II Phung Hađăch 8:1 - Nau Brah Ndu Ngơi 2023

¹ Rnôk nây, Y-Êlisê lah jêh ma bu ur geh kon bu klâu păng hŏ ƀư dâk rêh tay: “Dâk hăn hom, ndrel ma bunuyh ngih vâl ay, jêh ri gŭ njơh ta ntŭk ay dơi, yorlah Brah Yêhôva ƀư ăn nau ji ngot toyh tât geh tâm n'gor, jêh ri mra jŏ jong kŏ tât pơh năm.”

II Phung Hađăch 8:1 ပူးပေါင်းရင်းမြစ်များ

Nau Ntơm 12:10

Rnôk nây geh nau sa sât ji ngot tâm n'gor. Y-Abram hăn jŭr tât n'gor Êjipt gŭ njưh ta nây, yorlah nau sa sât ji ngot toyh ngăn.

Nau Ntơm 26:1

Nau hŏ tât jêh ji ngot tâm rnôk rô̆ Y-Abraham, aƀaơ tâm n'gor nây geh tay nau ji ngot đŏng. Yor ri, Y-Isăk hăn ta Gêrar, mâp Y-Abimêlek, hađăch phung Philistin.

Nau Ntơm 41:25

Y-Yôsep lah ma Pharaôn: “Bar nau may mbơi geh du nau rblang. Brah Ndu hŏ tâm mpơl jêh ma may gĭt lor lĕ kan Păng mra ƀư.

Nau Ntơm 41:32

Nau mbơi hađăch rkê̆ch tay bar tơ̆, nau nây Brah Ndu hŏ ƀư ăn nanê̆ jêh, jêh ri Păng mra ăn nau nây tât gơnh.

Nau Ntơm 41:54

pơh năm nau sa sât ji ngot ntơm yơh, di ngăn nâm nau Y-Yôsep hŏ lah jêh. Lĕ rngôch n'gor êng geh nau ji ngot da dê, ƀiălah tâm lam n'gor Êjipt geh ndơ sông sa.

Nau Ntơm 47:4

Jêh nây ngơi tay: “Hên tât gay gŭ njưh tâm n'gor aơ, yorlah ta Kanaan mâu hôm geh ôh mir gơ̆ ma mpô mpa jêh ri nau sa sât ji ngot jêng lơ hô lơn. Pôri, dăn ma hađăch ăn phung oh mon may gŭ tâm n'gor Gôsen.”

II Samuel 21:1

Dôl rnôk rô̆ Y-Đavit, geh nau ji ngot jŏ jong tâm pe năm. Yor ri, Y-Đavit joi muh măt Brah Yêhôva. Brah Yêhôva plơ̆ lah: “Nau aơ dơi tât yorlah Y-Sôl jêh ri phung ngih păng geh nau ƀư tih nkhŭt mham, tơlah păng nkhĭt jêh phung Gibêôn.”

II Samuel 24:13

Y-Gat hăn văch ma Y-Đavit, mbơh ma hađăch lĕ nau nây jêh ri lah: “Moh nau hađăch săch: Mâu lah pơh năm nau sa sât ji ngot tâm bri may, mâu lah pe khay hađăch nchuăt du bơh tanăp phung rlăng tĭng may, mâu lah pe nar nau ji tưp ƀư mhĭk ngăn tâm bri may? Aƀaơ, dăn may gŭ mĭn jêh ri săch nau gâp mra plơ̆ sĭt lah đŏng ma Nơm prơh gâp hăn jêh.”

I Phung Hađăch 17:1

Y-Êli, bunuyh Tisbê, jêng du huê tâm phung gŭ njưh tâm n'gor Gilêat, lah ma Y-Ahap pô aơ: “Gâp dâk panăp Brah Yêhôva jêng Brah Ndu gŭ rêh mro mrăng ma phung Israel gay sơm ton pô aơ: Tâm âk năm jêh aơ, tơlah mâu geh nau gâp ngơi, mâu mra geh dak ngom, mâu đŏng geh tŭp mih.”

I Phung Hađăch 18:2

Y-Êli hăn tâm mâp đah Y-Ahap. Rnôk nây, ta Samari geh nau ji ngot toyh hâu ngăn.

II Phung Hađăch 4:18

Kon se jê̆ nây văch ma toyh jêh. Du nar, păng hăn tât ma mbơ̆ păng ta ntŭk bu rek ba

II Phung Hađăch 4:36

Y-Êlisê kuăl Y-Gêhasi jêh ri lah: “Hăn kuăl hom bu ur ƀon Sunem.” Y-Gêhasi hăn kuăl bu ur nây. Tơlah bu ur nây văch jêh, Y-Êlisê lah ma păng: “Chông hom kon bu klâu ay!”

