II Phung Hađăch 9:11 - Nau Brah Ndu Ngơi 2023

¹¹ Y-Jêhu plơ̆ luh hăn ma phung kôranh tahan kôranh păng. Khân păng ôp ma păng: “Lĕ rngôch nau jêng nau đăp mpăn lĕ? Mâm ƀư bunuyh rluk nây văch tât joi may?” Y-Jêhu plơ̆ lah ma khân păng: “Khân may gĭt năl bu klâu nây jêh ri gĭt đŏng lĕ nau păng ngơi jêh.”

II Phung Hađăch 9:11 ပူးပေါင်းရင်းမြစ်များ

II Phung Hađăch 4:26

Nchuăt hăn ran hom jêh ri ôp păng: ‘Ay geh nau đăp mpăn lĕ? Sai ay jêh ri kon se ay geh nau đăp mpăn lĕ?’” Păng plơ̆ lah: “Đăp mpăn.”

II Phung Hađăch 5:21

Pônây Y-Gêhasi nchuăt tĭng pakơi Y-Naaman. Tơlah Y-Naaman saơ Y-Gêhasi nchuăt tĭng pakơi păng nơm, păng jŭr bơh ndeh seh, gay tâm mâp đah nơm nây, jêh ri ôp: “Lĕ rngôch nau jêng nau đăp mpăn lĕ?”

II Phung Hađăch 9:12

Ƀiălah khân păng lah: “Lơi dĭng mƀruh! Mbơh hom ma hên tăng.” Pônây păng lah: “Bunuyh nây lah ma gâp kơt aơ, kơt ri: ‘Brah Yêhôva lah: Gâp tŏ dak ƀâu kah ma may ƀư hađăch Israel.’”

II Phung Hađăch 9:17

Bunuyh tahan gŭ gak dôl dâk ta klơ ngih gung Jesrêel, păng saơ phung tahan Y-Jêhu dôl văch tât jêh ri nter huy: “Gâp saơ du phung tahan hăn văch.” Y-Jôram lah ro: “Săch hom du huê tahan ncho seh, prơh hăn tâm mâp đah phung nây jêh ri ăn păng ôp: ‘Nau đăp mpăn lĕ?’”

II Phung Hađăch 9:19

Y-Jôram prơh đŏng du huê tahan ncho seh tal bar tât ma khân păng jêh ri lah: “Hađăch ôp: ‘Nau đăp mpăn lĕ?’” Y-Jêhu plơ̆ sĭt lah: “Đăp mpăn mâu lah mâu ndơ ƀư tât ma may? Rŭch plơ̆ hom pakơi gâp.”

II Phung Hađăch 9:2

Tơlah may tât ta nây, joi hom Y-Jêhu jêng kon Y-Jôsaphat, sau Y-Nimsi. May văch tât jă păng dâk bơh oh nâu păng, jêh ri leo păng lăp tâm trôm jrô ndâp.

II Phung Hađăch 9:22

Tơlah Y-Jôram lĕ saơ jêh Y-Jêhu, păng ôp: “Hơi Y-Jêhu, nau đăp mpăn lĕ?” Ƀiălah Y-Jêhu plơ̆ lah: “Mâm dơi geh nau đăp mpăn dôl mê̆ may H'Jêsêbel ƀư âk nau ka n'hong jêh ri nau n'hŭm?”

Êsai 59:15

Nau ngăn mâu hôm, Mbu nơm der đah nau mhĭk njêng păng nơm jêng ndơ bu pit.” Brah Yêhôva hŏ saơ pô aơ Tâm dâng măt Păng, lĕ rngôch mhĭk da dê, mâu geh nau sŏng.

Yêrêmi 29:26

Brah Yêhôva njêng jêh may ƀư kôranh ƀư brah ntrok an ma kôranh ƀư brah Y-Jêhôida gay chiă uănh tâm ngih Brah Yêhôva, jêh ri đă nkông jâng, văn ndrak ta trô ko ma lĕ rngôch phung rluk ntơ êng jêng nơm mbơh lor.

Ndrom Samƀŭt bơh Ôsê 9:7

Lĕ nar tâm rmal lĕ tât jêh, Lĕ nar phat dôih hŏ tât jêh! Israel mra gĭt nau aơ. Nơm mbơh lor jêng du huê rluk, Bunuyh geh brah huêng jêng rluk, Yor nau tih mhĭk may âk ngăn Jêh ri nau ji nuih may toyh ngăn.

Markôs 3:21

Phung tâm ngih Păng tăng nau nây, hăn joi ro gay nkân lơi Păng, yorlah bu lah pô aơ: “Păng hŏ lĕ roh nau mĭn jêh.”

Yôhan 10:20

Âk tâm phung khân păng lah: “Păng geh brah mhĭk lơh, păng brŭt jêh; mâm ƀư khân may gŭ iăt păng?”

Kôranh Oh Mon 17:18

Geh ƀaƀă phung kan tâm nau mĭn tâm bar phung nti Nau Maak jêh ri Nau Dăng tâm nchră đah păng đŏng. Nơm ôp: “Moh nau bunuyh ƀôch ƀôr aơ ŭch lah?” Nơm êng lah: “Tâm ban ma păng mbơh nkoch ma lĕ brah bu năch” — yorlah Y-Pôl mbơh nkoch Nau Mhe Mhan Ueh ma Brah Yêsu jêh ri nau dâk rêh tay.

Kôranh Oh Mon 26:24

Dôl Y-Pôl ngơi kŏh dŏng ma păng nơm pônây, Phêtus ngơi huy pô aơ: “Hơi Y-Pôl, may roh nau mĭn jêh! May nti âk ngăn tât may jêng rluk!”

I Kôrintô 4:10

Hên jêng phung rluk yor ma Brah Krist, bi khân may geh nau blau mĭn tâm Brah Krist. Hên jêng rdja, bi khân may jêng ktang. Bu yơk ma khân may, bi hên bu mưch rmot.

II Kôrintô 5:13

Yorlah tơlah hên nsrôih ngăn, nây jêng yor Brah Ndu; tơlah hên geh nau mĭn ueh, nây jêng yor khân may.