II Phung Hađăch 8:4 - Nau Brah Ndu Ngơi 2023

⁴ Nôk nây, hađăch dôl ngơi ndrel đah Y-Gêhasi, oh mon bunuyh Brah Ndu. Hađăch lah: “Nkoch bri hom ma gâp tăng lĕ rngôch nau kan toyh Y-Êlisê ƀư jêh.”

II Phung Hađăch 8:4 ပူးပေါင်းရင်းမြစ်များ

II Phung Hađăch 2:14

Pôri păng sŏk du mlâm ao jâr tŭp jêh bơh Y-Êli, dong ta klơ n'ha dak jêh ri lah: “Ta ntŭk Yêhôva Brah Ndu Y-Êli?” Tơlah Y-Êlisê hŏ dong ta klơ n'ha dak jêh tâm ban Y-Êli, dak tâm pă rnglah bar đah ding, jêh nây Y-Êlisê hăn rgăn.

II Phung Hađăch 2:24

Păng n'gĭl uănh pakơi jêh ri sŏk amoh Brah Yêhôva gay rak rtăp khân păng. Ta nây ro geh bar mlâm kau me luh tă bơh tâm krŏng, kăp nkhêk puăn jât ma bar nuyh tâm phung kon se ndăm nây.

II Phung Hađăch 4:12

Păng lah ma Y-Gêhasi, oh mon păng: “Kuăl hom bu ur ƀon Sunem văch ta aơ.” Y-Gêhasi hăn kuăl păng, jêh ri păng hăn tât dâk tanăp Y-Êlisê.

II Phung Hađăch 4:25

Pônây, bu ur nây hăn trong văch ma bunuyh Brah Ndu ta klơ yôk Karmel. Bunuyh Brah Ndu saơ păng ntơm bơh ngai, păng lah ma Y-Gêhasi, oh mon păng: “Ri, bu ur ƀon Sunem văch tât!

II Phung Hađăch 5:14

Pônây, păng ntrŭnh tâm dak krong Yurdan, ŭm pơh tơ̆, tĭng nâm nau bunuyh Brah Ndu ngơi jêh. Păng jêng kloh ro jêh ri nglay săk păng plơ̆ tay nâm bu saơm, nâm bu nglay săk du huê kon se jê̆.

II Phung Hađăch 6:32

Tâm nôk Y-Êlisê dôl gŭ tâm ngih păng nơm nđâp ma phung kôranh bu ranh. Hađăch prơh du huê bunuyh tâm phung oh mon hăn joi păng. Ƀiălah êlor bunuyh mbơh nây tât, Y-Êlisê lah ma phung kôranh bu ranh: “Khân may saơ lĕ nơm nkhĭt bunuyh nây prơh bunuyh hăn tât gay koh trô ko gâp? Uănh hom, tơlah nơm mbơh văch tât, nchăng mpông hom jêh ri kuăn ăn nâp mpông, lơi ăn păng lăp ôh. Mâu di hĕ khân may mâu tăng nteh nhuat jâng kôranh păng groi pakơi păng?”

II Phung Hađăch 6:6

Bunuyh Brah Ndu lah: “Mbah ntŭk păng tŭp?” Păng nchŏng ntŭk sung nây tŭp. Y-Êlisê koh du gâl tơm si mƀăr tŭp ntŭk nây, ƀư ma măt sung nđông klơ.

II Phung Hađăch 7:1

Y-Êlisê lah: “Iăt hom nau Brah Yêhôva! Brah Yêhôva lah kơt aơ: ‘Nar ôi taơ, di mông aơ, ta mpông ƀon Samari, pơh lit rnih môi bu mra tăch jât ma nguay gram prăk, jêh ri jât ma puăn lit ba ôrgơ mra tăch jât ma nguay gram prăk.’”

II Phung Hađăch 7:10

Khân păng hăn ro, kuăl phung tahan gak mpông ƀon, jêh ri mbơh nau nây: “Hên geh hăn tât ta pôih tahan phung Aram, mâu saơ du huê gŭ ta nây jêh ri ăt mâu tăng nteh n'găr lĕ. Hên knŏng saơ phung seh jêh ri seh bri hôm kât ta n'gâng, bi lĕ ngih bok chalơi ăt hôm nâm bu saơm.”

II Phung Hađăch 7:3

Nôk nây, ta ntŭk lăp mpông ƀon geh puăn nuyh phŭng sa. Khân păng lah ndrăng khân păng: “Mâm ƀư he gŭ ta aơ kâp khĭt?

II Phung Hađăch 8:3

Lôch pơh năm, bu ur nây plơ̆ sĭt tă bơh neh Philistin. Păng hăn vơl dăn ma hađăch yor ma ngih jêh ri lŏ sre păng nơm.

Mathay 2:8

Jêh nây hađăch đă khân păng hăn ta ƀon Ƀêtlêhem jêh ri păng ntĭnh ma khân păng: “Hăn hom jêh ri ôp joi nanê̆ ngăn ma kon se jê̆ nây; tơlah saơ Păng, mbơh ăn ma gâp gĭt gay gâp hăn yơk mbah ma Păng tâm ban lĕ.”

Luka 23:8

Hêrôt saơ Brah Yêsu, păng răm ngăn, yor bơh jŏ jêh păng tăng jêh nau bu nkoch bri ma Păng jêh ri ŭch tâm mâp Păng, păng kâp gân mra uănh Păng ƀư nau mbên khlay.

Luka 9:9

Hêrôt lah: “Gâp hŏ koh jêh trô ko Y-Yôhan jêh, pôri mbu nơm bunuyh aơ, tâm păng gâp geh tăng lư âk nau kơt nĕ?” Hađăch joi nau ŭch tâm mâp Brah Yêsu.

Yôhan 9:27

Păng plơ̆ lah: “Gâp lah jêh ma khân may, ƀiălah khân may mâu ŭch iăt ôh. Mâm ƀư khân may ŭch iăt đŏng? Di lĕ khân may ŭch jêng oh mon păng?”

Kôranh Oh Mon 24:24

Bar pe nar pakơi, Phêlik hăn ndrel ma ur păng jêng H'Drusil, bunuyh Yuđa, văch jêh ri đă bu kuăl Y-Pôl gay iăt nau păng lah ma nau chroh tâm Brah Yêsu Krist.