II Phung Hađăch 9:1 - Nau Brah Ndu Ngơi 2023

¹ Nơm mbơh lor Y-Êlisê kuăl du huê tâm phung oh mon phung nơm mbơh lor jêh ri lah: “Vân hom bŭt jêh ri sŏk leo du gri dak ƀâu kah aơ hăn rlet ma ƀon Ramôt-Gilêat.

II Phung Hađăch 9:1 ပူးပေါင်းရင်းမြစ်များ

I Phung Hađăch 1:39

Kôranh ƀư brah Y-Sadôk sŏk nke dơm dak ƀâu kah tă tâm Ngih Bok jêh ri tŏ ta Y-Salômôn. Khân păng uh nŭng, jêh nây lĕ rngôch phung ƀon lan nter lah: “Hađăch Salômôn mro mrăng!”

I Phung Hađăch 18:46

Ti Brah Yêhôva gŭ ta Y-Êli; păng rêt rse bŭt păng jêh ri nchuăt panăp ndeh seh Y-Ahap kŏ tât lăp ta ƀon Jesrêel.

I Phung Hađăch 19:16

may mra tŏ dak ƀâu kah ma Y-Jêhu đŏng, kon bu klâu Y-Nimsi, ƀư hađăch phung Israel; jêh ri may mra tŏ dak ƀâu kah ma Y-Êlisê, kon bu klâu Y-Saphat, ta Abel-Mêhôla, ƀư nơm mbơh lor ntrok ma may.

I Phung Hađăch 20:35

Nôk nây, geh du huê tâm phung nơm mbơh lor, tông nau ntăm Brah Yêhôva, lah đah băl păng nơm: “Gâp dăn ma may, dong hom gâp!” Ƀiălah păng dun mâu ŭch dong.

I Phung Hađăch 22:20

Brah Yêhôva ôp: ‘Mbu mra ndơm Y-Ahap gay ma păng hăn hao tâm lơh đah Ramôt-Gilêat jêh ri cha lôt khĭt ta nây?’ Geh nơm plơ̆ lah pô aơ, geh nơm êng plơ̆ lah nau êng.

I Phung Hađăch 22:4

Jêh nây hađăch lah ma Y-Jôsaphat: “May ŭch hăn ndrel ma gâp gay tâm lơh ƀon Ramôt-Gilêat?” Y-Jôsaphat lah ma hađăch Israel: “Gâp nâm bu may, phung ƀon lan gâp nâm bu phung ƀon lan may, jêh ri seh tâm lơh gâp jêng nâm bu seh tâm lơh may.”

II Phung Hađăch 2:15

Tơlah phung oh mon phung nơm mbơh lor gŭ ta Yêrikô saơ Y-Êlisê bơh ngai jêh ri lah: “Huêng brah Y-Êli gŭ jêh ta Y-Êlisê.” Khân păng hăn chuă vơt păng, chon mon ta neh tanăp măt păng

II Phung Hađăch 2:3

Phung oh mon phung nơm mbơh lor gŭ ta Bêthel hăn tât ôp ma Y-Êlisê: “May gĭt lĕ ma nar aơ Brah Yêhôva mra djôt kôranh may hao bơh may?” Păng plơ̆ lah: “Gâp gĭt nau nây! Khân may gŭ rklăk hom.”

II Phung Hađăch 2:5

Phung oh mon phung nơm mbơh lor gŭ ta Yêrikô hăn văch dăch Y-Êlisê, jêh ri ôp: “May gĭt lĕ ma nar aơ Brah Yêhôva mra djôt kôranh may hao bơh may?” Păng plơ̆ lah: “Gâp gĭt nau nây! Khân may gŭ rklăk hom.”

II Phung Hađăch 2:7

Geh prăm jât nuyh tâm phung oh mon phung nơm mbơh lor hăn ndrel tâm ban lĕ, gŭ râng ngai ƀah, panăp đah ntŭk Y-Êli jêh ri Y-Êlisê dôl dâk êp kơh dak krong Yurdan.

II Phung Hađăch 4:1

Nôk nây, ur du huê tâm phung oh mon phung nơm mbơh lor vơl ma Y-Êlisê: “Sai gâp jêng oh mon may lĕ khĭt jêh, jêh ri may gĭt jêh ma oh mon may klach yơk jêh ma Brah Yêhôva. Aƀaơ aơ, nơm tơm rnon văch gay nhŭp lơi bar hê kon bu klâu gâp gay ƀư dĭk.”

