II Phung Hađăch 8:28 - Nau Brah Ndu Ngơi 2023

²⁸ Păng hăn ndrel ma Y-Jôram, kon bu klâu Y-Ahap, gay tâm lơh đah Y-Hasael, hađăch Aram, ta Ramôt-Gilêat. Ƀiălah phung tahan Aram ƀư sôt rmanh Y-Jôram.

II Phung Hađăch 8:28 ပူးပေါင်းရင်းမြစ်များ

I Phung Hađăch 19:17

Mbu nơm klaih bơh đao Y-Hasael, Y-Jêhu mra nkhĭt păng, mbu nơm klaih bơh đao Y-Jêhu, Y-Êlisê mra nkhĭt păng.

I Phung Hađăch 22:29

Pônây, hađăch Israel ndrel ma Y-Jôsaphat, hađăch Yuđa hăn lơh ma ƀon Ramôt-Gilêat.

I Phung Hađăch 4:13

Y-Ben-Gêber chiă uănh n'gor Ramôt Gilêat, kơp lĕ ƀon jê̆ Y-Jar (Y-Jar jêng kon Y-Manasê) tâm nkual Gilêat, păng chiă uănh đŏng n'gor Argôp tâm Basan, geh prao jât rplay ƀon toyh geh mpêr ƀon jêh ri mâng nđăng mpông ma kông;

II Phung Hađăch 3:7

Păng prơh đŏng phung mbơh hăn ma Y-Jôsaphat, hađăch Yuđa, pô aơ: “Hađăch Môap hŏ dâk tâm rdâng jêh đah gâp, may ŭch ndrel ma gâp hăn tâm lơh đah phung Môap lĕ?” Y-Jôsaphat plơ̆ lah: “Gâp mra hăn. Gâp jêng nâm bu may, phung ƀon lan gâp jêng nâm bu phung ƀon lan may, seh tâm lơh gâp jêng nâm bu seh tâm lơh may lĕ.”

II Phung Hađăch 8:15

Ƀiălah ôi taơ, Y-Hasael sŏk phôi mbŭk ma dak jêh ri nkŭm ta muh măt Y-Ben-Hadat kŏ tât hađăch khĭt. Jêh nây Y-Hasael chiă uănh thoi ntrok păng.

II Phung Hađăch 8:29

Pônây, hađăch Jôram plơ̆ sĭt ta Jesrêel gay săm lĕ sôt rmanh phung tahan Aram ƀư ma păng ta Rama, rnôk păng tâm lơh đah Y-Hasael, hađăch Aram. Y-Ahasia kon bu klâu Y-Jôram, hađăch Yuđa hăn jŭr ta Jesrêel gay khâl Y-Jôram, kon Y-Ahap, dôl hôm păm nau ji ta nây.

II Phung Hađăch 9:1

Nơm mbơh lor Y-Êlisê kuăl du huê tâm phung oh mon phung nơm mbơh lor jêh ri lah: “Vân hom bŭt jêh ri sŏk leo du gri dak ƀâu kah aơ hăn rlet ma ƀon Ramôt-Gilêat.

II Phung Hađăch 9:14

Pônây yơh, Y-Jêhu kon Y-Jôsaphat, sau Y-Nimsi, tâm chră rdâng đah Y-Jôram. Nôk nây, Y-Jôram jêh ri lĕ rngôch tahan Israel gŭ king n'gang Ramôt-Gilêat tâm rdâng đah Y-Hasael, hađăch Aram.

II Phung Hađăch 9:15

Ƀiălah hađăch Jôram hŏ plơ̆ sĭt jêh ma Jesrêel gay săm lĕ ntŭk sôt phung Aram hŏ lơh jêh tâm nôk păng tâm lơh đah Y-Hasael, hađăch Aram. Y-Jêhu lah: “Tơlah khân may ŭch, lơi ăn du huê klaih bơh ƀon gay hăn mbơh nau mhe aơ tâm Jesrêel.”

II Phung Hađăch 9:16

Pônây Y-Jêhu hao ndeh seh hăn tât ta Jesrêel, yorlah Y-Jôram gŭ săm ta nây. Jêh ri Y-Ahasia, hađăch Yuđa, hăn trŭnh đŏng ta nây gay khâl đah Y-Jôram.

II Nau Rêh Jêng 18:31

Lah phung kôranh tahan ƀĭt ndeh seh saơ Y-Jôsaphat, khân păng lah: “Aơ jêng hađăch Israel!” Khân păng plơ̆ ro hăn lơh hađăch. Y-Jôsaphat kuăl rklaih jêh ri Brah Yêhôva rklaih păng. Brah Ndu ƀư ăn phung rlăng du tă bơh păng,

II Nau Rêh Jêng 19:2

Nơm geh nau tâm saơ Y-Jêhu, kon Y-Hanani, hăn tâm mâp đah Y-Jôsaphat jêh ri lah: “Di lĕ may hŏ kơl nơm djơh mhĭk jêh ri rŏng ma phung tâm rmot Brah Yêhôva? Yor nau nây, nau Brah Yêhôva ji nuih tât ma may.

II Nau Rêh Jêng 22:5

Iăt tĭng nau nchră khân păng, Y-Ahasia ndrel ma Y-Jôram, kon bu klâu Y-Ahap, hađăch Israel, jă phung tahan hăn tât Ramôt-Gilêat, gay tâm lơh đah Y-Hasael, hađăch Aram. Phung Aram ƀư ăn ma Y-Jôram geh nau sôt rmanh.

Yôsuê 20:8

N'gor đah ri dak krong Yurdan, mpeh luh nar ƀon Yêrikô, khân păng ntĭm ƀon Bêser tâm bri rdah, tâm neh lâng klơ dor tâm ndŭl mpôl Ruben, ƀon Ramôt tâm bri Gilêat, tâm ndŭl mpôl Gat jêh ri ƀon Gôlan tâm bri Basan, tâm ndŭl mpôl Manasê.

Yôsuê 21:38

Bu sŏk đŏng bơh ndŭl mpôl Gat lĕ ƀon Ramôt tâm bri Gilêat, jêng ƀon du krap prăp ma nơm lăn lêh ti nkhĭt bunuyh, jêh ri lĕ ndrêch gơ̆ gŭ văr jŭm păng; ƀon Mahanaim jêh ri lĕ ndrêch gơ̆ gŭ văr jŭm păng;