II Phung Hađăch 8:10 - Nau Brah Ndu Ngơi 2023

¹⁰ Y-Êlisê plơ̆ lah: “Hăn hom lah ma păng: ‘Nanê̆ hađăch mra dơi bah nau ji.’ Ƀiălah, Brah Yêhôva hŏ tâm mpơl ma gâp pô aơ nanê̆ păng mra khĭt.”

II Phung Hađăch 8:10 ပူးပေါင်းရင်းမြစ်များ

Nau Ntơm 2:17

ƀiălah play tơm si gĭt nau ueh jêh ri nau mhĭk, may mâu dơi ôh sa, yorlah moh nar may sa play tơm si nây, nanê̆ may mra khĭt.”

Nau Ntơm 41:39

Pharaôn lah ma Y-Yôsep: “Yorlah Brah Ndu tâm mpơl jêh ma may gĭt lĕ nau aơ, mâu geh ôh du huê blau mĭn săr lah nâm bu may.

I Phung Hađăch 22:15

Tơlah Y-Mika lĕ tât jêh, hađăch ôp ma păng: “Ơ Y-Mika, he hăn tâm lơh đah Ramôt-Gilêat, mâu lah mâu lơi hăn?” Y-Mika plơ̆ lah: “Hăn hom, hađăch mra dơi. Brah Yêhôva mra jao ƀon nây tâm ti hađăch.”

II Phung Hađăch 1:16

Păng lah ma hađăch: “Brah Yêhôva lah kơt aơ: ‘Di lĕ tâm phung Israel mâu geh hĕ Brah Ndu gay ôp, mâm ƀư may prơh phung mbơh hăn ôp ma Baal-Sêbup, brah ƀon Êkron? Yor ri, may mâu mra dâk ôh tă bơh sưng may bê̆ch nây, yorlah may nanê̆ ngăn mra khĭt.’”

II Phung Hađăch 1:4

Yor ri, Brah Yêhôva lah kơt aơ: ‘May mâu mra dâk ôh tă bơh sưng may bê̆ch nây, ƀiălah nanê̆ ngăn may mra khĭt.’” Y-Êli tông bâr jêh ri dâk hăn luh.

Yêrêmi 38:21

Ƀiălah tơlah may mâu ŭch hăn ran nta săk ôh aơ jêng nau Brah Yêhôva mpơl ăn ma gâp:

Êsêkiêl 11:25

Rnôk nây gâp nkoch tay ma phung bu mprơh du jêng bu nă lĕ rngôch nau Brah Yêhôva mpơl jêh ma gâp.

Êsêkiêl 18:13

ăn manh gay sa kao jêh ri n'hao prăk sa kao, pôri du huê kon nây mra dơi rêh lĕ? Mâu, păng mâu mra rêh ôh! Yorlah păng ƀư jêh lĕ rngôch nau ƀơ̆; n'hêl nanê̆ păng mra khĭt jêh ri mham păng mra nkhŭt ta klơ păng nơm.

Amôt 3:7

Tâm ban lĕ, Kôranh Brah Yêhôva mâu mo du ntil nau ôh Mbơh lĕ nau ndâp Păng Ma phung oh mon Păng jêng phung nơm mbơh lor.

Amôt 7:1

Aơ jêng nau Brah Yêhôva tâm mpơl jêh ma gâp: Aơ, Păng njêng krah nsăt tâm dôl gơ̆ ntơm hon nse tay, nây jêng gơ̆ chăt tay jêh hađăch ăn bu koh gơ̆.

Amôt 7:4

Kôranh Brah Yêhôva tâm mpơl ma gâp pô aơ: Aơ, Kôranh Brah Yêhôva njuăl nau phat dôih ma ŭnh; păng ƀư suăt kro ntu jru jêh ri sa rvăn lĕ neh.

Amôt 7:7

Păng tâm mpơl jêh ma gâp: Aơ, Kôranh Brah dâk ta meng mpir ndâk sŏng jêh ri ta ti Păng djôt du mlâm rse dak ndrak.

Amôt 8:1

Aơ jêng nau Kôranh Brah Yêhôva tâm mpơl ma gâp saơ: Du bĭ play tơm si yan ta vai.

Sakari 1:20

Jêh nây, Brah Yêhôva mpơl ma gâp saơ puăn nuyh blau chiăr.

Nau Tâm Mpơl 22:1

Nôk nây tông mpăr ntĭm ma gâp saơ dak krong nau rêh, rsang nâm bu lŭ ang, luh bơh sưng hađăch Brah Ndu jêh ri sưng hađăch Kon Biăp,