II Phung Hađăch 9:19 - Nau Brah Ndu Ngơi 2023

¹⁹ Y-Jôram prơh đŏng du huê tahan ncho seh tal bar tât ma khân păng jêh ri lah: “Hađăch ôp: ‘Nau đăp mpăn lĕ?’” Y-Jêhu plơ̆ sĭt lah: “Đăp mpăn mâu lah mâu ndơ ƀư tât ma may? Rŭch plơ̆ hom pakơi gâp.”

II Phung Hađăch 9:19 ပူးပေါင်းရင်းမြစ်များ

II Phung Hađăch 9:11

Y-Jêhu plơ̆ luh hăn ma phung kôranh tahan kôranh păng. Khân păng ôp ma păng: “Lĕ rngôch nau jêng nau đăp mpăn lĕ? Mâm ƀư bunuyh rluk nây văch tât joi may?” Y-Jêhu plơ̆ lah ma khân păng: “Khân may gĭt năl bu klâu nây jêh ri gĭt đŏng lĕ nau păng ngơi jêh.”

II Phung Hađăch 9:17

Bunuyh tahan gŭ gak dôl dâk ta klơ ngih gung Jesrêel, păng saơ phung tahan Y-Jêhu dôl văch tât jêh ri nter huy: “Gâp saơ du phung tahan hăn văch.” Y-Jôram lah ro: “Săch hom du huê tahan ncho seh, prơh hăn tâm mâp đah phung nây jêh ri ăn păng ôp: ‘Nau đăp mpăn lĕ?’”

II Phung Hađăch 9:18

Pôri du huê tahan ncho seh hăn tâm mâp đah Y-Jêhu jêh ri lah: “Hađăch ôp: ‘Nau đăp mpăn lĕ?’” Y-Jêhu plơ̆ lah: “Đăp mpăn mâu lah mâu ndơ ƀư tât ma may? Rŭch plơ̆ hom pakơi gâp.” Bunuyh tahan gŭ gak mbơh: “Nơm mbơh hŏ hăn mâp khân păng jêh, ƀiălah mâu plơ̆ sĭt ôh.”

II Phung Hađăch 9:20

Bunuyh tahan gŭ gak mbơh đŏng: “Bunuyh mbơh hŏ hăn mâp jêh ma khân păng, ƀiălah mâu plơ̆ sĭt ôh. Nơm ƀĭt ndeh seh jêng nâm bu Y-Jêhu, kon Y-Nimsi, yorlah păng ƀĭt ndeh seh ma nau janh hâng.”

Êsai 48:22

Ƀiălah Brah Yêhôva lah: “Mâu geh nau đăp mpăn ôh ma phung ƀai.”