II Phung Hađăch 8:5 - Nau Brah Ndu Ngơi 2023

⁵ Y-Gêhasi dôl nkoch bri ma hađăch tĭng mâm nau Y-Êlisê hŏ ƀư ăn ma bunuyh khĭt dâk rêh tay, ri, bu ur geh kon bu klâu Y-Êlisê hŏ ƀư dâk rêh tay, văch tât vơl dăn ma hađăch ma nau ngih jêh ri tâm lŏ sre păng. Y-Gêhasi lah ro: “Hơi hađăch jêng kôranh gâp! Aơ jêng du huê bu ur nây, jêh ri aơ jêng kon bu klâu păng Y-Êlisê hŏ ƀư ăn dâk rêh tay.”

II Phung Hađăch 8:5 ပူးပေါင်းရင်းမြစ်များ

I Phung Hađăch 20:1

Hađăch n'gor Aram jêng Y-Ben-Hadat rgum ndrel lĕ rngôch phung tahan păng. Hađăch ndrel ma pe jât ma bar hađăch êng, geh âk seh jêh ri ndeh seh, hăn hao nchueng jŭm jêh ri rduh lơh Samari.

II Phung Hađăch 4:12

Păng lah ma Y-Gêhasi, oh mon păng: “Kuăl hom bu ur ƀon Sunem văch ta aơ.” Y-Gêhasi hăn kuăl păng, jêh ri păng hăn tât dâk tanăp Y-Êlisê.

II Phung Hađăch 4:35

Y-Êlisê chuat jŭr, hăn rsong dâng lơ tâm trôm jrô; jêh nây hao đŏng klơ sưng bê̆ch, dop klơ kon se jê̆ du tơ̆ đŏng. Nglĕ dŭt, kon se jê̆ si đah pơh tơ̆, jêh ri păng lin măt.

II Phung Hađăch 6:12

Du huê tâm phung oh mon păng lah: “Hơi hađăch jêng kôranh gâp, mâu geh tâm hên ôh. Ƀiălah Y-Êlisê, nơm mbơh lor phung Israel, ăn ma hađăch Israel gĭt lĕ nau may ngơi tâm jrô may bê̆ch.”

II Phung Hađăch 6:26

Dôl hađăch Israel hăn rgăn ta klơ mpêr ƀon, geh du huê bu ur nter ma păng: “Hơi hađăch jêng kôranh gâp, dăn kơl an gâp!”

II Phung Hađăch 8:6

Hađăch ôp ma bu ur, jêh ri păng nkoch bri lĕ nau nây ma hađăch tăng. Jêh nây, hađăch nchŏng ma du huê kôranh tâm ngih hađăch nkra nau păng vơl dăn, jêh ri ntĭnh pô aơ: “Kơl hom bu ur nây sŏk tay lĕ rngôch drăp ndơ păng, ndrel ma lĕ kao play tâm lŏ sre, ntơm bơh nar păng du luh bơh n'gor tât ta nar aơ.”

Êsther 5:14

Ur păng jêng H'Sêres jêh ri phung mĭt jiăng păng lah ma păng: “Ăn bu ƀư tơm si yông trô ko prêh bar jât ma prăm met, jêh ri ôi taơ, dăn hom hađăch ăn yông trô ko Y-Môrdêkai ta nây. Jêh nây may răm maak hăn râng nau sông sa ndrel hađăch.” Nau nchră nây ƀư maak ma Y-Haman, jêh ri păng ăn bu ƀư tơm si yông trô ko.

Nau Mprơ Ơm 145:1

Ơ Brah Ndu jêng Hađăch gâp, gâp mra yơk tâm rnê ma May, Mât ton ma amoh May tât ƀaƀơ n'ho ro.

Nau Hôr 16:9

Kon bunuyh ŭch mĭn trong păng, Ƀiălah Brah Yêhôva ntĭm leo lĕ nhuat păng.

Nơm Nti 9:11

Gâp saơ tay tâm dâng nar: Mâu di lĕ ngăch jâng jêng blau nchuăt, Suan ktang jêng dơi nau tâm lơh, Ăt mâu di lĕ blau mĭn jêng hơm tŏng, Gĭt rbăng jêng ndrŏng kuăng, Jêh ri blau ngăn jêng nau yô̆; Yorlah mông găl jêh ri nau ƀŭn lap tât da dê ăn ma lĕ rngôch bunuyh.

Samƀŭt Pôl Njuăl Ăn Ma Phung Nsing Ta Ƀon Rôm 8:31

Pôri, moh nau he mra lah ma lĕ nau nây? Tơlah Brah Ndu gŭ mpeh ma he, mbu mra tâm rdâng đah he?

Bu ur Rut 2:3

Pônây H'Rut hăn. Păng tât jêh ri mban ba tâm mir tĭng pakơi phung rek. Păng lap ngăn hăn di ta lôk mir Y-Bôas, nơm jêng ndŭl mpôl Y-Êlimêlek.

I Samuel 26:17

Y-Sôl gĭt năl bâr Y-Đavit, jêh ri ôp: “Hơi Y-Đavit, kon gâp, di lĕ aơ bâr may?” Y-Đavit ơh: “Hơi hađăch, kôranh gâp, di ngăn jêng bâr gâp.”