II Phung Hađăch 9:18 - Nau Brah Ndu Ngơi 2023

¹⁸ Pôri du huê tahan ncho seh hăn tâm mâp đah Y-Jêhu jêh ri lah: “Hađăch ôp: ‘Nau đăp mpăn lĕ?’” Y-Jêhu plơ̆ lah: “Đăp mpăn mâu lah mâu ndơ ƀư tât ma may? Rŭch plơ̆ hom pakơi gâp.” Bunuyh tahan gŭ gak mbơh: “Nơm mbơh hŏ hăn mâp khân păng jêh, ƀiălah mâu plơ̆ sĭt ôh.”

II Phung Hađăch 9:18 ပူးပေါင်းရင်းမြစ်များ

II Phung Hađăch 9:17

Bunuyh tahan gŭ gak dôl dâk ta klơ ngih gung Jesrêel, păng saơ phung tahan Y-Jêhu dôl văch tât jêh ri nter huy: “Gâp saơ du phung tahan hăn văch.” Y-Jôram lah ro: “Săch hom du huê tahan ncho seh, prơh hăn tâm mâp đah phung nây jêh ri ăn păng ôp: ‘Nau đăp mpăn lĕ?’”

II Phung Hađăch 9:19

Y-Jôram prơh đŏng du huê tahan ncho seh tal bar tât ma khân păng jêh ri lah: “Hađăch ôp: ‘Nau đăp mpăn lĕ?’” Y-Jêhu plơ̆ sĭt lah: “Đăp mpăn mâu lah mâu ndơ ƀư tât ma may? Rŭch plơ̆ hom pakơi gâp.”

II Phung Hađăch 9:22

Tơlah Y-Jôram lĕ saơ jêh Y-Jêhu, păng ôp: “Hơi Y-Jêhu, nau đăp mpăn lĕ?” Ƀiălah Y-Jêhu plơ̆ lah: “Mâm dơi geh nau đăp mpăn dôl mê̆ may H'Jêsêbel ƀư âk nau ka n'hong jêh ri nau n'hŭm?”

II Phung Hađăch 9:31

Dôl Y-Jêhu lăp mpông ƀon păng ôp: “Hơi Y-Simri, nơm nkhĭt kôranh may nơm! Nau đăp mpăn lĕ?”

Êsai 48:22

Ƀiălah Brah Yêhôva lah: “Mâu geh nau đăp mpăn ôh ma phung ƀai.”

Êsai 59:8

Khân păng mâu mâp gĭt trong nau đăp mpăn ôh, Mâu geh nau sŏng ôh tâm trong khân păng. Khân păng ƀư kue êng lĕ trong khân păng nơm, Mbu nơm nhuat hăn ta nây mâu gĭt nau đăp mpăn ôh!

Yêrêmi 16:5

Brah Yêhôva lah: “Lơi ta lăp tâm trôm ngih geh nau rngot ndrê, lơi ta nhĭm nhhiăng mâu lah bonh leng ma khân păng, yorlah Gâp hŏ sŏk sĭt jêh nau đăp mpăn, nau rŏng nâp jêh ri nuih n'hâm yô̆ nđach du luh bơh phung ƀon lan aơ,” Brah Yêhôva lah pônây.

Samƀŭt Pôl Njuăl Ăn Ma Phung Nsing Ta Ƀon Rôm 3:17

Khân păng mâu mâp gĭt trong nau đăp mpăn ôh.”