II Phung Hađăch 4:29

Y-Êlisê lah ma Y-Gêhasi: “Vân hom rse bŭt may, djôt leo mâng jra gâp tâm ti jêh ri hăn. Tơlah rŏ trong may mâp bu, lơi mbah; tơlah bu mbah may, lơi plơng tay. May mra dơm mâng jra gâp ta klơ muh măt kon se jê̆.”

II Phung Hađăch 9:4

Pôri bu klâu ndăm jêng nơm mbơh lor ndăm hăn rlet ma ƀon Ramôt-Gilêat.

II Nau Rêh Jêng 22:1

Phung gŭ tâm ƀon Yêrusalem n'hao kon bu klâu mpŏt Y-Jôram jêng Y-Ahasia, hao jêng hađăch chiă uănh thoi mbơ̆ păng; yorlah phung tahan văch ndrel phung Arabi hăn rduh lăp pôih tahan Yuđa nkhĭt lĕ rngôch kon bu klâu ranh lơn păng. Tâm ban pônây, kon bu klâu Y-Jôram jêng Y-Ahasia hao jêng hađăch phung Yuđa.

II Nau Rêh Jêng 22:5

Iăt tĭng nau nchră khân păng, Y-Ahasia ndrel ma Y-Jôram, kon bu klâu Y-Ahap, hađăch Israel, jă phung tahan hăn tât Ramôt-Gilêat, gay tâm lơh đah Y-Hasael, hađăch Aram. Phung Aram ƀư ăn ma Y-Jôram geh nau sôt rmanh.

Yêrêmi 1:17

Ƀiălah du huê kon, vân hom rse bŭt jêh ri gơnh ro ngơi đah khân păng ăp ntil nau Gâp ntăm jêh ăn may. Lơi ta klach krit ôh khân păng klach lah Gâp nơm yơh ƀư ăn may klach krit tanăp măt khân păng.

Mathay 26:7

geh du huê bu ur djôt du rchŏk ma lŭ khlay dơm dak ƀâu kah khlay ngăn văch dăch Păng jêh ri tŏ ta klơ bôk Păng tâm nôk Păng gŭ ta sưng sông.

Nau Vay Nkah Tay 4:1

“Hơi phung Israel, aƀaơ aơ gŭ iăt hom lĕ nau vay dăp jêh ri lĕ nau vay gâp ƀư nti khân may. Djôt prăp hom lĕ nau nây gay ma khân may dơi rêh gay lăp dơn n'gor Yêhôva Brah Ndu phung chô yau khân may ăn ma khân may jêng drăp ndơn.

Nau Vay Nkah Tay 4:3

Măt khân may hŏ saơ jêh nau Brah Yêhôva ƀư jêh đah Baal-Pêôr nôk Yêhôva Brah Ndu ƀư rai jêh bơh nklang khân may lĕ rngôch bunuyh tĭng jêh Baal-Pêôr.

I Pêtrôs 1:13

Pôri, khân may ndrăp lor hom nau mĭn, di keh hom, dơm nau kâp gân tâm nau yô̆ mra ăn ma khân may nôk Brah Yêsu Krist tâm mpơl.

I Samuel 10:1

Y-Samuel sŏk du nông dak ƀâu kah, tŏ ta klơ bôk Y-Sôl, chŭm păng, jêh ri lah: “Mâu di hĕ Brah Yêhôva hŏ tŏ dak ƀâu ma may gay may jêng kôranh chiă uănh dơn drăp ndơ Păng?

I Samuel 16:1

Brah Yêhôva lah ma Y-Samuel: “May nhĭm nhhiăng yor nau Y-Sôl kŏ tât ndah nâm jŏ? Gâp hŏ chalơi jêh păng, mâu hôm ăn păng jêng hađăch phung Israel đŏng ôh. Troch hom dak ƀâu kah ăn bêng nke jêh ri hăn trong. Gâp mra prơh may hăn tâm mâp đah Y-Yêsê, du huê bunuyh ƀon Ƀêtlêhem, yorlah Gâp hŏ săch du huê hađăch tâm phung kon bu klâu păng.”