II Phung Hađăch 7:8 - Nau Brah Ndu Ngơi 2023

⁸ Tơlah phung geh phŭng tât ta bôk dŭt pôih tahan, khân păng lăp tâm du pôih sa jêh ri nhêt, jêh nây khân păng sŏk prăk, mah, jêh ri kho ao leo pôn lơi ndơ nây. Khân păng plơ̆ tay, lăp tâm du pôih êng jêh ri sŏk đŏng drăp ndơ ta nây hăn pôn lơi ndơ nây đŏng.

II Phung Hađăch 7:8 ပူးပေါင်းရင်းမြစ်များ

II Phung Hađăch 5:24

Tơlah hăn tât jêh ta dor yôk, Y-Gêhasi sŏk lơi bar dŭng nây tă bơh ti khân păng, djôt prăp tâm ngih păng nơm, jêh ri păng ăn phung nây hăn sĭt.

II Phung Hađăch 7:9

Nôk nây, khân păng tâm lah ndrăng khân păng: “He ƀư mâu di ôh. Nar aơ jêng nar geh nau mhe mhan ueh, mâm he dơi gŭ rklăk! Tơlah he kâp tât ƀhit rvi ang, nanê̆ nau tâm rmal mra tât ma he. Pôri, aƀaơ he hăn hom mbơh nau aơ ma ngih hađăch.”

Êsai 33:23

Lĕ rse may bu hŏ ƀư rdja jêh, Mâu dơi kât nâp n'gâng bok ta klơ kumpăn ôh, Jêh ri mâu lĕ dơi ling bok. Nôk nây, bu mra tâm pă âk ndơ sŏk pit, Nđâp phung rvĕn ăt geh đŏng bu pă.

Yêrêmi 41:8

Ƀiălah geh jât nuyh tâm phung khân păng lah ma Y-Ismaêl: “Lơi ta nkhĭt hên ôh, yorlah hên geh jay prăp nkrem ndơ sông sa geh ba ôrgơ, ba bri, dak ngi play ôlive, jêh ri dak sŭt lĕ pôn jêh tâm mir.” Yor ri, Y-Ismaêl mâu hôm nkhĭt ôh khân păng ndrel ma lĕ rngôch oh nâu khân păng.

Mathay 13:44

“Ƀon bri hađăch klơ trôk tâm rđĭl nâm bu jay ndơ khlay tâp ndâp lơi tâm du lôk mir lŏ. Du huê bunuyh joi saơ jêh ri pôn ro, păng răm maak sĭt tăch lĕ rngôch ndơ păng geh, gay rvăt mir lŏ nây.”

Mathay 25:18

Ƀiălah, bunuyh hŏ dơn jêh du talâng, hăn kuyh ntu tâm neh jêh ri tâp lơi prăk kôranh.

Yôsuê 7:21

Nôk Gâp saơ tâm ndơ pit in geh du blah ao rjai Sinar, ueh ngăn, prăk klăp lah bar kilô, jêh ri mah klăp lah prao rhiăng gram, gâp hŏ kơnh ir jêh ri lĕ sŏk ndơ nây. Ta ri, gâp pôn jêh lĕ ndơ nây tâm trôm neh tâm ngih bok gâp jêh ri prăk ăn tâm dâng.”