II Phung Hađăch 9:17 - Nau Brah Ndu Ngơi 2023

¹⁷ Bunuyh tahan gŭ gak dôl dâk ta klơ ngih gung Jesrêel, păng saơ phung tahan Y-Jêhu dôl văch tât jêh ri nter huy: “Gâp saơ du phung tahan hăn văch.” Y-Jôram lah ro: “Săch hom du huê tahan ncho seh, prơh hăn tâm mâp đah phung nây jêh ri ăn păng ôp: ‘Nau đăp mpăn lĕ?’”

II Phung Hađăch 9:17 ပူးပေါင်းရင်းမြစ်များ

II Samuel 13:34

Nôk nây, Y-Apsalôm nchuăt du. Bunuyh tahan ndăm dôl gŭ gak, n'gơr măt, uănh saơ geh âk bunuyh văch tă bơh trong pakơi păng nơm, êp pŭng yôk.

II Samuel 18:24

Y-Đavit gŭ tâm nklang mpông ƀon. Bi bunuyh tahan gŭ gak hao klơ chor mpông pêr ta klơ mpêr ƀon, tơlah n'gơr măt uănh păng saơ du huê bunuyh nchuăt tât.

I Phung Hađăch 2:15

Păng ngơi: “Nanê̆ ay hŏ gĭt pô aơ ƀon bri hađăch aơ jêng ndơ gâp, jêh ri lĕ rngôch phung Israel gŭ kâp gâp da dê chiă uănh. Ƀiălah ƀon bri hađăch hŏ jêng ndơ oh gâp, yorlah nây jêng nau mĭn ŭch tă bơh Brah Yêhôva.

II Phung Hađăch 7:14

Pônây, khân păng sŏk bar bôk ndeh jêh ri kât seh lăp, jêh nây hađăch prơh khân păng hăn tĭng phung tahan Aram jêh ri lah: “Hăn uănh hom mâm nau!”

II Phung Hađăch 9:11

Y-Jêhu plơ̆ luh hăn ma phung kôranh tahan kôranh păng. Khân păng ôp ma păng: “Lĕ rngôch nau jêng nau đăp mpăn lĕ? Mâm ƀư bunuyh rluk nây văch tât joi may?” Y-Jêhu plơ̆ lah ma khân păng: “Khân may gĭt năl bu klâu nây jêh ri gĭt đŏng lĕ nau păng ngơi jêh.”

II Phung Hađăch 9:16

Pônây Y-Jêhu hao ndeh seh hăn tât ta Jesrêel, yorlah Y-Jôram gŭ săm ta nây. Jêh ri Y-Ahasia, hađăch Yuđa, hăn trŭnh đŏng ta nây gay khâl đah Y-Jôram.

II Phung Hađăch 9:18

Pôri du huê tahan ncho seh hăn tâm mâp đah Y-Jêhu jêh ri lah: “Hađăch ôp: ‘Nau đăp mpăn lĕ?’” Y-Jêhu plơ̆ lah: “Đăp mpăn mâu lah mâu ndơ ƀư tât ma may? Rŭch plơ̆ hom pakơi gâp.” Bunuyh tahan gŭ gak mbơh: “Nơm mbơh hŏ hăn mâp khân păng jêh, ƀiălah mâu plơ̆ sĭt ôh.”

II Phung Hađăch 9:19

Y-Jôram prơh đŏng du huê tahan ncho seh tal bar tât ma khân păng jêh ri lah: “Hađăch ôp: ‘Nau đăp mpăn lĕ?’” Y-Jêhu plơ̆ sĭt lah: “Đăp mpăn mâu lah mâu ndơ ƀư tât ma may? Rŭch plơ̆ hom pakơi gâp.”

Êsai 56:10

Lĕ rngôch phung gak Israel Chieh măt da dê, mâu geh nau gĭt rbăng ôh. Lĕ rngôch khân păng jêng so mlo, Mâu blau groh ôh; Knŏng mbơi, bê̆ch jong Jêh ri rŏng bê̆ch.

Êsai 62:6

Ơ Yêrusalem, ta klơ lĕ mpêr ƀon may, Gâp dơm jêh phung tahan gak; Lĕ măng nâm nar, Khân păng mâu mra gŭ rklăk ôh. Ơ khân may phung ăn Brah Yêhôva kah gĭt, Lơi gŭ rlu ôh,

I Samuel 16:4

Y-Samuel ƀư tĭng nâm nau Brah Yêhôva ntăm jêh ma păng, jêh ri hăn tât ta Ƀêtlêhem. Phung kôranh bu ranh ƀon nây luh hăn tâm mâp ma păng, klach sâr jêh ri ôp: “May văch ma nau đăp mpăn lĕ?”

I Samuel 17:22

Y-Đavit juyh ndô ndơ, jao ma nơm mât prăp ndơ, păng nchuăt ran tât ntŭk dăp tâm lơh, lup nau jô̆ khâl phung nâu păng geh nau ueh lăng săk jăn mâu lah mâu.