II Phung Hađăch 7:17 - Nau Brah Ndu Ngơi 2023

¹⁷ Nôk nây, hađăch ntĭnh jêh ma kôranh rgong kơl jêng nơm păng nsing, chiă uănh mpông ƀon. Phung ƀon lan jot mpet păng khĭt ta mpông ƀon, di nâm nau bunuyh Brah Ndu hŏ lah lor jêh nôk hađăch hăn mâp păng.

II Phung Hađăch 7:17 ပူးပေါင်းရင်းမြစ်များ

II Phung Hađăch 5:18

Ƀiălah dăn ma Brah Yêhôva yô̆ an ma oh mon may nau aơ: Ăp tơ̆ kôranh gâp lăp tâm ngih brah Rimôn gay yơk mbah ta nây, nsing ndăl ma ti gâp, pôri gâp ăt chon kômâk tâm ngih brah Rimôn. Pônây, dăn ma Brah Yêhôva yô̆ an nau nây ma oh mon may.”

II Phung Hađăch 6:32

Tâm nôk Y-Êlisê dôl gŭ tâm ngih păng nơm nđâp ma phung kôranh bu ranh. Hađăch prơh du huê bunuyh tâm phung oh mon hăn joi păng. Ƀiălah êlor bunuyh mbơh nây tât, Y-Êlisê lah ma phung kôranh bu ranh: “Khân may saơ lĕ nơm nkhĭt bunuyh nây prơh bunuyh hăn tât gay koh trô ko gâp? Uănh hom, tơlah nơm mbơh văch tât, nchăng mpông hom jêh ri kuăn ăn nâp mpông, lơi ăn păng lăp ôh. Mâu di hĕ khân may mâu tăng nteh nhuat jâng kôranh păng groi pakơi păng?”

II Phung Hađăch 7:2

Kôranh tahan rgong kơl, jêng nơm hađăch nsing tâm ti păng, plơ̆ lah ma bunuyh Brah Ndu pô aơ: “Nđâp tơlah Brah Yêhôva geh pơk lĕ mpông bloh klơ trôk, nau nây dơi tât lĕ?” Y-Êlisê plơ̆ lah: “Măt may nơm ro yơh saơ nau nây, ƀiălah may mâu mra sa ndơ nây ôh.”

II Phung Hađăch 9:33

Păng lah: “Mƀăr hom păng tŭp ta neh!” Khân păng mƀăr păng tâm neh, ƀaƀă mham mprănh ta mpir jêh ri ta seh, jêh ri jâng seh jot klơ păng.

Êsai 25:10

Yorlah ti Brah Yêhôva mra n'gân ta yôk aơ; Ƀiălah bu mra jot sôt bri Môap ta ntŭk păng, Tâm ban ma bu jot sôt mbŭch rhe tâm ntŭk ntu ndŏk.

Mika 7:10

Nơm rlăng ma gâp mra saơ nau nây, Jêh ri mra geh nau bêk prêng. Păng jêng nơm hŏ lah ma gâp pô aơ: “Ta ntŭk Yêhôva Brah Ndu may?” Măt gâp mra saơ nau păng rlâm rai, Jêh ri bu mra jot mpet Nâm bu dak bŏk rŏ trong.

ហេឞ្រើ 10:29

Rlau lơn ma phung jot plên Kon Brah Ndu, mưch rmot mham nau tâm rnglăp, nâm bu ntĭt mham ƀư kloh ueh jêh khân păng nơm, jêh ri hôm ngơi djơh ma Brah Huêng Ueh nau yô̆, pôri khân may mĭn bunuyh nây mâu khư geh nau rmal jâk jêr rlau lơn lĕ ƀơh?

Phung Kôranh Phat Dôih 20:43

Khân păng nchueng jŭm phung Benjamin, tĭng lơh jêh ri ƀư rai khân păng kŏ tât mpeh luh nar ƀon toyh Gibêa.