II Phung Hađăch 7:16 - Nau Brah Ndu Ngơi 2023

¹⁶ Phung ƀon lan hăn luh ro jêh ri sŏk pit lĕ ndô ndơ tâm pôih phung tahan Aram. Yor ri pơh lit rnih môi tăch jât ma nguay gram prăk, jêh ri jât ma puăn lit ba ôrgơ tăch đŏng jât ma nguay gram prăk, di tĭng nâm nau Brah Yêhôva ngơi jêh.

II Phung Hađăch 7:16 ပူးပေါင်းရင်းမြစ်များ

II Phung Hađăch 7:1

Y-Êlisê lah: “Iăt hom nau Brah Yêhôva! Brah Yêhôva lah kơt aơ: ‘Nar ôi taơ, di mông aơ, ta mpông ƀon Samari, pơh lit rnih môi bu mra tăch jât ma nguay gram prăk, jêh ri jât ma puăn lit ba ôrgơ mra tăch jât ma nguay gram prăk.’”

II Phung Hađăch 7:15

Khân păng hăn tĭng phung tahan Aram kŏ tât ta dak krong Yurdan. Dôl tâm du njăr trong nây, khân păng saơ bêng ma kho ao jêh ri ndô ndơ phung tahan Aram mƀăr lơi tâm nôk nchuăt du. Phung prơh hăn plơ̆ sĭt jêh ri mbơh ma hađăch.

II Nau Rêh Jêng 20:25

Y-Jôsaphat jêh ri phung tahan păng tât sŏk pit ndô ndơ, âk ngăn drăp ndơ jêh ri ndơ nkrơ̆ khlay klơ săk jăn phung tahan rlăng. Khân păng sŏk pit ma khân păng nơm kŏ tât khân păng mâu hôm dơi tuy ôh. Khân păng sŏk gro ndô ndơ nây tâm pe nar, yorlah ndô ndơ dŭt âk ngăn.

Nau Mprơ Ơm 68:12

“Phung hađăch geh phung tahan nchuăt du, nchuăt du jêh!” Phung bu ur hôm gŭ tâm ngih ăt tâm pă drăp ndơ geh.

Nau Mprơ Ơm 68:13

Tơlah khân may gŭ rlu tâm nklang ndrung biăp, Ăt geh năr plŭk nkŭm ma prăk. Jêh ri rsau ma mah chrêk.

Êsai 33:1

Rêh ni ngăn ma may jêng nơm ƀư rai Ƀiălah may nơm bu mâu hŏ ƀư rai ôh, Jêng nơm ndơm bu Ƀiălah bu mâu mâp ndơm may ôh! Lah may rlu ƀư rai bu, Bu mra ƀư rai may đŏng; Lah may mâu hôm ƀư nau ndơm Bu mra ndơm may đŏng.

Êsai 33:23

Lĕ rse may bu hŏ ƀư rdja jêh, Mâu dơi kât nâp n'gâng bok ta klơ kumpăn ôh, Jêh ri mâu lĕ dơi ling bok. Nôk nây, bu mra tâm pă âk ndơ sŏk pit, Nđâp phung rvĕn ăt geh đŏng bu pă.

Êsai 33:4

Drăp ndơ khân may bu mra rgum tâm ban ma krah ndrach; Bu rduh lăp ma păng khân may tâm ban ma phung krah nsăt rduh ran tât.

Êsai 44:26

Brah Ndu ƀư nanê̆ nau oh mon Păng ngơi, Ăn tât moh nau phung Păng hăn mbơh Lah ma ƀon Yêrusalem pô aơ: ‘Bu mra gŭ tâm păng’ Jêh ri ma lĕ ƀon bri Yuđa pô aơ: ‘Bu mra rdâk tay păng. Gâp mra ndâk tay lĕ ntŭk roh rai păng.’

Nau Kơp Bunuyh 23:19

Brah Ndu mâu jêng du huê bunuyh ôh dĭng păng ngơi mƀruh, Mâu đŏng jêng du huê kon bunuyh kŏ tât păng rgâl nau păng mĭn. Moh nau Păng hŏ ntăm jêh, mâu hĕ Păng mra ƀư ăn tât nau nây? Moh nau Păng hŏ ton, mâu hĕ Păng mra ƀư ăn tât nau nây?

Mathay 24:35

Trôk neh ntu mra rlau lôch, ƀiălah nau Gâp ngơi mâu mra rlau lôch ôh.”

I Samuel 17:53

Jêh hăn tĭng phung tahan Philistin, phung ƀon lan Israel plơ̆ sĭt sŏk pit pôih khân păng.