II Phung Hađăch 8:16 - Nau Brah Ndu Ngơi 2023

¹⁶ Năm rơh prăm rnôk rô̆ Y-Jôram chiă uănh, kon Y-Ahap, hađăch Israel, tơlah Y-Jôsaphat hôm ƀư hađăch Yuđa, Y-Jôram kon Y-Jôsaphat, ntơm chiă uănh.

II Phung Hađăch 8:16 ပူးပေါင်းရင်းမြစ်များ

I Phung Hađăch 22:42

Y-Jôsaphat gŭ ta sưng hađăch tâm pe jât ma prăm năm jêh ri păng chiă uănh bar jât ma prăm năm ta Yêrusalem. Mê̆ hađăch amoh H'Asuba, kon bu ur Y-Sihi.

I Phung Hađăch 22:44

Ƀiălah hađăch mâu ƀư rai ôh lĕ ntŭk prêh klơ, phung ƀon lan ăt hôm nhhơr mpa ƀư brah jêh ri su n'hôl ƀâu kah ta ntŭk prêh klơ nây.

I Phung Hađăch 22:50

Y-Ahasia, kon Y-Ahap, lah ma Y-Jôsaphat: “Ăn phung oh mon gâp hăn tâm kumpăn ndrel ma phung oh mon may.” Ƀiălah Y-Jôsaphat mâu rom ôh.

I Phung Hađăch 22:51

Y-Jôsaphat khĭt hăn gŭ n'hanh phung chô yau jêh ri bu tâp păng ndrel ma phung chô yau păng tâm ƀon Đavit. Y-Jôram, kon bu klâu păng, gŭ ta sưng hađăch chiă uănh ntrok păng.

II Phung Hađăch 1:17

Pônây, Y-Ahasia khĭt di nâm nau Brah Yêhôva hŏ dŏng jêh ma bâr mbung Y-Êli gay mbơh. Yorlah Y-Ahasia mâu geh ôh kon bu klâu, pôri Y-Jôram gŭ ta sưng hađăch chiă uănh thoi ntrok păng ta năm tal bar Y-Jôram, kon Y-Jôsaphat, hađăch Yuđa.

II Phung Hađăch 11:2

Ƀiălah H'Jôsêba, kon bu ur hađăch Jôram jêh ri jêng ruh Y-Ahasia, nhŭp rdu Y-Jôas, kon Y-Ahasia, tă bơh phung kon bu klâu hađăch, bu ŭch nkhĭt, jêh nây rdu pôn păng tâm jrô bê̆ch ndrel ma bunuyh sâm mpu. Pônây bu hŏ pôn Y-Jôas ndâp măt H'Athali, jêh ri bu mâu dơi nkhĭt ôh păng.

II Phung Hađăch 3:1

Tâm năm rơh jât ma pham rnôk rô̆ Y-Jôsaphat, hađăch Yuđa chiă uănh, Y-Jôram, kon Y-Ahap, hao ƀư hađăch Israel ta Samari jêh ri chiă uănh tâm jât ma bar năm.

II Phung Hađăch 8:25

Tâm năm rơh jât ma bar, rnôk rô̆ Y-Jôram chiă uănh, kon bu klâu Y-Ahap, hađăch Israel, Y-Ahasia kon bu klâu Y-Jôram hađăch Yuđa, ntơm chiă uănh.

II Nau Rêh Jêng 22:1

Phung gŭ tâm ƀon Yêrusalem n'hao kon bu klâu mpŏt Y-Jôram jêng Y-Ahasia, hao jêng hađăch chiă uănh thoi mbơ̆ păng; yorlah phung tahan văch ndrel phung Arabi hăn rduh lăp pôih tahan Yuđa nkhĭt lĕ rngôch kon bu klâu ranh lơn păng. Tâm ban pônây, kon bu klâu Y-Jôram jêng Y-Ahasia hao jêng hađăch phung Yuđa.