II Phung Hađăch 7:18 - Nau Brah Ndu Ngơi 2023

¹⁸ Di ngăn, tơlah bunuyh Brah Ndu hŏ ngơi ma hađăch pô aơ: “Nar ôi taơ, ta mông aơ, ta mpông ƀon Samari, jât ma puăn lit ba ôrgơ mra tăch jât ma nguay gram prăk, jêh ri pơh lit rnih môi tăch đŏng jât ma nguay gram prăk,”

II Phung Hađăch 7:18 ပူးပေါင်းရင်းမြစ်များ

Nau Ntơm 18:14

Geh lĕ moh ntil nau jêr ir kŏ tât Brah Yêhôva mâu dơi ƀư? Tât yan lĕ tâm nal, năm taơ Gâp mra plơ̆ tay ma may, jêh ri H'Sara mra geh du huê kon bu klâu.”

II Phung Hađăch 6:32

Tâm nôk Y-Êlisê dôl gŭ tâm ngih păng nơm nđâp ma phung kôranh bu ranh. Hađăch prơh du huê bunuyh tâm phung oh mon hăn joi păng. Ƀiălah êlor bunuyh mbơh nây tât, Y-Êlisê lah ma phung kôranh bu ranh: “Khân may saơ lĕ nơm nkhĭt bunuyh nây prơh bunuyh hăn tât gay koh trô ko gâp? Uănh hom, tơlah nơm mbơh văch tât, nchăng mpông hom jêh ri kuăn ăn nâp mpông, lơi ăn păng lăp ôh. Mâu di hĕ khân may mâu tăng nteh nhuat jâng kôranh păng groi pakơi păng?”

II Phung Hađăch 7:19

jêh nây kôranh rgong kơl plơ̆ lah bunuyh Brah Ndu pô aơ: “Nđâp tơlah Brah Yêhôva geh pơk lĕ mpông bloh klơ trôk, nau nây dơi tât lĕ?” Y-Êlisê lah: “Măt may nơm mra saơ nau nây, ƀiălah may mâu mra sa ndơ nây ôh.”

Êsai 44:26

Brah Ndu ƀư nanê̆ nau oh mon Păng ngơi, Ăn tât moh nau phung Păng hăn mbơh Lah ma ƀon Yêrusalem pô aơ: ‘Bu mra gŭ tâm păng’ Jêh ri ma lĕ ƀon bri Yuđa pô aơ: ‘Bu mra rdâk tay păng. Gâp mra ndâk tay lĕ ntŭk roh rai păng.’