II Phung Hađăch 8:13 - Nau Brah Ndu Ngơi 2023

¹³ Y-Hasael ôp: “Ƀiălah mbu nơm oh mon may jêng, gâp jêng du mlâm kon so dơm, mâm dĭng gâp dơi ƀư lĕ kan toyh nây?” Y-Êlisê plơ̆ lah: “Brah Yêhôva hŏ tâm mpơl jêh ma gâp ma may mra jêng hađăch Aram.”

II Phung Hađăch 8:13 ပူးပေါင်းရင်းမြစ်များ

II Samuel 9:8

Y-Mêphibôset chon mon mbah, jêh ri lah: “Gâp mâu ueh rlau lơn ma du mlâm kon so hŏ khĭt. Ơ hađăch, mâm dĭng may ƀư ueh đah gâp?”

I Phung Hađăch 19:15

Ƀiălah Brah Yêhôva lah ma păng: “Hăn hom tĭng nâm trong tâm bri rdah hăn tât ta Damas. Tơlah may tât ta ntŭk nây, may mra tŏ dak ƀâu kah ma Y-Hasael jêng hađăch n'gor Aram;

II Phung Hađăch 13:22

Y-Hasael, hađăch Aram, tŭn jot phung Israel tâm bông Y-Jôacha chiă uănh.

II Phung Hađăch 8:10

Y-Êlisê plơ̆ lah: “Hăn hom lah ma păng: ‘Nanê̆ hađăch mra dơi bah nau ji.’ Ƀiălah, Brah Yêhôva hŏ tâm mpơl ma gâp pô aơ nanê̆ păng mra khĭt.”

Nau Mprơ Ơm 22:16

Yorlah phung so gŭ jŭm gâp, Du phung janh ƀai nchueng jŭm gâp; Khân păng ntâp bluh ti jêh ri jâng gâp.

Nau Mprơ Ơm 22:20

Dăn rklaih huêng gâp bơh ma đao, Jêh ri nau rêh gâp bơh phung so.

Yêrêmi 17:9

Nuih n'hâm bu jêng mƀruh nchơt lơn ma lĕ ntil mpô mpa, Jêh ri jêng nau djơh mhĭk ngăn. Mbu nơm dơi gĭt?

Mika 2:1

Rêh ni ngăn ma phung nchră ŭch ƀư nau mhĭk Jêh ri mĭn ŭch ƀư nau tih gŭ ta klơ gre bê̆ch păng! Tât ang ôi, khân păng ƀư ro nau ŭch mĭn Yorlah khân păng geh nau dơi ƀư tâm ti!

Mathay 7:6

“Lơi ăn ndơ kloh ma so ôh, mâu lĕ mƀăr lŭ rmah khlay ma sŭr, klach lah khân păng jot plên tâm dâng jâng, jêh ri plơ̆ kăp hêk khân may.

Philip 3:2

Uănh njrăng hom ma phung so, uănh njrăng hom ma phung pah kan djơh mhĭk, uănh njrăng hom ma phung dơn nau koh ntâu nklă!

Nau Tâm Mpơl 22:15

Phung so, phung ƀư nau blau rƀên, phung văng tĭr, phung nkhĭt bunuyh, phung mbah rup brah, jêh ri lĕ rngôch phung rŏng jêh ri ƀư nau mƀruh gŭ padih da dê.

I Samuel 17:43

Bu klâu Philistin lah ma Y-Đavit: “Gâp mâu jêng nâm bu so, dĭng may djôt mâng jra văch ma gâp?” Jêh nây bu klâu Philistin rak rtăp ma Y-Đavit ma amoh phung brah păng,