II Phung Hađăch 9:20 - Nau Brah Ndu Ngơi 2023

²⁰ Bunuyh tahan gŭ gak mbơh đŏng: “Bunuyh mbơh hŏ hăn mâp jêh ma khân păng, ƀiălah mâu plơ̆ sĭt ôh. Nơm ƀĭt ndeh seh jêng nâm bu Y-Jêhu, kon Y-Nimsi, yorlah păng ƀĭt ndeh seh ma nau janh hâng.”

II Phung Hađăch 9:20 ပူးပေါင်းရင်းမြစ်များ

II Samuel 18:27

Bunuyh tahan gŭ gak lah: “Gâp saơ bunuyh nchuăt lor, nâm bu săk jăn Y-Ahimas, kon bu klâu Y-Sadôk.” Hađăch lah: “Păng jêng du huê bunuyh ueh, nanê̆ păng văch mbơh nau ueh.”

I Phung Hađăch 19:17

Mbu nơm klaih bơh đao Y-Hasael, Y-Jêhu mra nkhĭt păng, mbu nơm klaih bơh đao Y-Jêhu, Y-Êlisê mra nkhĭt păng.

II Phung Hađăch 10:16

Y-Jêhu lah: “Văch hom ndrel gâp jêh ri uănh nau gâp nsrôih nsram ma Brah Yêhôva.” Pôri khân păng hăn ndrel hao ncho klơ ndeh seh Y-Jêhu.

II Phung Hađăch 9:19

Y-Jôram prơh đŏng du huê tahan ncho seh tal bar tât ma khân păng jêh ri lah: “Hađăch ôp: ‘Nau đăp mpăn lĕ?’” Y-Jêhu plơ̆ sĭt lah: “Đăp mpăn mâu lah mâu ndơ ƀư tât ma may? Rŭch plơ̆ hom pakơi gâp.”

II Phung Hađăch 9:2

Tơlah may tât ta nây, joi hom Y-Jêhu jêng kon Y-Jôsaphat, sau Y-Nimsi. May văch tât jă păng dâk bơh oh nâu păng, jêh ri leo păng lăp tâm trôm jrô ndâp.

Nơm Nti 9:10

Lĕ kan ti may dơi ƀư, ƀư hom lĕ nau ktang may; yorlah tâm ƀon phung khĭt, jêng ntŭk dôl may hăn tât, mâu geh nau kan, nau nchră, nau gĭt rbăng mâu lah jêng nau blau mĭn.

Êsai 54:16

Aơ, Gâp yơh rhăk njêng jêh nơm chiăr, Su sa ônh khôm ŭnh, Ƀư ndơ tâm lơh gay dŏng; Gâp đŏng hŏ rhăk njêng nơm ƀư rai Gay ƀư kan nau ƀư rai.

Daniel 11:44

Ƀiălah nau mhe mham tă mpeh luh nar jêh ri mpeh pa lơ mra ƀư ăn ma hađăch rŭng răng. Păng mra ji nuih ngăn leo tahan hăn ƀư rai jêh ri ƀư rai roh âk bunuyh.

Habakuk 1:6

Aơ, Gâp nsônh phung Kaldê văch hao lơh; Khân păng jêng du phung ƀon lan djơh ngăn mâu djân bu ôh, Phung hăn lăp tâm ăp n'gor bri neh ntu dŭt huy, Gay pit âk ntŭk gŭ mâu di ôh ntŭk khân păng nơm.

Habakuk 3:12

Tâm nau ji nuih, Kôranh Brah nsong ta klơ neh ntu, Tâm nau ji nuih, May jot plên phung ƀon lan.