăn lĕ?’” Y-Jêhu plơ̆ lah: “Đăp mpăn mâu lah mâu ndơ ƀư tât ma may? Rŭch plơ̆ hom pakơi gâp.” Bunuyh tahan gŭ gak mbơh: “Nơm mbơh hŏ hăn mâp khân păng jêh, ƀiălah mâu plơ̆ sĭt ôh.”

II Nau Rêh Jêng 21:13

ƀiălah may hŏ hăn tĭng trong phung hađăch Israel, ƀư ăn phung Yuđa jêh ri phung gŭ tâm ƀon Yêrusalem yơk mbah rup brah nâm bu ngih Y-Ahap hŏ ƀư. Rlau lơn ma nĕ, may hŏ nkhĭt jêh phung oh nâu may bơh ngih mbơ̆ may, jêng phung ueh lơn ma may.

Nơm Nti 3:8

Geh năng rŏng, geh năng rmot; Geh năng tâm lơh, geh năng đăp mpăn.

Nahum 3:4

Nây jêng yor âk ngăn bu ur ka n'hong vay ƀư nau văng tĭr, Ndơm ma nau ueh păng, ƀư hađăch bu ur nau blau rƀên; Păng tăch lĕ bri dak yor ma nau văng tĭr, Jêh ri tăch phung ƀon lan ma nau blau rƀên.

Nau Tâm Mpơl 18:23

Nau ang kađen mâu mra nchrat ang ta ntŭk may đŏng; nteh maak ma ur sai mhe mâu mra hôm tăng ta ntŭk may đŏng, yorlah phung tăch rgâl may jêng phung bunuyh geh nau ktang ta neh ntu, jêh ri yorlah may dŏng nau ƀŭk rƀên gay ndơm mƀruh ma lĕ rngôch mpôl băl bunuyh.

Nau Tâm Mpơl 18:3

Yorlah lĕ ntil mpôl bunuyh nhêt ndrănh pâl rlưn rlau keh păng mâu jan tĭng nau vay, Phung hađăch ta neh ntu ƀư tih văng tĭr đah păng jêh, Phung tăch rgâl ta neh ntu jêng ndrŏng yor tă bơh nau păng gŭ rêh dŭt mpŭng.”

I Samuel 16:4

Y-Samuel ƀư tĭng nâm nau Brah Yêhôva ntăm jêh ma păng, jêh ri hăn tât ta Ƀêtlêhem. Phung kôranh bu ranh ƀon nây luh hăn tâm mâp ma păng, klach sâr jêh ri ôp: “May văch ma nau đăp mpăn lĕ?”