II Phung Hađăch 8:8 - Nau Brah Ndu Ngơi 2023

⁸ hađăch lah ma Y-Hasael: “Djôt leo hom ndrel ma may ndơ nhhơr jêh ri hăn mâp ma bunuyh Brah Ndu. May mra dăn ma păng ôp ma Brah Yêhôva pô aơ gâp mra dơi bah lĕ nau ji aơ?”

II Phung Hađăch 8:8 ပူးပေါင်းရင်းမြစ်များ

I Phung Hađăch 19:15

Ƀiălah Brah Yêhôva lah ma păng: “Hăn hom tĭng nâm trong tâm bri rdah hăn tât ta Damas. Tơlah may tât ta ntŭk nây, may mra tŏ dak ƀâu kah ma Y-Hasael jêng hađăch n'gor Aram;

I Phung Hađăch 19:17

Mbu nơm klaih bơh đao Y-Hasael, Y-Jêhu mra nkhĭt păng, mbu nơm klaih bơh đao Y-Jêhu, Y-Êlisê mra nkhĭt păng.

II Phung Hađăch 1:16

Păng lah ma hađăch: “Brah Yêhôva lah kơt aơ: ‘Di lĕ tâm phung Israel mâu geh hĕ Brah Ndu gay ôp, mâm ƀư may prơh phung mbơh hăn ôp ma Baal-Sêbup, brah ƀon Êkron? Yor ri, may mâu mra dâk ôh tă bơh sưng may bê̆ch nây, yorlah may nanê̆ ngăn mra khĭt.’”

II Phung Hađăch 1:2

Hađăch Ahasia tŭp tă bơh jrô păng prêh ta klơ tâm ƀon Samari, jêh ri yor ma nây n'ho ma ji. Hađăch prơh phung mbơh hăn jêh ri ntĭnh pô aơ: “Hăn ôp hom ma Baal-Sêbup, brah ƀon Êkron, gĭt lah năl ma gâp mra bah hĕ nau ji aơ?”

II Phung Hađăch 1:6

Khân păng plơ̆ lah: “Geh du huê bunuyh hăn hao, tâm mâp đah hên jêh ri lah: ‘Plơ̆ sĭt hom ma hađăch nơm hŏ prơh khân may hăn jêh ri lah ma hađăch pô aơ Brah Yêhôva lah: Tâm phung Israel mâu hĕ geh Brah Ndu kŏ tât may prơh nơm mbơh hăn ôp ma Baal-Sêbup, brah ƀon Êkron? Yor ri, may mâu mra dâk ôh tă bơh sưng may bê̆ch nây, ƀiălah nanê̆ ngăn may mra khĭt.’”

II Phung Hađăch 5:5

Hađăch Aram lah: “Pôri may hăn hom, gâp mra njuăl samƀŭt ma hađăch Israel.” Pônây, Y-Naaman hăn, djôt leo ndrel păng pe rhiăng kilô prăk, prao rbăn prăk mah, jêh ri jât gu kho ao.

Luka 13:23

Geh du huê lah ma Păng: “Ơ Kôranh Brah, di lĕ knŏng geh djê̆ bunuyh dơi rklaih dơm ƀơh?”

Kôranh Oh Mon 16:30

Jêh nây păng ăn phung nây du luh jêh ri ôp: “Hơi phung kôranh, mâm gâp mra ƀư gay dơi tâm rklaih?”

I Samuel 9:7

Y-Sôl lah ma oh mon păng: “Di ngăn, ƀiălah tơlah he hăn ta nây, moh ndơ he mra djôt leo ma păng? Yorlah piăng let tâm dŭng he hŏ lĕ jêh, jêh ri he mâu hôm geh du ndơ nhhơr gay djôt leo ma bunuyh Brah Ndu! Moh he geh?”