II Phung Hađăch 7:2 - Nau Brah Ndu Ngơi 2023

² Kôranh tahan rgong kơl, jêng nơm hađăch nsing tâm ti păng, plơ̆ lah ma bunuyh Brah Ndu pô aơ: “Nđâp tơlah Brah Yêhôva geh pơk lĕ mpông bloh klơ trôk, nau nây dơi tât lĕ?” Y-Êlisê plơ̆ lah: “Măt may nơm ro yơh saơ nau nây, ƀiălah may mâu mra sa ndơ nây ôh.”

II Phung Hađăch 7:2 ပူးပေါင်းရင်းမြစ်များ

Nau Ntơm 7:11

Di tâm nar jât pơh, khay bar, năm prao rhiăng nôk rô̆ Y-Nôê, lĕ tu dak bơh brŏng toyh rtoh ƀhing, jêh ri lĕ mpông dak klơ trôk pơk jêh.

II Phung Hađăch 5:18

Ƀiălah dăn ma Brah Yêhôva yô̆ an ma oh mon may nau aơ: Ăp tơ̆ kôranh gâp lăp tâm ngih brah Rimôn gay yơk mbah ta nây, nsing ndăl ma ti gâp, pôri gâp ăt chon kômâk tâm ngih brah Rimôn. Pônây, dăn ma Brah Yêhôva yô̆ an nau nây ma oh mon may.”

II Nau Rêh Jêng 20:20

Ôi taơ, khân păng kah rngăl ơm ôi jêh ri luh hăn tâm bri rdah Têkôa. Dôl khân păng luh du, Y-Jôsaphat gŭ dâk jêh ri lah: “Ơ phung Yuđa jêh ri phung gŭ tâm ƀon Yêrusalem, iăt hom gâp! Rnơm nsing hom ma Yêhôva Brah Ndu khân may, jêh ri khân may mra dơi nâp; iăt hom phung nơm mbơh lor Păng, jêh ri khân may mra dơi jêng.”

Nau Mprơ Ơm 78:41

Khân păng ƀaƀơ nau rlong uănh Brah Ndu, Ƀư rmanh Nơm Kloh Ueh Israel.

Êsai 7:9

Bôk Êphraim jêng Samari, Bôk Samari jêng Y-Rêmalia. Tơlah khân may mâu iăt nanê̆ ôh, Khân may mra mâu nâp ôh.’”

Yêrêmi 29:32

Yor nây, Brah Yêhôva lah: ‘Aơ, Gâp mra tâm rmal Y-Sêmaya, bunuyh ƀon Nêhêlam, jêh ri ndŭl deh păng. Mâu hôm geh du huê tâm Noi deh păng dơi rêh tâm nklang phung ƀon lan nây. Păng nơm ăt mâu mra saơ nau ueh Gâp mra ƀư ma phung ƀon lan Gâp, yorlah păng hŏ ngơi nau tâm rdâng đah Brah Yêhôva,’” Yêhôva lah pônây.

Malachi 3:10

Lĕ ndơ du kô̆ tâm jât, ăn khân may nhhơr ăn nŭm ta jay prăp, gay geh ndơ sa tâm ngih brah Gâp. Jêh ri ntơm bơh aƀaơ, Brah Yêhôva ma phung tahan, sŏk hom nau aơ gay rlong uănh Gâp, gĭt lah Gâp pơk mpông bloh tâm trôk, nkhŭt nau ueh lăng ma khân may âk ngăn kŏ tât mâu tŏng ntŭk khân may ma dơ!

Nau Kơp Bunuyh 11:13

Ta ntŭk gâp sŏk puăch gay ăn ma lĕ rngôch phung ƀon lan aơ? Yorlah khân păng kuăl nhĭm tanăp gâp jêh ri lah: ‘Ăn ma hên sa puăch.’

Nau Kơp Bunuyh 23:19

Brah Ndu mâu jêng du huê bunuyh ôh dĭng păng ngơi mƀruh, Mâu đŏng jêng du huê kon bunuyh kŏ tât păng rgâl nau păng mĭn. Moh nau Păng hŏ ntăm jêh, mâu hĕ Păng mra ƀư ăn tât nau nây? Moh nau Păng hŏ ton, mâu hĕ Păng mra ƀư ăn tât nau nây?

Samƀŭt Pôl Njuăl Ăn Ma Phung Nsing Ta Ƀon Rôm 3:3

Ƀiălah moh nau kan tât geh tơlah bar pe nuyh tâm phung khân păng mâu chroh? Di lĕ nau khân păng mâu chroh dơi ƀư rai nau răp jăp Brah Ndu lĕ bơh?

Nau Vay Nkah Tay 3:27

Hăn hao hom ta n'gơn yôk Pisga, n'gơr măt may mpeh nhâp nar, mpeh pa lơ, mpeh pa dâng jêh ri mpeh luh nar jêh ri uănh n'gor nây ma măt may, yorlah may mâu dơi ôh hăn rgăn dak krong Yurdan aơ.

II Timôthê 2:13

Tơlah he mâu gŭ răp jăp, Păng ăt gŭ răp jăp; Yorlah Păng mâu dơi dun ma Păng nơm ôh.