II Phung Hađăch 4:38

Y-Êlisê plơ̆ sĭt ma Gilgal. Nôk nây, tâm n'gor bri dôl geh nau ji ngot toyh. Phung oh mon phung nơm mbơh lor dôl gŭ panăp Y-Êlisê. Păng lah ma phung oh mon păng: “Sŏk hom glah ƀŭng toyh, gâm trao ăn ma phung oh mon phung nơm mbơh lor sa.”

II Phung Hađăch 7:20

Jêh ri nau nây hŏ tât ma kôranh nây di nâm kơt nĕ, phung ƀon lan jot păng khĭt ta mpông ƀon.

II Phung Hađăch 8:2

Bu ur nây ƀư ro tĭng nâm nau bunuyh Brah Ndu hŏ lah, păng ndrel ma rnăk vâl păng hăn tât jêh ri gŭ njưh tâm neh Philistin pơh năm.

Nau Mprơ Ơm 105:16

Păng ăn nau ji ngot tât ta n'gor Jêh ri sŏk lơi lĕ ndơ sông sa.

Nau Mprơ Ơm 107:34

Jêh ri neh hon ndơ jêng neh chiăt, Yor nau djơh mhĭk phung gŭ ta nây.

Yêrêmi 25:29

Yorlah aơ, ƀon ri jêng ƀon bu ntơ ma amoh Gâp ƀiălah Gâp ntơm ăn tât nau mhĭk, pônây khân may mra klaih ma nau tâm rmal lĕ? Mâu! Khân may mâu mra klaih ôh ma nau tâm rmal, yorlah Gâp kuăl đao tât ma lĕ rngôch phung gŭ ta neh ntu,’” Brah Yêhôva ma phung tahan lah pônây:

Kan Lêvi 26:26

Tơlah Gâp ngroh lơi ndơ sông sa ma khân may, jât nuyh bu ur mra gŭch piăng let nsum tâm du rplay năk, jêh ri nhueh piăng let gay pă kô̆; khân may mra sa ƀiălah mâu hơm ôh.

Amôt 4:6

“Bi ma Gâp, Gâp hŏ ƀư kloh jêh sêk khân may tâm ăp ƀon khân may Jêh ri ƀư kƀah ƀănh tâm lĕ rngôch ntŭk khân may gŭ. Nđâp lah pônây, khân may mâu lĕ ŭch plơ̆ sĭt ma Gâp!” Brah Yêhôva lah pônây.

Ndrom Samƀŭt bơh Agê 1:11

Gâp hŏ kuăl nau prăng phang tât ta neh, ma phung yôk, ma găr ntil, ma dak ndrănh mhe, ma dak ngi, ma kao play chăt hon tă bơh neh, tât ma bunuyh, ma mpa rong, jêh ri ma lĕ rngôch kan ƀư bơh ti khân may.’”

Luka 21:11

mra geh lĕ nau n'găr neh toyh, nau sât ji ngot ndrel ma nau ji tưp ta âk ntŭk; mra geh lĕ nau dŭt krit kir jêh ri nau tâm mbên toyh ta klơ trôk.

Luka 21:22

Yorlah rnôk nây jêng nar nau tâm plơng nglay săk, gay ma nanê̆ lĕ nau nchih jêh.

Luka 4:25

Nanê̆, Gâp lah ma khân may, tâm nôk Y-Êli, dôl trôk phang tâm pe năm prao khay, lĕ n'gor Israel geh nau ji ngot toyh, jêh ri tâm phung Israel geh đŏng âk bu ur ndrô.

Kôranh Oh Mon 11:28

Du huê tâm phung khân păng, amoh păng Y-Agabus dâk, yor Brah Huêng Ueh mbơh lor mra geh nau sa sât ji ngot toyh lam neh ntu; nau sa sât ji ngot nây tât ngăn tâm rnôk hađăch Klôt chiă uănh.

Bu ur Rut 1:1

Tâm rnôk phung kôranh phat dôih, geh nau tât ji ngot hâu tâm bri nây. Geh du huê bu klâu bơh Ƀêtlêhem tâm bri Yuđa ndrel ma ur păng jêh ri bar hê kon bu klâu păng hăn tât gŭ ƀât lât tâm bri Môap.